பொட்டலம்

காதலர் தினம் 2012

2012-02-13T23:45:00.003+09:00

காதலர்கள் அனைவருக்கும் இனிய வாழ்த்துக்கள்!

----------------------------------------------------------------------

வசந்தமாகுமே என் இலையுதிர்காலங்கள்

உன் வரவுப்பதிவுகளால் நி்ரம்பும் எனது நாழிகைகள்!

அர்த்தமாகுமே எனது கிறுக்கல்கள்

உந்தன் குரல் மீடிறனிலே அதுவும் ஒரு ஹைகூதான்!

அத்தி பூத்த மழைதனிலே

பாலைவன வானவில் ஓவியம் நீ!

குபேரன் கொடுத்த லஞ்சத்திலே

பிரம்மன் படைத்துவிட்ட அதிசயம் நீ!

வழிந்தோடும் நதியின் தெளிவு

உன் முகத்தில் பார்க்கின்றேன்!

கண்மணி நீ சென்ற இடமெல்லாம்

படுத்துப்போகும் குங்கிலிய விற்பனைகள்!

நீவரும் சாலையோரம் எங்கினும்

உன் கொலுசொலி எதிர்பார்த்து நான்!

நீ Hello சொல்லாத நாட்கள் எல்லாம்

HELL தானடி எனக்கு!

அமாவாசை நடுநிசியில்

முழுநிலவை தொட்டுவிட துடிக்கிறேன்!

தோழர்களின் நிந்தனைகள்

செவியில் உறைக்கா போதனைகள்!

காதலர் தினம்- 2011

நண்பன் (சூப்பர் பண்) - திரைப்பார்வை

2012-01-13T05:15:00.001+09:00

டிஸ்கி: 3 Idiots படம் வந்தஉடன பாத்தபடியா Original DVDல் பாக்கல. அதன் கதை scenes ஞாபகம் இருந்தாலும், frame by frame என்ன நடக்குது எண்டு ஞாபகம் இல்லை. So இந்தப்பார்வை Hindi படத்தோட ஒப்பிட்டு எழுதப்படேல. (பக்கா clear கொப்பி பிறகு கிடைச்சிருந்தாலும் நண்பனின் சுவாரஸ்யம் குறைஞ்சிடும் எண்டதால பாக்கல)

சங்கரின் இயக்கம், ஹாரிஸின் இசை, விஜய்+ஜீவா+ஸ்ரீகாந் நடிப்பு, ஹிந்திப்பதிப்பான 3IDIOTSன் மீள்பதிப்பு. சினிமா ரசிகர்களின் எதிர்பார்ப்பை எகிறச்செய்ய இவற்றைவிட வேறென்ன தேவை? சங்கர் தனது பழைய படங்களையே கொஞ்சம் மாத்தி பல படங்களில் றீமேக் செஞ்சிருந்தாலும் வேறுமொழியில் வந்த வேறொருவரின் படத்தை றீமேக்குவது இதுவே முதல்முறை. (சங்கரின் பழைய ஜென்டில்மென், இந்தியன், முதல்வன், அந்நியன், சிவாஜி போன்ற எல்லாம் ஒரே கதைக்கரு என்பதையே அப்பிடி சொன்னேன்). அதோடு இதுவரை காலத்திலேயும், விரைவில் சங்கரால் முடிக்கப்பட்ட படமும் இதுவாகதான் இருக்கும்.

அந்நியனுக்கு பிறகு சங்கருடன் 2வது தடவை சேரும் ஹாரிஸ் ஜெயராஜ் தனது முதல் அல்பமான ”7ம் அறிவில்” விட்ட குறையை இதில் முழுவதுமாக பூர்த்தி செய்திருந்தார். ஹாரிஸ் ஜெயராஜை பிடிக்காத பலருக்கே நண்பன் பாடல்கள் நன்றாக கவர்ந்திருந்தது. “அஸ்க்கு லஸ்கா” பாடல் NO1 பாடலாக சூப்பர் டூப்பர் ஹிட் ஆகியிருந்தது. அதோடு மற்ற பாடல்களும் ஒன்றுக்கு மற்றொன்று குறைந்ததில்லாமல் அற்புதமாக வந்திருந்தது. உண்மையில் 3இடியட்ஸ் படத்தில் வந்ததை(2?) விட இதில் கூடுதலான பாடல்கள் இருந்தாலும் படத்தில் எந்தவிததொய்வும் ஏற்படாத விதத்திலும் சூழ்நிலைக்கு ஏற்றமாதிரியும் பயன்பட்டிருந்தமை படத்தின் அடிஷனல் பிளஸ் பாயின்டுகளாக இருந்து. ஏற்கனவே ஹாரிஸ் சொன்னபடி ”என் friendஐ போல யாரு மச்சான்” பாட்டு title song காக வந்தது.

ஹிந்தியில் மெகாஹிட்டான ஒரு படத்தை பிரபல இயக்குனர் மீள் பதிக்கும்போது ஏற்படும் ரசிகர்களின் பெரிய்ய எதிர்பார்ப்பு + பழைய ஒறிஜினலை மாதிரி ஒழுங்காக கொடுக்கவேண்டும் என்ற இயக்குனருக்கு ஏற்படும் டென்ஷன் இவ்விரண்டையும் சங்கர் தனது திறமையாலும் மற்ற பலரின் உழைப்பாலும் 100க்கு 100% திருப்திப்படுத்தியுள்ளார், வெற்றிபெற்றுள்ளார். அண்மையில் பலத்த எதிர்பார்ப்புகளுடன் வந்த பல படங்கள் ஊத்திக்கிட்ட நிலையில் மங்காத்தவுக்கு பிறகுவந்த படங்களில் அடுத்தபடியாக எதிர்பார்ப்புக்கு ஏற்றமாதிரி ரசிகர்களுக்கு நல்லதொரு பொங்கல் விருந்தை படைத்துள்ளார் சங்கர்.

சங்கர் நண்பன் பட ஓடியோ வெளியீட்டு விழாவில் சொன்னதுபோல விஜய் தனது வழமையான பாணியில் இல்லாமல் நடிச்சிருக்கார். அதோட விஜய்ய பிடிக்கிறவங்களுக்கு கூட பிடிக்கும் விஜய பிடிக்காதவங்களுக்கும் இனி பிடிக்கும்எண்டு சொன்னதை விஜய் தனது சிறப்பான அளவான ஓவர்பில்டப்பில்லாத நடிப்பால் நிருபித்துக்காட்டியுள்ளார். அண்மையில் வந்த எந்தவொரு வழமையான விஜய் படத்திலும் காணப்படும் எந்தக்காட்சிகளும் இதில் இல்லை. சங்கர் எதிர்பார்த்ததை அப்பிடியே விஜயிடமிருந்து வாங்கியிருக்கிறார். மற்ற இரு ஹீரோக்களான ஜீவா, ஸ்ரீகாந்தைவிட விஜயின் நடிப்பு பளிச்சென தெரிகிறது.

ஜீவா வழமைபோல தனது அலட்டலில்லாத நடிப்பால் கலகலப்பான காட்சிகளிலும் உணர்ச்சிபூா்வமான காட்சிகளிலும் அனைவரையும் கவர்ந்துவிடுகிறார். Induction Motor எப்பிடி start பண்ணுது? என்று சத்தியராஜ் கேட்ட கேள்விக்கு வாயால் மோட்டர் எப்பிடி சத்தம்போடுதொ அப்பிடியே சத்தம் போட்டு காட்டிய காட்சி அற்புதமாக இருந்தது. எனக்கு இவர்களில் ஸ்ரீகாந்தின் நடிப்பில்தான் திருப்தி இல்லை. தனியா தோன்றும் காட்சிகளில் ஜொலித்திருந்தாலும் மூவரும் தோன்றும் காட்சிகளில் அவரது திறமையை முழுவதுமாக வெளிப்படுத்தியதை காணமுடியவில்லை.

படவெளியீட்டிற்கு முன்பே பலர் கூறியதுபோல நகைச்சுவை நடிகர் சத்தியனின் முழுத்திறமையும் இந்தபடத்தில்தான் வெளியாகியுள்ளது. அற்புதமான வாய்ப்புள்ள பாத்திரத்தில் ஆள் புகுந்துவிளையாடியுள்ளார். ஆங்கிலத்தில் காமெடியாக பேசும் பாணியிலென்ன, தனது body languageலென்ன தன்னால் முடிந்த உச்சக்கட்ட திறமையை இதில் வெளிப்படுத்தியிருக்கார். பிழையாக தமிழில் மாற்றி எழுதப்பட்ட உரையை இவர் மேடையில் மனப்பாடம் செய்து பேசும் காட்சிதான் ஆனேகம்பேரின் கைதட்டல்களுக்கும் பாராட்டிற்கும் உரித்தானது.

நீண்டகாலத்துக்கு பிறகு வித்தியாசமான சத்தியாராஜை இந்தப்படம் ஊடாக பார்க்ககிடைத்தது. நக்கல் நையாண்டிகள் இல்லாத ஒரு serious ஆசாமியாக கலக்கியிருக்கிறார் இவர். நீண்டகாலமாக பலதரப்பட்ட வேடங்களில் சத்தியராஜ் சிறப்பாக நடித்துக்கொண்டு வந்திருந்தாலும் நிச்சயமாக இந்தப்படமும் அவரது சிறந்த மைல்கற்களில் ஒன்றாக அமையும்.

கேடியில் ஏற்கனவே தமிழில் இலியானா அறிமுகமாகியிருந்தாலும் அந்தபடத்தின் தோல்விக்கு பிறகு தமிழில் தலைகாட்டாது (தமிழ் வாய்ப்புக்கள் பலவந்தும்) தெலுங்கில் பிரபலமாகியிருந்தார். ஆனால் இந்தப்படத்திற்காக சங்கரால் மீண்டும் தமிழிற்கு அழைத்துவரப்ட்டிருக்கார். ஆனால் இலியானவுக்கு கொடுத்த பில்டப்புக்கு ஏற்ற மாதிரி பெரிசாக அழகுதேவதையாக இதில் தெரியவில்லை. சுமார்தான். ஆனால் அளவான நடிப்பு. இலியானவின் புகழ்பெற்ற இடுப்பை வைத்து பா.விஜய் எழுதிய பாடல் ”இருக்கானா இடுப்பிருக்கானா இல்லையானா இலியானா” பாட்டுதான் இதில் இலியானவுக்குரிய தனிமகுடம்.

"Heartல பற்றறி சார்ஜுதான் All is well" பாடல் படமாக்கப்பட்ட விதம் காமெடியாக படமாக்கப்பட்டு கலகலப்பாக இருந்தது. பெரும் எதிர்பார்பிற்குரிய ”அஸ்க்கு லஸ்க்கு ஏமோ” பாட்டில் வித்தியாச வித்தியாசமான கால, இடங்களில் படமாக்கப்ட்டு ஒவ்வொரு வித்தியாமான சூழலிலும் அந்தக்காட்சி புதுசாக தொடங்கும்போது அப்பிடியே படப்பிடிக்குழுவும் உள்ளடங்கலாக வரக்கூடியவாறு ”Foreign Song shoot", "Modern getup" "ராஜா காலம்” என்று எழுதிப்பிடித்த take action board உடன் படமாக்கப்பட்டு கொஞ்சம் வித்தியாசமாக காட்சியமைப்பாக இருந்தது. Painting செய்த train, கண்ணாடியில் செய்த மாளிகை போன்றன இந்தப்பாடலில் கண்ணுக்கு குளிர்ச்சியை தந்தது.

”இலியான” பாடல் கூடுதலாக கலர்புள்ளாக பிரேத்தியேகமாக அமைக்கபட்ட மாளிகைபோன்ற செட்டில் பல வெளிநாட்டு நடன மங்கைகளுடன் இலியானவின் சிறப்பு இடுப்பாட்டத்துடன் படமாக்கப்பட்டிருந்தது.

மூன்று மணிநேரத்துக்கு அதிகமாக நீளும் இந்தப்படம் எந்தவொரு நேரத்திலும் ஒரு தொய்வை காண்பிக்கவே இல்லை. கதையோடும் ஒட்டிச்செல்லும் நண்பர்கள் மூவரின் குறும்புத்தனங்கள், சத்யனின் காமெடி, சத்யராஜின் கடுமையான அதிகாரம், இலியானாவின் காதல் இவற்றிற்கு பக்கபலமாக அமைந்திருக்கிறது.

பாடல் வெளியீட்டில் இந்தப்படம் பிடித்திருந்தால் அந்தப்பெருமை 3 IDIOTSன் director ராஜ்குமார் ஹிரானியையே சேரும் என்று பணிவுடன் சொன்ன சங்கர் மீண்டும் ஒருமுறை நல்லதொரு வெற்றிப்படத்தை கொடுத்துவிட்டார் என்று உறுதியாக சொல்லிவிடலாம். பக்கா விஜய் ரசிகர்கள் எதிர்பார்க்கும் மசலா அம்சங்கள் எதுவுமே இதில் இல்லையென்றாலும் நல்ல படம்பார்க்க விரும்பும் சாதாரண ரசிகர்களின் துணையோடு நண்பன் வெற்றியை இலகுவாக தொடும்.

மொத்தத்தில் நண்பன் = பன்னீரில் குளித்த உணர்வு!

ராஜபாட்டை(போடா சொட்டை :P) - திரைப்பார்வை

2011-12-23T15:02:00.002+09:00

வெண்ணிலா கபடிக்குழு, "நான் மகான் அல்ல", "அழகர்சாமியின் குதிரை" என்று முதல் மூன்று நல்ல படங்களை தந்த இயக்குனர் சுசீந்திரனிடமிருந்து இப்பிடியொரு படத்தை நான் எதிர்பாக்கவில்லை. நல்ல இயக்குனர், தமிழ்சினிமாவின் முதன்மையான திறமையான நடிகர் விக்ரம் இணையும் படம் என்பதால் நல்லவொரு சுவாரஸ்யமான பக்கா மசாலா படத்தை (என்னதான் கமெர்ஷியல் படமென்றாலும்) எதிர்பார்த்தோம். எதிர்பார்த்ததுக்கு படத்தில ஒண்ணுமே இல்லை. இப்பிடியொரு சாட்டர் படத்தை நல்ல படமெடுத்த சுசீந்திரனே தரேக்க இந்த திரைப்பார்வையும் நான் எழுதினதுக்குள் சின்னனாதான் இருக்கும்.

பெரிதாக விளம்பரங்கள் ஆர்ப்பாட்டங்கள் இல்லாமல் வெளிவந்த இந்தப்படத்தில் வெறுமன 4பாட்டுதான் என்றாலும், யுவனின் இசையில் பாடல்கள் முதலில் வரவேற்பை பெற்றிருந்தன. "பனியே பனிப்பூவே", "பொடிப்பையன் போலவே" பாடல்கள் நன்றாக இருந்தன. முதல் பாதியில் கலகலப்பாக நன்றாக சென்றபடம் இரண்டாவது பாதியில் பெரும் சொதப்பலுடன் முடியும் எண்டு எதிர்பாக்கமுதல் திடீரென முடிந்து விட்டது. தியேட்டரில் படம்முடிந்தமாதிரி தெரிந்தாலும் இன்னும் இருக்குமோ என்ற எண்ணமே இருந்தது. பெரிய்ய டுவிஸ்டுகள் ஒண்ணுமே இல்லாமல் முடிக்கோணும் எண்ட மாதிரி முடிச்சே மாதிரி இருந்திச்சு. படம்முடிஞ்ச பிறகுதான் "லட்டு லட்டு" பாட்டை போட்டு ஸ்ரேயா, றீமாசென்னுடன் விக்ரத்தை ஆட வைத்தார்கள்.

சுசீந்திரன் எடுக்கும் முதலாவது பெரிய்ய பட்ஜெட் படம் எண்டு சொன்னதுக்கு படத்தில பிரமாண்ட காட்சிகளென்று ஒண்டையும் காண முடியல. ஆனா இந்தபடத்தில பாராட்ட வேண்டிய முக்கிய கண்டுபிடிப்புதான் ஹீரோயின் தீக்சாசேத். கத்ரினா கைப்பை போல முகவெட்டை கொண்ட இந்த நடிகைக்கு நல்ல வாய்ப்புக்கள் வரும். அழகாக அம்சமாக அடக்கமாக இருக்கிறார். (கார்த்தி ஜெனிலியா போனலென்ன தீக்சா உனக்குதான்). இந்த படத்தில் இவருக்கு காட்சிகள் மிகக்குறைவுதான். எண்டாலும் அப்பிடியே கண்ணில நிக்கிறா. சிம்புவின் வேட்டை மன்னனிலும் இவ இருப்பது ரொம்ப மகிழ்ச்சி. விக்ரமும் நல்ல Stylish ஆகதான் வாறார். இறுதிக்கட்டங்களில் பல வேடங்களில் வரும் காட்சிகள் வேண்டுமென்றே புகுத்தப்பட்டிருக்கு. (தசாவதாரத்தையும் விட கூட வேடம் போடலாம் எண்டு காட்டவோ தெரியல.)

யாரடி நீ மோகினியில் வந்த அந்த வயதுபோன நடிகர் விஸ்வநாத் முதல்பாதியில் விக்ரமுடன் சேர்ந்து நன்றாக நடித்திருந்தார். இளவட்டங்களுக்கு ஈடுகொடுக்கமுடியும் என்று காட்டியிருந்தார். இந்தபடத்திற்கென்று தனியான நகைச்சுவை நடிகர் இல்லை என்றாலும் விக்ரமோடு திரியும் அடியாடக்களும் தம்பிராமையா செய்யும் சேஷ்டைகளும் ரசிக்க முடிகிறது. வித்தியாசமான வேடங்களில் நடிக்கும் விக்ரத்திற்கு நீண்ட காலத்திற்கு பிறகு ஒரு காமெர்ஷியல் ஹிட் கொடுக்கவேண்டிய கடப்பாடு இந்தப்படத்தில் நிறையவே இருந்தது. ஆனால் மீண்டும் விக்ரமிற்கு ஒரு சொதப்பல் படமே கிடைத்திருக்கு.

Director Suseenthiran

மொத்தத்தில் என்னதான் வித்தியாசமான கதைக்களங்களில் சுசீந்திரன் தன்னை நிரூபித்திருந்தாலும் இதில் முதன்முதலில் சொதப்பியிருக்கிறார். முதல்பாதிய மட்டும் சும்மா பாக்கலாம். இரண்டாம் பாதி ஏனோதானோ. விக்ரமின் சொதப்பல் படங்களில் இதற்கும் முக்கிய ஒரு இடம்கிடைக்கபோவது தவிர்க்கமுடியாதது.

பி.கு: இந்தப்படத்திற்கு நிறைய எழுத என்னால முடியல. அந்தளவிற்கு படம்சொல்லக்கூடியதாக இல்லங்க. நீண்டகாலத்துக்கு பிறகு இன்றுதான் யாழ்ப்பாணத்தில் படம் பார்த்தேன் (செல்லா திரையரங்கில் பதிவர் எப்பூடியும் வந்திருந்தார்)

திரைதகவல் பெட்டகம்-VII (தமன், SolarSai, சத்யா)

2011-12-21T14:30:00.032+09:00

Composer Vidyasakar

இசையமைப்பாளர் தமனின் வளர்ச்சி உண்மையில் class இசையமைப்பாளர் வித்தியாசகரின் வாய்ப்புக்களை தட்டிப்பறிக்கின்றது என்பது (வித்தியாசாகரின் தீவிர ரசிகராக இருந்தும் கூட) ஏற்றுக்கொள்ளக்கூடிய உண்மை. இதற்கு சான்று பகர்வதுபோல் தனது ஆஸ்தான இசையமைப்பாளராக இவ்வளவு காலமும் உபயோகித்து வந்த வித்தியாசாகரை இயக்குனர் தரணி முதல்முறையாக ”ஒஸ்தி” படத்தில் கழற்றி இளம்இசையமைப்பாளர் தமனிற்கு வாய்ப்பளித்திருந்தார். அதேபோல் தனது முதலிரு படங்களான ”ஜெயம்கொண்டான்”, ”கண்டேன் காதலை” போன்றவற்றிற்கு வித்தியாசாகரை மெட்டுபோடவைத்த இயக்குனர் கண்ணன் "வந்தான் வென்றான்"இற்கு தமனுக்கு வாய்ப்பளித்திருந்தார். தமிழ்சினிமாவில் வித்தியாசகரின் மெட்டுக்கள் யாராலும் இலகுவில் மறந்துவிடமுடியாத ஒன்றாக இருந்தாலும்கூட, அவர் இறுதியில் இசையமைத்த ”தம்பிவெட்டோத்திசுந்தரம்” ”இளைஞன்” ”சிறுத்தை” ”காவலன்” போன்ற அல்பங்களில் தனதுதனி முத்திரையை வழமைபோல் பதிக்க தவறிவிட்டார் என்று கவலையுடன் ஒத்துக்கொள்ள வேண்டியுள்ளது.

Composer Thaman

மேலே குறிப்பிட்ட படங்களில் நல்ல பாடல்கள் இல்லை என்று நான்சொல்லவில்லை. ஆனால் வித்தியாசாகரின் பாணியிலான பாடல்கள் மிகவும் குறைவு. காவலன் பாடல்கள் ரசிகர்களிடையே வரவேற்பை பெற்றிருந்தாலும் வித்தியாசாகரின் தனித்துவ பாடல்கள் அதில் மிஸ்ஸிங்தான். எனினும் வெட்டோத்திசுந்தரத்தில் ”நேற்று இல்லை இல்லை இந்த ஆனந்தம்” பாடல் வித்தியாசகரின் பலமான மெலடியை மீண்டும் நினைவூட்டியிருந்தது. ஆனாலும் மற்றைய பாடல்கள் சொல்லிக்கொள்ளும்படியாக இல்லை. இறுதியாக தனது Formஐ நிரூபித்த அல்பமாக இருந்தது ”மந்திரப்புன்னகை”தான். மற்றைய மேலே குறிப்பிட்ட அல்பங்களில் அவரின் தனிமுத்திரை மிஸ்ஸிங்தான்.

------------------------------------------------------------------------------

இசையமைப்பாளர் ஹாரிஸ்ஜெயராஜ் மூலமாக அறியப்பட்டவர்தான் பாடகர் Solar சாய். வேட்டையாடுவிளையாடுவில் இவரும் பிராங்கோவும் சேர்ந்து பாடிய ”நெருப்பே சிக்கிமுக்கி நெருப்பே” பாடல் அந்தக்காலத்தில் பிரபல்யமாக இருந்தது. அதன்பின்னர் சோலர்சாய் சில பாடல்களை பாடியபோதும் அந்தப்பாடல்கள் ஒன்றும் பெரிதாக பேசப்படவில்லை. பின்னர் D.இமானின் இசையில் மைனாவிற்காக ”ஜிங்கு சிக்கு” என்று பெரிய்ய ஹிட் பாடலை பாடினார். ஆயினும் மற்ற பாடகர்கள் போல் ஒரு ஹிட் கொடுத்த பிறகு கிடைக்கும் பிரபல்யம் இவருக்கு கிடைத்ததா? என்று கேட்டால் இல்லை என்று ஒருவார்த்தையில் சொல்லிவிடலாம். பலருக்கு இவரை பாடகரென்றே தெரியாது கவலைக்குரிய விடயம்தான்.

Singer Solar Sai

தனது முதல்வாய்ப்பின்பும் ஹாரிஸ்ஜெயராஜ் வாரணம் ஆயிரத்தில் ”யெத்தி யெத்தி யேத்தி” மற்றும் ”கோ”வில் ”அக நக” என்ற இரு பாடல்களிலும் தனிக்குரலாக இல்லாமல் மற்றைய பாடகர்களுடன் சேர்ந்து பாடவைத்தார். அண்மையில் ஒஸ்தியிலும் ”கலாசலா கலசலா” பாடலிலும் இவரது குரல் வந்திருந்தது. ஆனால் வெளியில் LR.ஈஸ்வரி, TR.ராஜேந்தர் பாடிய பாடல்என்று பேசப்பட்டமையால் இவரது பெயர் இந்தபாடலிலும் வெளியே தெரிந்த பாடாக இல்லை. உண்மையில் இந்த பாடலில் ஆரம்பத்தில் கொஞ்ச நேரம் வரும் ஆண்குரல் சோலர் சாய்க்குரியது. அதாவது படத்தில் சோனுசூட் பாடும் நேரத்தில் வரும் குரல்.

------------------------------------------------------------------------------

”எங்கேயும் எப்போதும்” படம்தான் இசையமைப்பாளர் சத்யாவின் முதல்படம் என்று பலர் நினைத்துக்கொண்டிருக்கிறார்கள். ஆனால் வேறுசிலரோ ”சேவற்கோடி”தான் முதல்படம் என்கிறார்கள். ஆனால் இரண்டும் பிழை. சத்யாவின் இசையமைப்பில் முதலில் வெளிவந்த படம்தான் ”எங்கேயும் எப்போதும்”. சேவற்கொடி பாடல்கள் வந்து பிரபல்யம் அடைந்ததோ தவிர படம் இன்னும் வெளியாகவில்லை. இவை எல்லாத்துக்கும் முன்னதாக சத்யாவிற்கு இவ்விரண்டு வாய்ப்புக்களை வழங்கியது ”சில்லென்று ஒரு காதல்” புகழ் இயக்குனர் கிருஷ்ணா இயக்கி இன்னும் வெளிவராமல் இருக்கும் ”ஏன் இப்படி மயக்கினாய்?” படபாடல்கள்தான்.

Composer Sathya

பரத்வாஜ், சிற்பி, பாலபாரதி போன்ற இசையமைப்பாளர்களுடன் பணியாற்றிய இவர் இசையமைப்பாளராக உருவாகியது இயக்குனர் கிருஷ்ணாவின் ”ஏன் இப்படி மயக்கினாய்?” படம்மூலமாகதானாம். அண்மையில் ஒரு தொலைக்காட்சிப்பேட்டியில் இதை நான் அறிந்துகொண்டேன். இந்தபாடல்களை கேட்டுத்தான் ”சேவற்கொடி” ”எங்கேயும் எப்போதும்” வாய்ப்புக்களை இவருக்கு வழங்கியுள்ளார்கள். இவரின் 3வது படம்தான் எங்கேயும் எப்போதும். ஆனால் மற்றபடங்கள் இன்னும் வராததால் Debutant Composer and MovieDirectorன் படம் எங்கேயும் எப்போதும் என்று சொல்கிறார்கள். உண்மையில் அது பிழை.

முந்தைய பாகங்களுக்கு
I II III IV V VI

ஒஸ்தி-திரைப்பார்வை

2011-12-09T03:15:00.003+09:00

ஒஸ்தி: இயக்குனர் தரணியின் இயக்கத்தில் குருவியின் சொதப்பலுக்கு பிறகு நீண்டகால இடைவெளிவிட்டு வரும் படம். மசாலா அக்சன் படங்களை இயக்குவதில் கைதேர்ந்தவரான தரணி இயக்கிய தில், தூள், கில்லி படங்கள் பெற்ற பாரிய வெற்றி அவரை முக்கிய இயக்குனராக நிலை நிறுத்தியிருந்தது. ஆனால் அதன்பின்னர் கடைசியாக வந்த ”குருவி” அவரது பெயரை கெடுக்கும்விதமா செம மொக்கையாக வந்திருந்தது. விஜயுடன் கில்லி கொடுத்த மெஹா ஹிட்டுக்கு பிறகு பலத்த எதிர்பார்ப்புடன் மீண்டும் இணைந்திருந்தனர் இருவரும் குருவிக்காக. ஆனால் எதிர்பார்ப்புக்கு தலைகீழாகவந்து, விஜயின் தொடர்ச்சியான புளொப்படங்களில் ஒன்றாக இருந்து விட்டிருந்தது.

அதன்பின் 3வருட இடைவெளிக்கு பிறகு வரும் படம்தான் இந்த ஒஸ்தி. குருவியில் வீழ்ந்த தனது மதிப்பை நிலைநிறுத்துவார் என்ற எதிர்பார்ப்பு இந்த படத்திற்கு இருந்தது. அத்துடன் ”விண்ணை தாண்டி வருவாயா” ”வானம்” என்று தனது இறுதி இரண்டு வெற்றிகரமான, வரவேற்பு கிடைத்த படங்களில் நடித்திருந்த சிம்புவும் இணைவது படத்திற்கு பலமாக இருந்தது. மேலும் வெளிவந்திருந்த ஒஸ்தி படத்தின் Trailer இளவட்டங்களிடையேயும், அக்சன் மசாலா படவிரும்பிகளிடையேயும் நல்ல வரவேற்பை பெற்று படத்தின் எதிர்பார்பை கூட்டியிருந்தது.

எனினும் தனது ஆஸ்தான இசையமைப்பாளராகிய ”வித்யாசாகரை” இந்தப்படத்தில் முதன்முறையாக தரணி கழற்றிவிட்டு தமனை பயன்படுத்தியமை பலருக்கு முதலில் ஏமாற்றமாக இருந்தாலும் தற்காலத்தில் வேகமாக முன்னேறிவரும் இசையமைப்பாளர் தமன் பொறுப்பறிந்து போட்ட மெட்டுக்கள் அனைவரையும் குத்தாட்டம் போட வைந்திருந்தது. ஒரு பாடலும் மெலடி என்றில்லாமல் அனைத்தும் fastbeat பாடல்களாக வந்திருந்தமை இந்த அலபத்தின் சிறப்பாக இருந்தது.

மேலும் ஹிந்திபடமான ”தபாங்”ன் றீமெக்கான இந்த ஒஸ்தி படத்திற்கு ஒறிஜினல் படத்தில் வந்து பிரபலமானதைபோல் ஒரு டப்பாங்கூத்து பாடல் தேவைப்பட்டதாம். அதற்காக நீண்டடடடடடடடட காலத்திற்கு பிறகு பழம்பெரும் பாடகி LR.ஈஸ்வரி, Solar சாய், TR.ராஜேந்தருடன் சேர்ந்து ”கலாசலா கலசலா” என்று தொடங்கும் ITEM SONGஐ பாடியிருந்தார். இந்தப்பாடல் காட்சியை மேலும் பிரபலபடுத்தும் நோக்குடன் ஹிந்தி கவர்ச்சி நடிகை ”மல்லிகா செரவாத்” இந்தப்பாடலிற்கு மட்டும் ஆட அழைக்கப்பட்டார். அதனால் இந்தப்பாடலில் ”மைடியர் டார்லிங் உன்ன மல்லிகா கூப்பிட்றா. மல்லிகா மை டார்லிங் வாம்மா கலாய்க்கலாம்!” போன்ற வரிகள் பயன்படுத்தப்பட்டன. பாடலும் நல்ல ஹிட்டானது.

இந்தப்பாடல்கள் நன்றாக வந்திருந்ததை போல வரிகளும் அதிரடியாக அமர்க்களமாகவே அமைக்கப்பட்டிருந்தது. வாலியின் வரிகளில் வந்த ”கலாசலா”, ”தமிழ்நாட்டு Copதான்” யுகபாரதியின் வரிகளில் "நெடுவாலி” பாடல்களும் வரிகளிலும் அதிரடியை வெளிப்படுத்தியிருந்தது. மொத்தத்தில் படத்தின் எதிர்பார்ப்பை பாடல்கள் மேலும் அதிகரித்திருந்தன. அத்துடன் வித்தியாசாகரை விட்டுட்டு தனக்கு கொடுத்த நம்பிக்கையை தமன் பாடல்கள் மூலம் காப்பாற்றியிருந்தார்.

இப்படி நல்ல எதிர்பார்ப்புடன் வந்த ரசிகர்களை ஓரளவு திருப்தி செய்திருக்கிறார் இயக்குனர் தரணி. படம் தொடங்கிய கொஞ்ச நேரத்திலேயே படம் பயணிக்கபோகும் பாதையை நீங்கள் இலகுவில் ஊகித்துவிடக்கூடிய வழமையான பாணியிலான கதை இருப்பது ஒஸ்தியின் பலவீனமே. படம் றீமெக்காக இருப்பதால் (தபாங் நான் பாக்கல) கதையில் பெரிசா மாற்றத்தை எதிர்பாத்திருக்க முடியாதென்றாலும் எதாவது டுவிஸ்டுகளை வைச்சாவது நல்லவொரு வேகமான அக்சன் படமாக சிங்கம் மாதிரி கொடுத்திருக்கலாம். குருவி மாதிரியான ஒரு படத்துக்கு இது எவ்வளவோ பெட்டர்.

Trailerல பாத்த மாதிரியே சிம்பு பஞ்சுகளை அள்ளி விசிறுகிறார். சிம்புவின் ஓவர்பில்டப்புகள் பிடிக்காதவர்களுக்கு சரியான சலிப்புகளை இக்காட்சிகள் ஏற்படுத்தகூடும். மற்றப்படி பொலீஸ் கெட்ப்பில் நல்ல ஸ்மாட்டாக தெரிகிறார் ஆரவாரமாக எடுப்பாக தனது அக்சன்களை போடுகிறார். பாடல்களில் வழமைபோல உடலைவருத்தி லாவகமாக நடனமாடுகிறார். ”குருவி” படத்தில் வருவது போல், சிம்பு கட்டிடத்துக்கு கட்டிடம் பாயும் காட்சிகளை இதிலும் புகுத்தி சலிப்பூட்ட வைக்கிறார் தரணி. சிக்ஸ்பக் வைத்த காட்சி இருக்கு என்று சொன்னபடியா இறுதிக்காட்சியில் 6பக் என்று உணரமுடிகிறதே தவிர பெரிதாக சிம்புவிற்கு சிக்ஸ்பக் வந்ததாக காண முடியில்லை.

ஆனால் ரிச்சா இந்தப்படத்தில் சும்மா ஹீரோயின் இருக்கோணும் என்பதற்காக சேர்க்கப்பட்டவர் போலவே வந்து போகிறார். முக்கியமி்லாத நடிப்பு திறமையை காட்ட முடியாத காட்சிகள். ஒஸ்தி, மயக்கம்என்ன விற்கு முதல் வந்திருந்தால் ரிச்சாவிற்கு நடிக்கவே தெரியாது என்று கருத்து அனைவரிடமும் ஏற்பட்டிருக்ககூடும். இந்த படத்திலும் கொஞ்சம் தைரியமுள்ள பெண்ணாக காட்டப்படுவதாலோ என்னவே பெரும்பாலும் முறைச்சபடிதான் தெரிகிறார். (இல்லாட்டி சாதாரணமாவே டெரர் லுக்குதானோ தெரியேல?).

பெரிசா ஹீரோயினுக்குரிய அழகுமில்லை. ஏன் மினக்கெட்டு தெலுங்கில நடிச்சவவ இங்க கொண்டுவந்தாங்களோ? தமிழ்நாட்டில வடிவான பெண்கள் இல்லையா? புதுஆக்கள்தான் வேணுமெண்டா யாரையும் ஒண்ட தூக்கி போடலாம்தானே? ஒரு மசாலா அக்சன் படத்தில நல்ல கலர்புள்ளான ஹீரோயின எதிர்பார்த்தம் தரணி சார்.

சந்தானம் மயில்சாமி வையாபுரி தம்பிராமையா போன்றோர்தான் படத்தை கலகலப்பாக கொண்டு செல்வதில் முக்கியபங்கு. வழமைபோலவே சந்தானம் இந்த கூட்டத்தோடு சேர்ந்து கலாய்க்கிறார். டுமிலுதான் டுமிலுதான் பாடலில் சிம்பு ஆடினதுபோலவே ஆடுவதற்கு நாலு பேரை தனது கை காலை தூக்கச்சொல்லி ஆட வெளிக்கிட்டது காமெடியின் உச்சமாக இருந்தது. சிம்புவின் இறுதி 3படங்களிலும் கணேஷ்(இங்க என்ன சொல்லுது? ஜெசி ஜெசின்னு சொல்லுதா?) இருக்கிறமை குறிப்பிடவேண்டிய விடயம்.

மல்லிகா, சோனுசூட்

வில்லானாக வரும் சோனு சூட்டை நீங்கள் பல தமிழ்படத்தில் பாத்திருக்கலாம். ஹிந்தி ஒறிஜினல் தபாங்கிலயும் இவர்தான் வில்லனாம். நெஞ்சினிலே, கள்ளழகர், மஜ்னு போன்ற தமிழ் படங்களில் தீவிரவாதியாக வந்தவர். இந்தபடத்திலும் நல்ல திடகாத்திரமாக வருகிறார். சிக்ஸ்பக் சிம்புவைவிட இவரின் கட்டுமஸ்தான உடற்கட்டு நல்ல ஒரு ஹீரோக்குரிய லுக்கை தருவதுடன் 6பக்கையும் இலகுவாக காட்டிவிடுகிறது.

மேலும் ஜித்தன் ரமேஷ், சரண்யா மோகன், நாசர், ரேவதி, நிழல்கள் ரவி என முக்கிய நடிக நடிகைகளும் இதில் தரணியால் உபயோகப்பட்டிருக்கின்றனர். ஹீரோவாக தொடர்ச்சியாக தோல்விப்படங்களையே கொடுத்த ரமேஷ் தனது தனிஹீரோ பாதையிலிருந்து விலத்தி குணச்சித்திர வேடங்களையும் இந்த படத்தின் பின் தாராளமாக எடுப்பார் போலதான் தெரிகிறது.

படத்தில் பாடல்கள் நன்றாக வந்ததைபோல அதை அழகாக, நல்ல அதிரடியாக, ஆட்டம், செட் மூலம் படமாக்கியிருக்கிறார் தரணி. இதற்கு ஒளிப்பதிவாளர் கோபிநாத்தின் பங்கும் முக்கியமானது. ”தமிழ் நாட்டு copதான்” எடுக்கப்பட்ட காட்சியமைப்பும் ”நெடுவாலி” பாடலுக்கான சிம்புவின் ஆட்டமும். ”கலாசலா”வில் மல்லிகாசெரவாத்தின் குத்தாட்டமும் படத்தில் பாடல்களுக்கு மெருகூட்டும் பிளஸ் பாயிண்டுகள். ”வாடி வாடி Cute பெண்டாட்டி” பாடலுக்கு மட்டும் வெளிநாடு சென்று வந்திருக்கிறார்கள்.

தரணி குருவியில் விட்ட பெயரை நிலைநாட்ட இதில் சரியாக கஸ்டப்பட்டிருப்பது தெரிந்தாலும், படத்தை ஓரளவு நல்லாக தனது இயக்கும் திறனால் கொண்டு சென்றிருந்தாலும், நல்ல வித்தியாசமான கதை இல்லாத குறையினால் இது பலரிடையே தாக்கத்தையோ சூப்பர் படமென்ற ஒரு பிரமையையோ ”ஒஸ்தி” ஏற்படுத்தமாட்டாது.
மொத்தத்தில் ஒஸ்தி ”பரவாயில்லை & பாக்கலாம்” ரகமே.
ஒஸ்தி - அஸ்திவாரம் சரியில்லைங்கோ!

மயக்கம் என்ன (உணர்ச்சிப்பெருக்கு) - திரைப்பார்வை

2011-12-03T01:10:00.003+09:00

டிஸ்கி: முதலில் நேரம் கிடைக்காததால் மயக்கம் என்ன-திரைப்பார்வை எழுதுவதி்ல்லையென்றே நினைத்திருந்தாலும், நல்ல படத்தை பற்றி கொஞ்சமாவது சொல்லோணும் என்கிறதால நல்லா பிந்தியும் எனது பதிவையும் வரவு வைக்கிறேன்.

தனது முந்தைய படமான ஆயிரத்தில் ஒருவனில், தமிழ் சினிமாவை உலகத்தரத்திற்கு கொண்டு சென்றசெல்வராகனின் இயக்கத்தில் பலத்த எதிர்பார்ப்புக்களுக்கு மத்தியில், பலத்த இழுபறிகளுக்கு மத்தியில் (முதலில் தீபாவளிக்கு வெளிவருவதாக இருந்தது) காலம் தாழ்த்தி வந்த படம்தான் இந்த ”மயக்கம் என்ன”. தூள்ளுவதோ இளமை மூலம் திரைத்துறைக்கு செல்வராகவன் காலடி எடு்த்து வைத்திருந்தாலும் ”காதல் கொண்டேன்” மூலம்தான் இயக்குனராக உலகறியப்பட்டார்.

பின்னர் 7G Rainbow Colony, புதுப்பேட்டை, ஆயிரத்தில் ஒருவன் என்று தொடராக வித்தியாசமான படங்களால் தனக்கான இடத்தை உறுதியாக பிடித்த இவர், தமிழ் சினிமாவின் தவிர்க்க முடியாத முன்னணி இயக்குனர் என்று இலகுவாக கூறிவிடலாம். இவரின் படைப்புகளில் எனக்கு பிடித்ததும் இதுவரை (என்னைப்பாறுத்தவரை) தமிழ்சினிமாவை வேறுகோணத்தில் உலகசினிமாக்களுக்கு ஒப்பாக காட்டிய, ஆச்சரியப்படுத்தும் விதத்தில் அதகளப்படுத்திய ”ஆயிரத்தில் ஒருவன்”ஐதான் குறிப்பிடமுடியும்.

தீபாவளிக்கு வந்த இரண்டு திரைப்படமும் பொதுவான சினிமா ரசிகர்களிடைய பலத்த வரவேற்பை பெற்றிராத நிலையிலும், போதியளவு தியட்டர்களை பெறமுடியாத நிலையிலேயே தீபாவளிப்போட்டியிலிருந்து ”மயக்கம் என்ன” தானாக விலகிப்போயிருந்தது. பின்னர் தீபாவளிக்கு வெளியான படங்கள் தியட்டர்களிலிருந்து ஓரளவு தூக்கப்பட்ட நிலையில் November25அன்று பலத்த எதிர்பார்ப்புடன் வெளிவந்தது. செல்வராகவன் இயக்கம் என்பதுதான் படத்தின் பெரிய்யயயயய பிளஸ் பொயின்ற் என்பது மறுபேச்சில்லாத உண்மை. (தனுஷ் படத்தில் இருந்தாலும் கூட)

அதற்கு மேலதிகமாக இந்த படத்தின்பாடல்கள் முன்னமே வெளிவந்து அனைத்து தரப்பையும் நன்றாக திருப்திப்படுத்தியிருந்தது. ”ஓட ஓட தூரம் குறையல”, ”அடிடா அவள உதைடா அவள” பாடல்கள் இளைஞர்களையும் + டப்பாங்குத்து பாடல் விரும்புவோரையும் ”நான் சொன்னதும் மழை வந்துச்சா”, "பிறைதேடும் இரவிலே உயிரே” பாடல்கள் பெண்கள் + மெலடி ரசிகர்களையும் கவர்ந்து மயக்கம் என்னவை ஆகா ஓகோ என எதிர்பார்க்க வைத்திருந்தன.

செல்வராகவன் கதையாசிரியராக இருந்த ”துள்ளுவதோ இளமை” முதல் பின்னர் அவர் இயக்கத்தில் வந்த படங்களில் புதுப்பேட்டை வரை செல்வாவின் ஆஸ்தான இசையமைப்பாளராக இருந்த யுவன்சங்கர்ராஜா ”ஆயிரத்தில் ஒருவன்” படத்தில் விலகியதால் (செல்வாவுடன் ஏற்பட்ட ஏற்பட்ட பிரச்சனை காரணம் என்று அப்போது கூறப்பட்டது. உண்மை தெரியவில்லை. தெரிந்தால் யாராவது உறுதிப்படுத்துங்கள்) அந்தப்பட வாய்ப்பு அப்போது ஜீவி.பிரகாஸ்குமாருக்கு வந்தது.

Rich, GV, Dhanush, Selva, Selva's Wife

அதில் ஜீவி.பிரகாஸ்குமார் தனது பின்னணி இசையில் பின்னிப்பெடலெடுத்திருந்தார். அந்த Theme Music வெகுவாக பாராட்டப்பட்டிருந்தது. பாடல்களும் நல்லா வந்திருந்தாலும் 3 பாடல்கள் மட்டுமே அந்த படத்தில் பயன்பட்டிருந்தது. அதன் பின் அப்படியே ”மயக்கம் என்ன”விலும் GV.PrakashKumarயையே அழைத்தார் செல்வா. அந்த நம்பிக்கையை பாடல் மூலம் 100க்கு 200% ஜீவீ.பிரகாஸ் திருப்திபடுத்தியிருக்கார் என்று சொல்லலாம். வழமையாக செல்வராகவன் படங்களில் பாடல்களையே தூக்கி சாப்பிடும் அளவிற்கு சிறப்பாக அந்தப்படத்திற்குரிய Theme Music இருக்கும். மயக்கம் என்னவிலேயும் அதற்கு ஒரு குறையுமில்லாமல் GV.Prakash நல்லவொரு இசைக்கலவையை வழங்கியிருக்கிறார்.

மயக்கம் என்ன எதிர்பார்ப்பை திருப்தி செய்ததா இல்லையா? என்ற கேள்விக்குமுன் வழமைபோல் அரைச்ச மாவையே அரைக்கும் இயக்குனர்கள் போலல்லாது வித்தியசமாக ஒரு யதார்த்தமான சினிமாவை தந்ததில் இந்தமுறையும் செல்வராகவன் வெற்றி கண்டுள்ளார் என்று நிச்சயமாக சொல்லலாம். தனது 5வது படத்தில் 3வது முறையாக இணையும் செல்வராகவன் பலரை ”மயக்கம் என்ன” மூலம் திருப்திப்படுத்தியிருந்தாலும் கூட மிகவும் மெதுவாக நகரும் திரைக்கதையால்; கலர்புள், வேகமாக நகரும் அக்சன் படவிரும்பிகளை இப்படம் திருப்திப்படுத்தவில்லை.அதற்காக ”மயக்கம் என்ன” சரியில்லாத படமி்லை. அவர்களின் ரசனைக்கு ஏற்ற படம் இது இல்லை. அவ்வளவும்தான்.

கதையின் கருவின் மூலம் படத்தை இதைவிட வேகமாக நகர்த்த முடியாதென்பது கண்கூடு. அத்துடன் படத்தை உயிரோட்டமாக தருவதில் படத்தின் காணப்பட்ட தொய்வுநிலை தவிர்க்க முடியாததொன்றாகியிருக்கலாம். அத்துடன் முதல்பாதியில் பல காட்சிகளில் Background score தவிர்க்கப்ட்டிருந்தது. படத்தில் ஒரு Natural flowஏற்படுத்த இது கையாளப்பட்டிருந்தாலும் பலருக்கு இது படம் சரியான இழுவை போன்ற உணர்வை ஏற்படுத்தியிருக்ககூடும்.

இந்தப்படத்தில் தனுஷ், குணச்சித்திர நடிகர் ரவிப்பிரகாஸ் தவிர மிச்ச அனைவரும் பெரும்பாலும் புதுமுக நடிகர்கள்தான். தனுஷ் நடிப்பில் அசத்தல்+கலக்கல். படத்தில் பாத்திரமாகவே மாறி வாழ்ந்திருந்தார். முதல் தமிழ்படத்திலேயே நடிகை ரிச்சாவிடம் நல்ல முதிர்ச்சி. படத்தில் துணிச்சலான பெண்ணாக வருவதால் எப்பவும் சற்று முறைச்சபடியே நன்றாக நடித்திருந்தார். படத்தின் 2வது பாதியில்தான் ரிச்சாவின் நடிப்பு பளிச்சிடுகிறது. ரவிப்பிரகாஸ்வழமைபோல இந்தப்படத்திலும் HiFiயாக வந்து பலரது எரிச்சலை தனது பாத்திரம்மூலமாக பெற்றுவிடுகிறார்.

இந்தப்படத்தில் ஆரம்பத்தில் இடம்பெறும் ஹீரோயினின் காதல் தொடர்பான முடிவுகள் பலருக்கு (காதல் செய்யும் பெரும்பாலானோருக்கு) பிடிக்காமலும், ”எமது கலாச்சாரத்தில இப்பிடியா காட்டுவது கேவலம்” என்று சொல்வோரும் தற்காலத்தில் இப்படி இடம்பெற்ற எத்தனை நிகழ்வுகளை பார்க்கவில்லையோ? அல்லது உண்மையை படமா எடுத்தா ஏற்றுக்கொள்ள அவர்களால் முடியவில்லையா? என்றுதான் கேட்க தோன்றுகிறது. என்னதான் முதலில் உண்மைகள் சிலரால் ஏற்றுக்கொள்ள முடியாமல் வந்தாலும் பின்னர் அதேபோல் கணவன்-மனைவி உறவின் சிறப்பை வெளிச்சம்போட்டு காட்டி பலரின் கைதட்டல்களை பெற்றுள்ளார் செல்வா.

”என் ஆயுள் ரேகை நீயடி
என் ஆணி வேரடி
சுமை தாங்கும் எந்தன் கண்மணி
எனை சுடும் பனி.
உனக்கென என மட்டும் வாழும் இதயமடி
உயிர் உள்ள வரை நான் உன் அடிமையடி” பிறைதேடும் இரவிலே பாடலில் வரும் இந்த வரிகள் இதற்கு சான்று பகர்கின்றது.

படத்தில் வரும் ”காதல் என் காதல் அது கண்ணீரில” பாடல் படத்தின் கதைக்கு சம்பந்தமில்லாமல் வேண்டுமென்று புகுத்தப்பட்ட இடைச்செருகலாக வருகிறது. இந்தப்பாடல் "Why This Kolaveri" பாடல் பாணியில் முதலே வந்த fast beat காதல்தோல்வி பாடலாகும். "Why This Kolaveri"யைவிட இந்த பாடல் எனக்கு மிகவும் பிடித்திருந்தது. அத்துடன் ஹாரிஸ்ராகவேந்திரா பாடிய ”என்னென்ன செய்தும் இனி” பாடல் திரைப்படத்தில் இடம்பெறவில்லை.

படம் மிகவும் மெதுவாக நகருவது போல தோன்றுவது படத்தின் பலவீனம்தான் என்றாலும் அனைவரும் பாக்கவேண்டிய உணர்ச்சி ததும்பும் நல்ல படம்தான் இந்த ”மயக்கம் என்ன”. தொடர்ந்தும் வித்தியசமான படங்களை தரும் செல்வராகவனுக்கு பாராட்டுக்களும் பொட்டலத்தின் கைதட்டல்களும். மயக்கம் என்ன - உணர்ச்சிப்பெருக்கு

பதிவர் கார்த்தியின் Ideaகளை ”ஒஸ்தி”க்காக யுகபாரதி சுட்டாரா?

2011-11-03T06:45:00.007+09:00

அதிரடி மசாலா இயக்குனர் தரணியின் இயக்கத்தில் சிம்பு நடித்து இந்த மாதம் 18ம் திகதி வெளிவரவுள்ள படம்தான் ஒஸ்தி. படத்தின் பாடல்கள் ஏறத்தாழ 2கிழமைக்கு முதலே வெளிவந்திருந்தது. அதிரடியாக தமனின் இசையில் வந்திருந்த பாடல்களுக்கு இளவட்டங்கள் மத்தியில் பயங்கர வரவேற்பு கிடைத்திருக்கின்றது.

சிம்பு மல்லிகாசெராவத்

இந்த பாடல்களில் ”நெடுவாலி அடியே நெடுவாலி” என்று தொடங்கும் ராகுல் நம்பியார் மற்றும் மகதி பாடும் பாடல் யுகபாரதியால் எழுதப்பட்டிருந்தது. அதில் வரி ஒன்று ”கண்” "GUN" என்று rhymingஆகாக அமைக்கப்பட்டிருந்தது. அந்த வரிகள் கீழே

அட டுமீலுதான் அட டுமீலுதான்
மாமன் Gunல சுட்டா டுமீலுதான்!!
அட டம்மாலுதான் அட டம்மாலுதான்
மாமி கண்ணுல சுட்டா டம்மாலுதான்!!

யுகபாரதி

ஆனால் இதே மாதிரி rhymingகான வரியை பதிவர் ”கார்த்தி” (அங்கென்ன பார்வை? அதாங்க நான்) 2011 காதலர் தின பதிவில் (2011-02-14) உபயோகித்திருந்தார். அதைப்பார்த்து impress ஆகிதான் கவிஞர் யுகபாரதி தனது பாடலில் இதே மாதிரி வரிகளை சிறப்பாக உபயோகித்திருக்கிறார். 2000ல் வெளிவந்த Memento பார்த்து AR.முருகதாஸ் அதைவிட சிறப்பாக திரைக்கதை அமைத்து ”கஜினி” தந்தது மாதிரி. கார்த்தியின் வரிகள் கீழே உங்களுக்காக.

உன் கண்ணை பார்த்தே
பலருக்கு இதயம் துடிக்கவில்லையாம்
உன் கண் என்ன GUNஆ?

இப்ப சொல்லுங்க சார். கார்த்தியிட்ட சொல்லாம யுகபாரதி Ideaவை ஆட்டைய போட்டது தப்பா இல்லையா? தப்புதானே? உங்கட ஆதரவ பொறுத்து நஷ்டஈடு வழக்கு போடுற பிளான்ல இருக்கிறேன்.

டிஸ்கி: இது ஒரு செமமொக்கை பதிவு மாமு! யாரும் சீறியஸா எடுத்து சொறிஞ்சா நான் பொறுப்பில்ல. ஏன் டிஸ்கிய பதிவின்ர தொடக்கத்துலதான் போடணுமா? நாங்க கடைசியா போடுவமுல்ல.

7ம் அறிவு - திரைப்பார்வை (Neutral Review from Surya's Fan)

2011-10-29T17:00:00.006+09:00

டிஸ்கி: நான் சூர்யா ரசிகன். விஜய் ரசிகனில்லை.

7ம் அறிவை தீபாவளியன்றே மாலை 5அளவில் பாத்திருக்க வேண்டியது 2மணி நேரம் காத்திருந்து முட்டி மோதி Ticket counterக்கு செல்ல கொஞ்சம் முதலே, முன்னே சென்றவர்கள் ஐஞ்சாறு எண்டு டிக்கெட்டுக்களை முழுவதுமாக வாங்கி முடித்து விட்டிருந்தனர். அதன் பின் நேற்று வெள்ளிக்கிழமை இரவுக்காட்சியிலேயே Concord திரையரங்கில் பார்க்கமுடிந்தது. கொட்டிய மழையையும் தாண்டி கூட்டம் அலையென வந்திருந்தது.

-----------------------------------------------------------------------------------------

படத்தை பற்றி பாக்கமுதல் தீபாவளியன்று சென்று ரிக்கெட் கிடைக்காம திரும்பி பலத்த ஏமாற்றத்தோட வந்திருந்தாலும் அங்கே நடைபெற்ற ஒரு சம்பவம் படம் பார்த்ததைவிட டபுள் மடங்கு மனநிறைவை அள்ளிதந்திருந்தது. கடவுள் என்பவர் இருக்கிறார் என்ற நம்பிக்கையை மீண்டும் என்னிடத்தில் உறுதிப்படுத்தி சென்றிருந்தது.

4.30க்கே காட்சி ஆரம்பமாகும் என்று சொன்னாலும் முதல் காட்சிகளின் தாமதத்தால் காட்சி நேரம் பிந்தும் என்று தெரிந்தபோதும் நானும் இன்னும் இரு நண்பர்களும் 3.30மணியளவிலேயே சென்று விட்டிருந்தோம். ஒப்பீட்டளவில் கூட்டம் குறைவாக இருக்கும், பல்கனிக்குரிய நுழைவாயில் வழியே சென்று ODC Ticket எடுப்பதே எங்கள் வழமையான திட்டம். அந்த பயங்கர கூட்டத்தில் நாங்களும் சென்று எமது நிலைகளை பலப்படுத்தி உள்ளே நுழைவதற்கு காத்திருந்தோம்.

அப்போதுதான் அந்த கூட்டத்தில் அந்த நாதாரியை கண்டோம். முதலில் தன்பாட்டுக்கு அலம்பியபடி இருந்த அந்த எருமை மெல்லம் மெல்லமாக தான் பெரிய ரவுடி என்ற மாதிரி பில்டப்பை அங்கே ஏற்படுத்திகொண்டிருந்தான். தண்ணியடித்திருந்த அவன் ”தாங்கள் 12மணியிலிருந்து வந்திருக்கிறம். செற்றா வந்திருக்கிறம். எங்கட செட் போய்முடியதான் மற்ற ஆக்கள் போகலாம் என்று சொல்லி கூட்டத்திலிருந்து பலரை தள்ளியும் பலருடன் அடிதடிக்கும் போனான். இத்தனைக்கும் அந்த செற் எண்டு சொன்ன ஆக்கள் பெரிய வயதில்லாத வட்டுகள் அதோட அவர்கள் ஏற்கனவே நல்ல முன்னுக்கு இடத்தை உறுதிப்படுத்தி வைத்திருந்தனர்.

ஆன இவர் தான் பெரிய ஆள் எண்ட பில்டப்ப ஏற்படுத்தி தன்ர பாட்டுக்கு தான் நினைச்ச இடமெல்லாம் போய்வந்து தான் நிக்க ஒழுங்கா வழிவிடோணும் எண்டு கூறி தனக்கு பின்னால் முன்னால் இருந்தவர்களுடன் வீணாக சண்டைக்கு போய்க்கொண்டிருந்தான். பலருடன் முண்டி கடைசியாக என்னோடயும் சண்டைக்கு வந்தான். என்னை தட்டி ”ஏன் இதில நிக்கிறாய்? பின்னுக்கு போ” என்றான் கறாராக. முதலே இதெல்லாம் பாத்துக்கொண்டிருந்த எனக்கு அவன பாக்கவே செம கடுப்பா இருந்தது. ஆனால் அவனுடன் வந்த ஆக்கள்கூட. SO கடும் கோபத்தில இருந்தாலும் வாயை திறக்காது கடுமையாக முறைச்சு பாத்தேன்.

அது அவனுக்கு கோபத்தை வரவழைத்திருக்கவேண்டும். சிங்கள தூசனத்தால் திட்டினான். (எனக்கு பெரிய டவுட். ஏன் கொழும்பில தியட்டருக்கு வருகிறாக்கள் மற்றவய திட்டுறதுக்கோ ஏதாவது கேக்கவோ சிங்களத்த பாவிக்கினம்? பாக்கவந்தது தமிழ் படம் வருறதில 99% தமிழாக்கள். ஏன் சிங்களத்தில் பந்தா விடுகினம்?) உண்மையில் அவனை திருப்பி திட்டுற அளவுக்கு எனக்கு சிங்களம் தெரியாது. அதால ”உனக்கு தமிழ் தெரியாதா? சிங்களத்தில பெருசா விடுறாய்” என்று கடும்தொனியில் கேட்டேன். வாயை வைத்தால் வீண் சிக்கல்கள் வருமெண்டு பொறுத்திருந்தாலும் கோபமேலிட்டால் கதைக்காமல் இருக்க முடியவி்ல்லை.

உடனே அவனோடு வந்திருந்த மற்ற எருமைகள் எல்லாம் ”ஏய் டேய்” எண்டு கத்த அவனும் என்ர சேட்டைபிடித்து இழுத்து அடிக்கிற அளவுக்கு வர மற்றவர்கள் ஒரு மாதிரி பிடித்து எனக்கு அடிவிழாமல் காப்பாற்றி விட்டனர். ஆள் பலம் எம்மிடத்தில் இல்லையென்பதால் பம்மிக்கொண்டு கோபம் வந்தும் அடக்கிகொண்டு சத்தம்போடாம அப்பிடியே இருந்து விட்டோம். அவனது மண்டையை கோடாலியால் பிளக்கோணும் என்கிற அளவுக்கு எனக்கு கோபம். மற்ற நண்பனுக்கு அவனின்ர மண்டையை சுவரில போட்டு அடிக்கோணும் என்கிற அளவுக்கு இருந்ததாக சொன்னான்.

அவன் தொடர்ந்தும் தனது சாகசங்களை மற்றவர்களிடமும் அரங்கேற்றிக்கொண்டிருந்தான். என்ன செய்ய மற்றவர்களும் ஆள் பலம் இல்லாது கம்முன்னு இருந்தார்கள். அவனுடன் ஏட்டிக்போட்டியாக சண்டையிட போன இன்னொருவரும் போதிய அதரவில்லாமல் கொஞ்சம் அமைதியாக நின்று கொண்டிருந்தார். அந்தநேரத்தில் கூட்டத்தில் இருந்த யாரோ ஒருவர் கடுப்பாகி ஒரு சண்டியனிடம் phoneபண்ணி சொல்லியிருக்கவேண்டும். தூரத்திலிருந்தே கத்தியபடி அந்த குழப்பம்காசியை சிங்களத்தில் பெரிசாக வைதபடி ஒருவர் வேறு இருவருடன் வந்து கொண்டிருந்தார். அவரது உடற்கட்டும் பேச்சின் கடுமையையும் பார்த்து அவ்வளவு நேரமும் பிலிம் காட்டியவர் கதிகலங்கியே போனார். தனது பேச்சைக்குறைத்து அடங்கிப்போனார்.

முதலே கடுப்பிலிருந்த மக்கள் கூட்டமும் புதிதாக வந்தவருடன் சேர்ந்து வசை மாரி பொழிய தொடங்கினர். அவனுக்கு என்ன செய்யவதென்றே புரியவில்லை பெட்டிப்பாம்பு போல் அடங்கிப்போனான். ஆனால் வந்தவர் விடுவதாக இல்லை ”வெளிய வா உனக்கு சாத்துறன்” எண்டு அந்த இடத்தை விட்டு அகலாமலேயே நின்று கொண்டிருந்தார். அவனுக்கு ஐஞ்சும் கெட்டு அறிவும் கெட்டு வாயில் வார்த்தைகளே வர தந்தளித்தது கையால் ”சும்மா தானே நிக்கிறன். நீங்க போங்க” என்பதுபோல் சைகை காட்டினான்.

அவ்வளவு நேரமும் கைப்பிள்ளைகளுடன் தன்ர வீரத்த காட்டியவருக்கு இப்ப கதைக்கவே முடியாத நிலை. பட்ட நோண்டி. தூக்கு போட்டு சாகிற அளவுக்கு பலத்த அவமானம். தலையையே வெளியே காட்ட முடியாமல் அப்பிடியே கூட்டத்திற்குள் ஒளிந்து கொண்டுவிட்டான். எங்களுக்கு தியட்டருக்கு வெளியிலேயே நல்ல படம் பாத்த திருப்தி. அவனிட்ட சேட்டைக்கு உடனேயே பதிலடி கொடுக்கப்பட்டது. எது நடக்க வேண்டுமென எதிர்பார்த்தோமோ அது அப்பிடியே அச்சொட்டாக நடந்தது.

மேலதிக தகவல்: அந்த எருமையின் பெயர் நர்மதன். கறுப்பான உயரமானவன். வலது காதில் வளைந்த தோடு போட்டவன். இவனை பற்றி தகவல்தெரிந்தவர்கள் பாத்து கவனித்து கொள்ளுங்கள்.

-----------------------------------------------------------------------------------------

சில படத்துக்கு கொடுக்கும் பில்டப்புக்கள் கூரையை பிச்சுகிட்டு போயி படத்தின் எதிர்பார்ப்புக்களை எகிறவைத்துவிட்டு படம் வெளிவந்த பிறகு அந்த பில்டப்பே படத்துக்கு ஆப்பாக முடிந்து விடுவதுண்டு. என்னைப்போறுத்தவரை அப்படியொரு படம்தான் 7ம் அறிவு. AR.முருகதாஸ், சூர்யா, ஹாரிஸ்ஜெயராஜ், அன்டனி, பீட்டர்ஹெயின் என்று பாரிய நட்சத்திரப்பட்டாளங்கள் சேர்ந்து ஒரு சூப்பர் படம் தருவார்கள் என்று பார்த்தால் நினைத்தது நடக்கவில்லை.

படம்வருவதற்கு முதலே பாடல்காட்சி எடுத்த விதம் என்று போட்ட அலப்பறைகள் எல்லாம் செல்லாக்காசாகின. படத்தின் trailerஐ பார்த்தே படத்தின் கதையை அச்சொட்டாக பலரால் ஊகிக்க முடிந்தமையாலோ என்னவோ படத்தில் thrillingகையோ சுவாரஸ்ய தன்மையையோ கடைசிவரை காணமுடியவில்லை.

நான் படம்பார்த்தபோது படத்தில் பேசப்பட்டிருந்த தமிழ் உணர்வை தூண்டும் இலங்கைக்கு எதிரான வசனங்கள் நீக்கப்பட்டிருந்தன. இலங்கையில் வெளியிட்ட முதல் காட்சிகளிலேயே இவை அகற்றப்பட்டிருந்தனவா என்பதை முதல்காட்சிகள் பார்த்தவர்கள் யாராவது சொல்லுங்கள். இவ்வசனங்கள் உள்ள காட்சிகள் முகப்புத்தகத்தில் பரவலாக வலம் வந்து கொண்டிருக்கின்றன. யாராவது பார்க்காமல் தவறவிட்டிருந்தால் பார்த்துக்கொள்ளுங்கள்.

படத்திலே சொல்லப்பட்ட, சொல்லவந்த விடயங்கள் பாராட்டுதற்குரியது. துணிச்சலுக்குரியது. பழைய வரலாற்றையும், தமிழர் பெருமைகளையும் மக்கள் மறந்து விடக்கூடாது என்ற நல்ல செய்தியை படம் சொல்லிவிட்டு சென்றிருக்கிறது. ஆனால் பொழுதுபோக்கு ஊடகமாக மாறிவிட்ட இந்த சினிமாத்துறையில் படம் ஒன்று வெற்றிபெற, மக்கள் மனதில் நிலைத்துவிட பல விடயங்களிலும் மிகவும் கரிசனையாக இருந்திருக்கவேண்டும். Memento படத்தை ஆட்டையை போட்டு ”கஜினி” படத்தை முருகாஸ் தந்திருந்தாலும் அதில் screenplayல் தனது தனிமுத்திரையை பதித்திருந்த இவரால் 7ம் அறிவில் அதன் 20%ஐ கூட தரமுடியவில்லை. தீனா, ரமணா, கஜனி என்று ஹட்ரிக் அடித்த இவர் இந்த படத்தில் சறுக்கியது சூர்யா ரசிகனாக இருந்தாலும் ஏற்றுக்கொள்ளப்பட்டே ஆகவேண்டிய ஒன்று.(படம் வெல்கிறதோ வெல்லாமல் விடுகிறதோ அது வேறு விடயம்)

படத்தின் ஆரம்ப காட்சிகள் நன்றாக அழகாக எடுக்கப்பட்டிருந்தாலும் கதை சொல்லப்படுவது போல் (like documentary film) எடுக்கப்பட்டிருந்தமை Discovery channel programஐ பார்ப்பதை போன்ற ஒரு உணர்வை ஏற்படுத்திவிட்டிருந்தது. அது ஆரம்பத்திலேயே படத்தின் slowness உணர்வை ஏற்படுத்திவிட்டிருந்தது. அதிலும் தாங்கமுடியாம ”போதிவர்மன் யார்? உங்களுக்கு தெரியுமா?” என்று பொதுமக்களை கேட்பதை கூடி படத்தில் புகுத்தியமையை ஏற்றுக்கொள்ள முடியவே முடியாது. தாங்கள் படம் எடுப்பதற்கு இவ்வளவு study & work பண்ணியிருக்கிறோம் என்பதை சொல்லாமல் சொல்லவே இதை புகுத்தியிருப்பதாக உணர முடிகின்றது.

6பக்ஸுடன் சூர்யா

படத்திற்கு தேவையான கதையை, அதன் கோர்வைகளை நன்றாக ஆராய்நது கஸ்டப்பட்டு எமக்கு தெரியாத வரலாற்றை அறிந்தே முருகதாஸ் உருவாக்கியிருக்கிறார் என்பது உண்மை. ஆனால் தான் அறிந்ததை அப்பிடிய சொல்லிடோணும் என்பதையே முக்கிய நோக்கமாக கொண்டு Over confidenceல் திரைக்கதையில் சொதப்பிவிட்டார் AR.முருகதாஸ். 6வருடங்களாக புதிதாக படம் எடுக்காமல் (இந்தி கஜினி தமிழின் றீமேக் அதை புது படமாக கருத முடியாது) இருந்த இவரால் எல்லாவற்றிலும் கரிசனையெடுத்து சிறப்பாக ஒரு படத்தை தரமுடியாதது சூர்யா ரசிகர்களுக்கு பெருத்த ஏமாற்றமே.

படத்தில் வரும் ஆரம்ப சண்டைக்காட்சிகளும், டொங்லீயாக வரும் ஜொனி றீநிகுயேன் (Johny TriNguyen) தோன்றும் action காட்சிகளும், மற்றைய சில சண்டைக்காட்சிகளும் பிரமாண்டத்தை ஏற்படுத்த முயன்றிருக்கின்றது. ஆனால் இவர்கள் கொடுத்த ஓவர்பில்டப்பிற்கு ஏற்ற மாதிரி ஒன்றும் பெரிதாக தெரியவில்லை.

Johny TriNguyenk (Dong Lee)

போதிதர்மராக வரும் சூர்யா இன்னும் அசத்தியிருக்கலாமோ என எண்ண தோன்றுகிறது. மற்ற சூர்யா வழமைபோல. ஸ்ருதியின் பின்னால் சுற்றும் காட்சிகளில் வாரணம் ஆயிரம் போலவே யதார்த்தமாக நடித்திருந்தார். ஆனால் இன்னும் சூர்யாவை திறமையாக பல இடங்களில் பயன்படுத்தியிருக்கலாம். தமிழில் இந்த படத்திலேயே ஷ்ருதிஹாசனும் வியட்நாம் நடிகர் Johny TriNguyenkம் அறிமுகமாகின்றனர்.

ஷ்ருதிஹாசன் சில இடங்களில் அழகாக தெரிகிறார். ஆனால் பல இடங்களில் அப்பிடி தெரியவில்லை. உயரமாக இருக்கிறார். தலைமயிர் டோப் போட்டுவிட்டமாதிரி செயற்கைதனமாக தெரிகிறது. வருகிறார் ஓரளவு நடிக்கிறார். குற்றம் சொல்வதற்கில்லை. Johnyக்கு பெரிதாக வசனங்கள் இல்லாதபடியால் தனது Smartnessஆலும் Body Languageஆலும் தேவையானதை செய்துவிடுகிறார். இந்தப்படத்தில் தியட்டரில் பலத்த ஆரவாரம் இவருக்குதான் கிடைக்கிறது. சிறிய சிறிய காட்சிகளில் வந்து போகும் குள்ளர் பக்ருதான் படத்தில் வரும் ஒரிரு நகைச்சுவைக்கு காரணம். படம் சுவரஸ்யமாக செல்வதற்கு குறைந்தது நல்ல நகைச்சுவை நடிகரையோ அல்லது படஓட்டத்துடனேயோ(கஜினி போல்) நகைச்சுவைகளை சேர்த்திருக்க வேண்டும்.

படத்தின் பாடல்களும் எதிர்பார்த்த அளிவில் பெரிய ஹிட் ஆகாத நிலையில் மீண்டும் ஹாரிஸ் அரைச்சமாவையே திருப்பி அரைப்பதாகவும் வேறு பாடல்களை சுட்டுதான் பாடல்களை போடுவதாகவும் கூறப்படும் குற்றச்சாட்டு இந்த பாடல்கள் வெளியிட்டபின்னரும் அதிகரித்தே காணப்பட்டது. இளவட்டங்களுக்கு பிடித்த பாடலாக SPB பாடிய ”யம்மா யம்மா” என்னும் காதல் தோல்வி பாடல் அமைந்துவிட்டிருந்தது. வீர உணர்ச்சியை விதைக்கும் பல்ராம் பாடிய ”இன்னும் என்ன” பாடலும் பலரது வரவேற்பை பெற்றிருந்தது.

Oh Ringa Ringa பாடலிற்கு பல dancersஐ விட்டு ஆடவிட்டு படமாக்கியது ஒரு ஒழுங்கற்று குப்பையாக அசிங்கமாக இருந்ததுடன் இவ்வளவு பேர் ஆடினார்களா? என்பது ஒழுங்காக ஒளிப்பதிவில் தெரியவில்லை (பாடல்கள் உருவான விதத்தில் அவர்கள் சொன்னதை வைத்தே பிடிக்க முடிந்தது). ஒளிப்பதிவாளர் ரவிசந்திரன் ஒருக்கா இரண்டு தரம் மட்டும் சற்று உயரத்திலிருந்து சரிவாக ஒளிப்பதிவு செய்திருந்தார். பல நேரங்களில் கிடையாக ஆடுவோருக்கு பக்கத்திலயே எடுத்து அனைவரையும் ஒருசேர lensற்குள் கொண்டுவர தவறியிருந்தார்.

அதுபோலவே ”யம்மா யம்மா” பாடலுக்கும் சூர்யாவை மட்டும் தெளிவாகவும் சுற்றியுள்ள காட்சிகளை blurred ஆக வித்தியாசமான lensஐ பயன்படுத்தி எடுத்த பாடல் காட்சியும் சொதப்பிபோய் விட்டிருந்தது. பெரும்பாலான இடங்களில் சூர்யாவும் சேர்ந்தே blurredஆகியிருந்தார். ஆனால் ”யெல்லேலமா” பாடல்காட்சி எடுக்கபட்ட விதம் நன்றாக இருந்தது. ”முன் அந்திசாலை” பாடலிற்குரிய காட்சியமைப்பும் எதிர்பார்த்த அளவு வரவில்லை. இன்னும் சிறப்பாக இயற்கை அழகுடன் எடுத்திருக்கலாம்!

AR.Murugadas + Udhyanithi Stalin + Surya

நல்ல விடயங்களை வித்தியாசமாக, உணர்வோடு சொல்லவந்த AR.முருகதாஸை பாராட்டலாம். எனினும் இன்னும் காத்திரமான வகையில் மக்களை படத்தோடு கட்டிப்போடும் வகையில் சொல்லியிருக்கலாம். கொடுத்தபில்டப்புக்கும் ரசிகர்களின் அதீத எதிர்பார்ப்பையும் ”7ம்அறிவு” திருப்தி செய்யவில்லை. A, B சென்ரர் ரசிகர்கள் படத்தை விரும்பி பார்த்தாலும் Cசென்ரர் ரசிகர்களிடத்தே இந்தப்படம் பெரிய வரவேற்பை பெறுமா எனபது மிகப்பெரிய கேள்வி. மொத்தத்தில் இந்தப்படமும் ”பரவாயில்லை” ரகம்தான்.

ஆனால் ”வேலாயுதம்” ”7ம்அறிவு” இரண்டிற்குமிடையிலான போட்டியில் வேலாயுதம்தான் 7ம் அறிவைவிட நகைச்சுவைகள் மூலம் கவர்ந்து, மக்களை ஜாலியாக வைத்திருந்து ஒரு படி மேலே நிற்கிறது என்பது பொதுவான கருத்து. C சென்ரர் ரசிகர்களின் அமோக ஆதரவு வேலாயுதத்திற்கான அதிக பலம். ஆனால் கொஞ்சம் வித்தியாசமாக படங்களை விரும்புவோருக்கு நிச்சயம் வேலாயுதத்தைவிட 7ம் அறிவு கூடுதலாக பிடிக்கும்.

வேலாயுதம் - திரைப்பார்வை (Not from Vijay's Fan)

2011-10-28T00:46:00.001+09:00

டிஸ்கி1: மேலே தலைப்போட அடைப்புக்குறிக்கு ”Not from Vijay's Fan” எண்டு போட்டது, கடும் சினிமா விரும்பி எழுதுற பதிவா இதை எடுத்துக்கொள்ளவே ஆனா நான் விஜய்க்கு ஒருபோதும் எதிரானவனோ விரும்பாதவனோ இல்லை. அப்பிடி டவுட் இருந்தா எனது காவலன்-அதிரடி வெற்றி நோக்கி திரைப்பார்வையை ஒருக்கா பாருங்கோ.

டிஸ்கி2: வேலாயுதம் trailerஐ பாத்து இது பழைய மசாலாதான் எண்டு ஊகித்த போதும். VIP showகளை பாத்திட்டு வந்தாக்கள் Mass Entertainment Movie, Super Duper Hit எண்டு கொடுத்த ஓவர்பில்டப் சவுண்டுகளை கேட்டுட்டு கொஞ்சம் கூடுதலாக எதிர்பார்த்துதான் படம் பாக்க போனனான். So அவற்றின்ர தாக்கங்கள் எனது விமர்சனத்தில் இருக்க கூடும்.

அஜித்தின் ”மங்காத்தா”வுடன் போட்டியாக வெளிவரும் என கருதப்பட்டு, பிறகு நன்றாக திட்டமிடப்பட்டு வசூலை தீபாவளிக்காலத்தில் அள்ள Remake-King இயக்குனர் ராஜாவால் களமிறக்கப்பட்ட படம்தான் இந்த வேலாயுதம். இளைய தளபதி விஜய், ஜெனிலியா, ஹன்ஸிகா, சந்தானம், சரண்யா மோகன், சாயாஜிசிண்டே + இன்னும் பல நட்சத்திர பட்டாளங்களுடன் வழமையான விஜயின் படங்களிற்குள்ள எதிர்பார்பை போல் (அதயும் விட கூட) எதிர்பார்ப்புடன் இலங்கையிலும் இந்தியாவிலும் தீபாவளிக்கு முதல் நாள் பின்னேரமளவிலேயே விசேட காட்சிகளாக வெளிவந்திருந்தது. வேலாயுதம் தீபாவளியன்று இலங்கையில் ஈரோஸ் திரையரங்கில் முதல் காட்சியில் வேலாயுதத்தை பாக்கும் வாய்ப்பு எனக்கு கிடைத்தது.

விஜயின் முந்தைய படம் காவலன் action இல்லாத, காதல் படமாக வந்து அனைவரையும் ஆகா ஓகோ எண்டு சொல்லவைத்து விஜயின் ரசிகர் இல்லாதோரையும் அவரை வியந்து பார்க்க செய்திருந்தது. ஆனால் இந்தப்படம் ஒரு typical vijayன் action மசாலா படமாக இருக்கும் என தெரிந்திருந்தபோதும் எதாவது வித்தியாசமாக இதில் செய்வார்கள்/ சொல்வார்கள் என என்னைபோல சாதாரண சினிமா ரசிகர்கள எதிர்பார்த்திருந்தனர். எதிர்பார்ப்பை டபுள் மடங்கு திருப்தி செய்யும் விதமாக முதலாவது பாதி அட்டகாசமாக சிரிப்பு வெடிகளுடனும் அதிரடி பாடல்களுடனும் ஒரு தொய்யலோ அலுப்பே இல்லாமல் சென்று எமது எதிர்பார்பையும் இன்னும் எகிறவைத்தது. விஜய், சந்தானம், MS.பாஸ்கர், சூரி, சிங்கமுத்து என்று அனைவரும் தங்கள் பங்கிற்கு படத்தின் ஓட்டத்தை(flow) குறைய விடமால் செய்து கலக்கியிருந்தனர்.

Comedian Soori

இதில் முக்கியமாக குறிப்பிட வேண்டிய விடயம், நடிகர் சூரியை தற்போதைய அனேக படங்களில் நகைச்சுவை கதாபாத்திரத்தில் காணமுடிகிறது. ”வெண்ணிலா கபடிக்குழு”வில் நடித்த மற்றையவர்கள் அடைந்த பிரபலத்திலும்/ வாயப்புக்களையும் விட இவர் அதில் பறோட்டா சாப்பிட்டு உலகளாவிய ரீதியிலேயே பிரபலமாகிவிட்டார். இவரது மிகப்பெரிய பிளஸ் பாயிண்டு இவரது குரலிலுள்ள ஒரு யதார்த்தமான நழுவல்தன்மையான தொனிதான். இதிலும் அலட்டலில்லாமல் கலக்கி தனது எதிர்கால வாய்ப்புக்களை இன்னும் அதிகமாக்கிவிட்டார்.

காமெடிகளில் Rhyming கலந்த காமெடிகளும் இந்த படத்தில் கூடுதலாக காணப்பட்டிருந்தது. படத்தில் ஹன்சிகாவை ஏன் போட்டார்கள்? வேறு ஆக்களா இல்லை?. குண்டுப்பிசாசு போல வரும் இதை கட்டாயம் ஜிம்முக்கு போய் at least வயிறயாவது குறைக்கச்செய்யவேண்டும். அஜித்துக்கு வண்டி இருந்தா சகிக்கலாம் ஏனெண்டா அவர் Hero, ஹீரோயினுக்கு இருந்தா என்ன செய்யுறது? கொஞ்சம் வடிவான முகவெட்டு இருக்கிறதுபோல இருந்தாலும் அதிக எடையால் பல இடங்களில் அசிங்கமாக இருக்கிறார். ஏன் ராஜாவுக்கு வேற ஆக்கள் கிடைக்கலையா? வழமைபோல் ஜெனிலியா அழகாக அடக்கமாக ஜொலிக்கிறார். இந்த படத்திலயே எனக்கு பிடிச்ச ”முளைச்சு மூணு இலையே விடல” பாடலுக்கு trailerஐ பாத்து தனிய ஜெனிலியா தான் வருவா எண்டு பாத்தா அதில ஹன்சிகாவையும் போட்டு பாட்டையே கேவலப்படுத்திவிட்டார்கள். என்னுடன் படம் பார்த்த என் நண்பர்களும் இதையேதான் சொன்னார்கள். அவர்களுக்கு ஹன்சிகாவை கண்ணிலயும் காட்டேலாது.

முதல்பாதி படத்தின் கதைக்கு தேவையான ஆரம்ப கட்டவேலைகள் தான் போய்க்கொண்டிருந்தமையால் கதை ஓட்டத்துடன் யதார்த்தமாக நகைச்சுவைகளை அள்ளிக் கொட்ட முடிந்திருந்தது. ஆனால் 2ம் பாதியில்தான் கதைக்கு உரிய முக்கியமான அதிரடி அக்சன் வேலைகள் களை கட்டியமையால் முதல் பாதி போல் நகைச்சுவைகள் அதிகமாக இல்லாது சொல்லவந்த கதையை சொல்லி முடிக்கும் வேலையை மறக்காம செய்திடோணும் என்ற போக்கில் இயக்குனர் ராஜா அப்பட்டமாக சொதப்பியிருப்பது தெரிகிறது. ஆரம்பத்தில் கதை தெரிவில் விட்ட பிழைதான் இது.

உண்மையில் படம் தொடங்கியபோது இயக்குனர் ராஜா சொந்தக்கதையில் (றீமெக் இல்லாது) எடுக்கும் முதல்படம் என்று பேச்சடிபட்டிருந்தது எனினும் இடையிலேயே இது தெலுங்கு படமான ”ஆசாட்”இன் தழுவல் என்று தெரியவந்தது. இயக்குனர் ராஜா கதையில் மாற்றங்களுடன்தான் வேலாயுதம் தயாராகிறது என அப்போது தெரிவித்திருந்தார். ஆனால் படத்தின் தேவையான conceptஅவ்வளவும் அப்பிடியே உருவப்பட்டிருப்பதாகவே எனது நண்பர்கள் சொன்னார்கள். என்னனென்ன மாற்றங்களுடன் படம்வந்திருக்கிறதென்பது ஆசாத் பாத்தவர்களுக்கே வெளிச்சம். ஆக மொத்தத்தில் இயக்குனர் ராஜா Remake படத்தை விட்டிட்டு சொந்தமா யோசிச்சு படம் எடுக்கிறது சூரியன் மேற்கில உதிச்சாலும் வராது போலதான் கிடக்கு.

என்னதான் remakeஆ இருந்தாலும் இதே மாதிரி கதைகள் ஏற்கனவே பல வந்துவிட்டதால் 2ம்பாதி பெரும்பாலும் சலிப்பாகவே விஜய் ரசிகராக இல்லாதவர்களுக்கு இருந்துவிட்டது. சில serious காட்சிகளையும் பகிடியாக்கி அசத்தியிருந்தாலும் (”நான் எங்க குதிரையில வந்தன். குதிரைதான் என்ன தூக்கிட்டு வந்தது” என்று விஜய் சொல்லும் காட்சி இதற்கோர் உதாரணம். இதை பாக்கும்போது விஜய் தனது பழைய Over buildஐ குறைத்து விட்டார் என்றே சொல்ல தோணுகிறது.) இயக்குனர் ராஜா அரைச்சமாவான பழைய கதையை மீண்டும் தூக்கி படத்தை கெடுத்துவிட்டார்.

அப்பிடியே முதல்பாதியை போலவே பகிடியாக கொண்டு சென்றோ (அது நிச்சயமாக விஜய் ரசிகர்களை திருப்திப்படுத்தாது என்பதால் சாத்தியமே இல்லை என்று நீங்கள் சொல்வது புரிகிறது) அல்லது நல்ல ஒரு அக்சன் thriller storyயையாவது புகுத்தி படத்தை நகர்த்தியிருக்கலாம். அப்படி செய்திருந்தால் ”படம் மக்ஸா சான்ஸே இல்லை” என்று அனைவரும் சொல்வதை யாராலும் தவிர்க்க முடியாது போயிருக்கும்.

Director Raja, Hanshika, Saranya & Vijay

படத்தில் பாடல்கள் பலரை முதலே கவர்ந்திருந்திருந்தது ஏற்றுக்கொள்ளப்படவேண்டியதுதான். (ஆனால் வேட்டைக்காரனுக்கு விஜய் அன்ரனி கொடுத்த அதிரடி பாடல்களுடன் ஒப்பிடும்போது ஒரு40% கூட வேலாயுதம் பாடல்களில் இல்லை என்பது எனது கருத்து). ஆனால் வழமையான விஜய் படபாடல்கள் போல அனைத்து பாடல்களும் எவ்வாறோ ஹிட் அகிவிட்டிருந்தது. உண்மையில் எனக்கு பிடிக்காமல் இருந்த பாடல்கள் கூட dTs ஒலிநயத்துடன் சத்தமாக கேக்கும்போது மிகவும் நன்றாக இருப்பதாக உணர்ந்தேன்.

ஒரு பாடலும் வெளிநாடு சென்று படமாக்கப்படவில்லை போலதான் தெரிகிறது. ”மாயம் செய்தாயோ” பாடல் எடுக்கப்பட்ட விதமும் செட்டும் எடிட்டிங்கும் விஜயின் costumes and style அற்புதமாக இருந்தது. Editor VT.விஜயன் நன்றாகவே பாடுபட்டிருந்தமை அதில் தெரிகிறது. Chillaxபாடல் என்று நினைக்கிறேன் அதில் விஜயின் ஆட்டம் வழமைபோல் Super.

மொத்தத்தில் வேலாயுதம் விஜய் ரசிகர்கள் இல்லாதவர்களுக்கு ”பரவாயில்லை- Average" ரகப்படம். விஜய் ரசிகர்களுக்கு நல்ல-Good படம்.

சுறா மாதிரி படங்களே Collectionல பரவாயில்லாம போன படியா இந்தப்படம் நிச்சயம் collectionல அள்ளும்.

வந்தான் வென்றான் (கவிண்டான் விழுந்தான்) - திரைப்பார்வை

2011-09-17T06:33:00.000+09:00

என்னைபொறுத்தவரை மிகவும் எதிர்பார்க்கப்பட்ட நிச்சயமாக சொதப்பாது என்று கணிக்கப்பட்ட படம்தான் இந்த ”வந்தான் வென்றான்”. அதற்கு முக்கிய காரணமாக இருப்பார் என கணிக்கப்பட்டவர் படத்தின் இயக்குனர் ”கண்ணன்”தான். இயக்குனர் மணிரத்தினத்தின் சிஷ்யப்பிள்ளையான இவர் தனது முதல் படமாக கொடுத்த ”ஜெயம் கொண்டான்” வர்த்தகரீதியாக ஹிட் இல்லாவிடினும் பல மக்களின் பாராட்டைப்பெற்றிருந்தது. அதற்கு பின் இவர் "கண்டேன் காதலை" எனும் Re-Make படத்தை இயக்கினார். இந்தப்படம் வர்த்தகரீதியில் நல்ல வெற்றியை பெற்றது. இவர் இரண்டு படங்களை கொடுத்திருந்தாலும் ”வந்தான் வென்றான்” படத்தின் எதிர்பார்ப்பு ”ஜெயம் கொண்டான்” படத்தின்மூலமாக எனக்கு அதிகரித்திருந்தது.

இயக்குனரை தவிரவும் அண்மைக்காலத்தில் மிகப்பிரகாசமான தமிழ் சினிமாவின் நாயகனாக மாறிவரும் ஜீவா [கோ படத்திற்கு பின் இவர் சங்கரின் நண்பன், கௌதமின் நீதானே என் பொன் வசந்தம் என்று இப்பவே எதிர்பார்ப்புள்ள படங்களில் நடித்து வருகின்றமை குறிப்பிடத்தக்கது], ஆடுகளத்தின் பின் நாயகி தப்சி, ஈரத்திற்கு பின் மீண்டும் மாறுபட்ட பாத்திரத்தில் நந்தா, கலாய்க்க சந்தானம் என்று நடிகர்கள் ஆளுமையுள்ளவர்களாகவே தேர்ந்தெடுக்கப்பட்டிருந்தனர்.

ஜீவா கண்ணன் தப்சி

ஆனால் வெளிவருவதற்கு முன்னதாக போதியதாக இந்தப்படம் தொடர்பான எதிர்பார்ப்பு மக்களிடம் போய் சேரவில்லை. ஏன் பலருக்கு இந்தப்படம் நேற்றுதான் (2011-09-16) திரையிடப்படுகின்றதென்பது கூட தெரிந்திருக்கவில்லை. எனினும் இந்தப்படம் தொடர்பான பேச்சு படம் வெளிவர முன் மக்களிடம் எழ முக்கிய காரணமாக இருந்தவர் படத்தின் இசையமைப்பாளர் ”தமன்”தான் என்பதில் மறுபேச்சுக்கே இடம் இல்லை.

இவரது திரையுலக பயணத்தின் முக்கிய மைல்கல் அல்பமாக இது இருந்துவிட்டது. ”காஞ்சனமாலா”, "அஞ்சனா”, ”திறந்தேன் திறந்தேன்” என மூன்று பாடல்கள் சூப்பர் டூப்பர் ஹிட் ரகமாக பாடல்கள் வெளிவந்து பலரை கொள்ளையடித்திருந்தது. எனவே படமும் எப்பிடியும் நல்லாயிருக்கும் என்ற எதிர்பார்ப்பு பலரிடம் இருந்தாலும் அதை அனைத்தையும் தவிடுபொடியாக்கிவிட்டார் இயக்குனர். படத்தின் ஆரம்ப காட்சி ஒன்றில் சந்தானம் "TRAILER பாத்திட்டு படம் நல்லாயிருக்குமெண்டு நினைச்சிருப்பியே. ஆனா அப்பிடி இல்லை” எண்டு வேறோர் விடயத்திற்கு சொல்வது இந்தப்படத்திற்கு 100% பொருந்திவிட்டது.

அப்பிடி இப்பிடி என்று சலிப்பூட்டும் காதல் காட்சிகளுடன் செல்லும் முதல்பாதி பின்னர் ஏனோதானோ என்று ஒரு யதார்த்தமே இன்றி காட்சிகள் ஒழுங்காக பின்னப்படாது சென்று ஏதோ முடிகின்றது. படத்தில் பாடல்களையும் சந்தானத்தின் நகைச்சுவையையும் தவிர சொல்வதற்கு பெரிதாக ஒன்றுமில்லை. நிழல்கள்ரவி, மனோபாலா, ரகுமான் என்று நல்ல நடிகர்களுக்கு சிறுபாத்திரங்களை மட்டும் வழங்கி படத்தில் அவர்களும் இருந்தார்கள் என்று உறுதிப்படுத்தியுள்ளார் இயக்குனர். படத்தில் தப்சி ஒரு வேஸ்ட்டு சொப்சி. சும்மா வெள்ளையடிச்சுவிட்ட உருவ பொம்மை மாதிரி வந்து போகிறார். நடிக்கவும் தெரியவில்லை அழகாகவும் இல்லை. சும்மா அவிச்ச றால் மாதிரி மட்டும் இருக்கிறார்.

நந்தா கொடுத்தவேலையை செய்கிறார் ஆனால் படத்தில் ஒழுங்கான கதையோ at least சுவரஸ்யமான திரைக்கதையோ இல்லாமையால் சும்மா வீணடிக்கப்பட்டுவிட்டார். ரௌத்திரத்திற்கு பிறகு ஜீவாவிற்கு இது மீண்டும் ஒரு சறுக்கலாக இருக்கும். பெரிதாக எதிர்பார்க்கப்பட்ட ”காஞ்சனமாலா” பாடல் காட்சி எடுக்கப்பட்டவிதம் அழகாக ரசிக்ககூடியதாக இருக்கிறது. முதல் பாடலான ”ஏஞ்ஜோ” பாடலில் இசையமைப்பாளர் ”தமன்” டரம்ஸ் வாத்தியத்துடன வருகிறார். Base Guitar உடன் பாடகர் அலாப் ராஜுவே வந்தார் என நினைக்கிறேன். யாரும் தெரிந்தால் உறுதிப்படுத்துங்கள்.

”வந்தான் வென்றான்” எனது குறைந்தளவு எதிர்பார்ப்பை கூட திருப்தி செய்யவில்லை. நேரம் கிடைத்தால் சும்மா பார்க்கலாம் ரகம் படம் அவ்வளவும்தான்.

மங்காத்தா (Tasty ”மங்கோ”) - திரைப்பார்வை

2011-09-03T03:08:00.005+09:00

டிஸ்கி: வழமைபோல படத்தின் ஒரு துளி கதையும் இதில் சொல்லப்படவில்லை. நான் அஜித்தின் ரசிகனோ விஜயின் எதிர்ப்பாளரோ இல்லை. நான் ஒரு சூர்யா ரசிகன்.

இந்தப்படத்திற்கான எதிர்பார்ப்புகள் படம் தொடங்கிய காலத்திலேயே அதிகரித்திருந்தமைக்கு இருவர் மட்டுமே காரணமாக இருந்திருந்தனர். இவர்களில் முக்கியமானவர் ”தல” அஜித் மற்றையவர் இளவட்டங்களின் அபிமான இயக்குனர்களில் ஒருவராகியுள்ள வெங்கட்பிரபு. ஒரு மாஸ் ஹீரோ, பல ரசிகர்களின் அபிமான நடிகராகவுள்ள அஜீத் நடிக்கும் எந்தவொரு (யார் இயக்குனர் என்று பார்க்காமல் கூட) படத்திற்கும் எதிர்பார்ப்புகள் அபரிமிதமாக கிளம்புவது வழமை அது தவிர்க்கமுடியாததும் கூட. அதேபோல் மங்காத்தா படத்தின் இயக்குனர் வெங்கட் பிரபு தனது கடந்த படங்கள் மூலம் பெற்ற நன்மதிப்பு போன்ற 2முக்கிய காரணங்களால் ”மங்கத்தா” படம் ஆரம்பித்த காலத்திலிருந்து இந்தப்படம் பற்றிய எதிர்பார்ப்புக்கள் பலதரப்பட்ட இடங்களில் பேசப்பட்டு வந்திருந்தது.

இவர்கள் இருவர்தான் படத்தின் தூண்களாக ரசிகர்களால் ஆரம்பத்தில் பார்க்கப்பட்டாலும் வெங்கட்பிரபுவுடன் வழமைபோல் இணையும் அவரின் ஒன்றுவிட்ட சகோதரம் இசையமைப்பாளர் யுவன்சங்கர்ராஜா படத்தின் எதிர்பார்ப்புக்களை படம் வருவதற்கு இரண்டு மாத்திற்கு முன்பிருந்து, இன்னும் பல மடங்காக அதிகரித்திருந்தார். பாடல்கள் வந்து ஒரு மாதம் கூட முழுதாக ஆகாத போதிலும் ஏலவே ஒரு பாடல் வெளிவந்தகாலத்திலிருந்தே பாடல்கள் மற்றும் படம் பற்றிய பேச்சுக்கள் பலமாக அனைத்து தரப்பிலிருந்தும் எழ ஆரம்பித்திருந்தது. தரமான ஒலித்தெளிவு + ஒழுங்கமைப்பான இசை + பலராலும் ரசிக்கும் பாடல்கள் மூலம் "மங்காத்தா" பாடல்கள் பலரிடம் வரவேற்பை பெற்றது. மங்காத்தாவின் சில பாடல்கள் முந்திவந்த பாடல்களை நினைவுபடுத்தினாலும் ரசிக்கும் ரகத்தில் அனைத்து பாடல்களும் இருந்தது.

வெங்கட்பிரபு இயக்கிய சென்னை600028, சரோஜா வெற்றிப்படங்களிற்கு மத்தியில் ”கோவா” சற்று சறுக்கியிருந்தாலும் அதுவும் இளைஞர்களிடையே வரவேற்பை பெற்றிருந்தது. எனவே ”மங்கத்தா”வும் நிச்சயம் கேவலமாக இருக்காது என்ற மினிமம் கரன்ரியை வெங்கட்பிரபு இந்தப்படத்திற்கு, படம்பார்க்க முதலேயே ஏற்படுத்தியிருந்தார். அஜித்குமாரின் அண்மைய படங்கள் ”ஏகன்”, ”அசல்” மெகா மொக்கைகளாக இருந்திருந்தாலும் தனது 50வது படமான ”மங்காத்தா” மூலம் அனைத்தையும் நிவர்த்தி செய்துவிடுவார் என்ற எதிர்பார்ப்பு அவரின் ரசிகர்கள் மட்டுமல்லாது சினிமா ரசிகர்களுக்கும் இருந்தது.

வைபவ், வெங்கட்பிரபு, அஜித்

இவை அனைத்தையும் இவர்கள் பூர்த்தி செய்தார்களா? என்று கேட்டால் ஆமாம் என்று ஒரு வார்த்தையில் சொல்லிவிடலாம். அஜித் மட்டுமல்லாது அர்ஜுன், பிரேம்ஜீ, வைபவ், அரவிந், ஜெயபிரகாஷ், லக்ஸ்மிராய், திரிஷா, அஞ்சலி, அண்ரியா என்று பல நன்றாக அறியப்பட்ட நடசத்திரங்களை கொண்டு கோர்க்கப்பட்டு வந்திருக்கின்றது ”மங்கத்தா”. வெங்கட்பிரபுவின் படங்களில் வழமையாக வரும் நடிகர்களே இதிலும் ஏராளம். மிகவும் சிறிய கதைக்கருவை கொண்டு படத்தை சுவாரஸ்யமாக ரசிக்கும்படியாக தேவையான மசாலா அம்சங்கள் அனைத்தையும் கலந்து அடித்து சிறப்பாக கொடுத்து தனது முத்திரைய மீண்டும் பதித்து விட்டார் இயக்குனர். ஆங்கில படங்களிலிருப்பது போலவே படத்தின் கதை செல்வதாலோ என்னவோ படத்தில் உள்ள பல லாஜீக் மீறல்கள் கூடுதலாக உறுத்தவில்லை.

எனது நண்பன் ஒருவன் கூறியது போல வழமையான வெங்கட்பிரபுவின் படத்தை போலவே பல நடிகர்கள் இருந்தாலும் அவர்கள் அனைவருக்கும் காட்சி நேரங்கள் பாத்திர முக்கியத்துவம் பெரும்பாலும் சமமாகவே உள்ளது. ஏன் அஜீத்துக்கு கூட மற்றவர்களையும்விட கூடுதலான காட்சிகள் என்று இல்லை. அதேபோல் முத்துக்கு முத்தாக 4ஹீரோயின்கள் இருந்தும் வெங்கட்பிரபுவின் முந்தைய படங்களை போல தேவையான குறைவான காட்சிகளுடன் வெறும் டம்மி பீசுகளாக வந்து போகின்றனர். அவர்களுக்கு கதைப்படி முக்கியமான பாத்திரங்கள் எதுவுமில்லை.

பல இடங்களில் அஜித்தின் நடிப்பு நன்றாக இருக்கின்றது. நரைமுடியுடன் அழகாக தெரிகிறார். வழமைபோல கையை மட்டும் வைத்து நடனமாட முயற்சிக்கிறார். படத்தின் முதலில் வரும் சண்டைக்காட்சியில் பெரிய வயிற்றுடன் கஸ்டப்பட்டு தடுமாறி சண்டையிடுவது திரையில் தெளிவாக தெரிகிறது.இந்தப்படத்தில் வரும் தியேட்டர் காட்சி ஒன்றில் ”விஜய்” நடித்த காட்சி ஒன்று காட்டப்படுகின்றது. அதன்மூலம் தாங்கள் இருவரும் நண்பர்கள் என்று அஜித் மறைமுகமாக சொல்ல முயல்வது போல தெரிகிறது. ஆனால் எங்களில சிலதுகள் இன்னும் தல தளபதி எண்டு சண்டை போட்டுக்கொண்டு இருக்குதுகள். ஓய்நதபாடைக்காணவில்லை.

”விண்ணைத்தாண்டி வருவாயா”வில் உள்ள காட்சிகளினதும் கதையினதும் முக்கியத்துவத்தோடு ஒப்பிடும்போது இதில் திரிஷாவே நடிக்கவில்லை எனலாம். சும்மா எழுத்தோட்டத்தில போட்டு ஏமாத்திட்டாங்க சார். த்ரிஷாவைவிட லக்ஸ்மிராயிற்கு காட்சிகள் அதிகம்.(ஒப்பிடும்போது அண்மையில் வெற்றி பெற்ற காஞ்சனா முனி2 ல் கூட லக்ஸ்மி ராயிற்கு குறைவான காட்சிகள் போல்தான் தெரிகின்றது).

அஜித் திரிஷா லக்ஸ்மிராய்

அஞ்சலி, அண்ரியா படத்தில் இருக்கின்றனர் அவ்வளவுதான். அஞ்சலி ஒரு பாடலிலும் வருகின்றார். பிரேம்ஜி, வைபவ், மகத், அஸ்வின், அர்ஜுன், ஜெயப்பிராகாஸ் போன்றோர் படத்தில் முக்கியமானவர்கள் என்பதால் கூடுதலாக படத்தில் பரவிக்கிடக்கின்றனர். பிரேம்ஜியின் நகைச்சுவைகள் பல சீரியஸான காட்சிகளிலும் வந்து சிரிப்பை வரவழைக்கின்றது. கூடுதலான சண்டைக்காட்சிகள் சிலருக்கு சலிப்பை ஏற்படுத்தலாம்.

யுவனின் இசையாலும் ஒளிப்பதிவாளரின் குளுகுளு காட்சிகளாலும் பாடல்கள் கண்ணிற்கும் செவிக்கும் இனிமையாக இருக்கின்றன. முக்கியமாக இதில் உள்ள அருமையான Theme Music பல இடங்களில் Background scoreஆக பயன்பட்டு ஒரு பிரமாண்ட படம் என்ற தோற்றப்பாட்டை பிரமையை ரசிகர்ளிடத்தே ஏற்படுத்துகிறது. ”வாடா பின்லேடா” பாடல் காட்சியில் எடிட்டரின் பங்கு நன்றாக தெரிகிறது. அந்தப்பாடல் முழுவதும் வெவ்வேறு ஆடம்பர வீடுகளின் உள்ளே எடுத்தது போல் செயற்கையான காட்சிகளாக அமைந்துள்ளன. ஆரம்பத்தில் அந்தக்காட்சிகள் கண்ணிற்கு இனிமையாக அமைந்தாலும் தொடர்ந்து பார்க்கும்போது ஒருவித எரிச்சலை உண்டு பண்ணுவதுபோல தோன்றுகின்றது. ஆனால் ஒருவித்தியாசமான முயற்சியை பாராட்டலாம்.

மொத்தத்தி்ல ”மங்காத்தா” ஒரு சுவையான ”மங்கோ” சாப்பிட்ட திருப்தியை தருகின்றது.

எனக்கு இந்த பாடலில் பிடித்த வரியையும் பதிந்து விடுகிறேன்.
ஆடாம ஜெயிச்சோமடா! நம்மேனி வாடாம ஜெயிச்சோமடா! ஓடாம ரன் எடுத்தோம்! சும்மாவே உக்கார்ந்து வின் எடுத்தோம்!

பிற்குறிப்பு: மேலே நான் கூறிய கருத்துக்கள் எல்லாம் இது எந்தவொரு மொழி படத்தையும் அப்பிடியே கொப்பி செய்து உருவாக்கவில்லை என்ற கணிப்புடனேயே சொல்லப்படுகிறது. அப்பிடி எதாவது நடந்து இருந்தால் மேலே சொன்னவற்றுக்கு நான் பொறுப்பாளி அல்ல.

தினகரன் பத்திரிகையால் சுடப்பட்ட எனது பதிவு!

2011-08-16T03:30:00.008+09:00

போன வாரம் எனது தளத்தில் "உலகத்தரத்தில் தமிழர்கள் - NetBall வீராங்கனை தர்ஜினியுடன் நேர்காணல்" எனும் தலைப்பில் பிரசுரித்த பதிவொன்று (பேட்டியொன்று) அப்படியே அச்சொட்டாக களவாடப்பட்டு, ஒரு அறிவறுத்தலும் எனக்கு தரப்படாது நேற்று 2011 Augus 11ல் ”தினகரன்” பத்திரிகையில் ஒரு பகுதி பிரசுரிக்கப்பட்டிருந்தது. (அடுத்த பகுதி எப்போதோ தெரியவில்லை. தொடரும் என்று போடப்படிருந்தது). உண்மையில் அந்த பதிவை, தர்ஜினி என்னும் திறமை மிக்க தமிழ் வீராங்கனையை அனைவரும் அறிய செய்ய வேண்டும் என்ற எண்ணத்துடனேயே பதிந்திருந்தேன். உண்மையில் அதை மீள தினகரன் பத்திரிகையில் பிரசுரித்தமை நல்ல ஒரு விடயம்தான்.

தினகரன் பத்திரிகையில் மீள் பிரசுரமாக்கப்பட்ட எனது பதிவு! படத்தின் இடதுகை கீழ் மூலையில் ”View Full Image” பகுதியை கிளிக்கி பெரிதாக்கி பாருங்கள். புதிதாக தோன்றும் சிறிய Windowஐ வலது மேல் மூலையில் "X" கிளிக்கியோ இல்லது scroll செய்து எனது தளத்தை மெதுவாக press செய்தோ பழைய viewற்கு வாருங்கள்.

எனினும் அந்த பதிவை கஸ்டப்பட்டு இட்ட உரிமையாளரான எனக்கு ஒரு அறிவித்தல் கூட தராமல், நன்றி என்று கூட போடாமல் தாங்களே எடுத்தது போல் போடுவது ஊடகதர்மத்திற்கு உகந்ததோ என்று எனக்கு தெரியவில்லை. உண்மையில் பல பதிவுகளை பதிவர்களாகிய நாங்கள் கஸ்டப்பட்டு போடும்போது, அவர்களிற்குரிய உரிய கௌரவம் தராது அப்படியே கொப்பி செய்து போடுவது எம்மை வருத்தத்திற்குள்ளாகும் செயல். நாங்கள் இதற்காக பொருளா பண்டமா கேட்கிறோம்? ஒரு மூலையிலாவது நன்றி என்றாவது எங்கள் பெயரையும் போடலாம்தானே! சரி அவ்வாறு கூட வேண்டாம் போட முதல் ஒரு வார்த்தையாவது e-mail மூலமாக சொல்லலாம்தானே! பத்திரிகை நண்பர்களே இனியாவது இதை கொஞ்சம் கவனியுங்கள்.

எனது அசல் ஆக்கம்

http://vidivu-carthi.blogspot.com/2011/08/netball.html

தினகரன் பத்திரிகையால் சுடப்பட்டு வந்தது

http://www.thinakaran.lk/jaffna/?id=08&tday=2011%2F08%2F15

பிற்சேர்க்கை: நேற்று இந்த தகவல் அறிந்ததும் மின்னஞ்சல் மூலமாக தொடர்பு கொண்டு அவர்களின் பிழையை தெரிவித்திருந்தேன். அதற்கு அவர்களின் பதில் வரவில்லை. ஆனால் இன்றைய பதிப்பில் (http://www.thinakaran.lk/jaffna/?id=06&tday=2011/08/16) மீதி பேட்டி வந்திருந்தது. அதில் நன்றி பொட்டலம் வலைப்பூ எனப்போடப்பட்டிருந்தது! இறுதியிலாவது அதன் மூலத்தை போட்டமை பராட்டுதற்குரியது. நன்றிகள்

பயனுள்ள கற்கைநெறி - Transport & Logistics Management

2011-08-13T14:01:00.011+09:00

டிஸ்கி: இந்த கட்டுரை மாதாமாதம் வெளிவரவிருந்த ஒரு சஞ்சிகைக்காக ”மாதமொரு பயனுள்ள கற்கைநெறி” என்ற பெயரில் ஒவ்வொரு மாதமும் ஒவ்வொரு கற்கைநெறியாக இளம் மாணவர்களுக்கு அறிவுறுத்த சிலவற்றை தெளிவுபடுத்த எழுதப்பட்டதாகும். ஆயினும் இறுதிநேரத்தில் ஏற்பட்ட தவிர்க்கமுடியாத சூழ்நிலையால் அந்த சஞ்சிகையும் இந்த கட்டுரையும் வெளிவராமல் போனது. என்றாலும் எனது இந்த கட்டுரைக்கான உழைப்பை வீணாக்காது எந்தவொரு மாற்றமும் செய்யாமல் இங்கே பதிகின்றேன். இதனால் ஒருவர் பயன்பெற்றாலும் நல்லதுதானே!

நன்றி: இந்த கட்டுரைக்கு தேவையான விளக்கங்கள் உதவிகள் வழங்கிய இந்த கற்கை நெறி கற்று வெளியேறிய நண்பன் நோபேர்ட்டுக்கு நன்றிகள்.

-----------------------------------------------------------------------

அந்தக்காலத்திலிருந்தே தமிழர்கள் நாங்கள் சில வகுக்கப்பட்ட வரையறை விதிமுறைக்குள் இருந்து கொண்டு அதைவிடுத்து சற்று வெளியே வருவதை, முன்னோக்கி சிந்திப்பதை, செயல்படுவதை குறைத்து, தவிர்த்து வந்துள்ளோம். ஆனைத்து விடயங்களிலும் பெரியவர்கள் சொல்வதுதான் சரி என்று எடுத்து அதன்படி சொந்தமாக யோசிக்காமல் நடப்போமானால் ஏற்படும் விளைவுகள் எல்லா நேரங்களிலும் எமக்கு சாதகமாக இருக்காது!

அந்தக்காலத்திலும் ஏன் இந்தக்காலத்திலும் கூட உயர்தர மாணவர்களுக்கு கல்வி புகட்டும் ஆசிரியர்கள் பலர் உயர்தரத்தில் உள்ள துறைகளில் உயர்வான கற்கைநெறிகளை மட்டும் மேற்கோள் காட்டி 'அந்த துறைகளுக்குதான் நீங்கள் நல்லா படிச்சு போகவேண்டும். இல்லாட்டி கஸ்டம்' என்று தொடர்ச்சியாக கூறி வருவதை நீங்கள் கண்கூடாக கண்டிருப்பீர்கள். உதாரணமாக கணிததுறை எனின் பொறியியல்(Engineering) விஞ்ஞான துறை எனின் மருத்துவம்(Medicine) வர்த்தகதுறை எனின் முகாமைத்துவம்(Management) போன்றன மட்டும்தான் அந்தந்த துறைகளில் சிறந்தது என்பது போலவும் அதைதான் படிக்கவேண்டும் மாற்று கற்கைநெறிகள் இல்லை என்பது போலவும் ஒரு பிரமையை மாணவர்கள் மத்தியில் இவ்வாறான ஆசிரியர்களின் செயற்பாடுகள் விதைத்து விடுவதுண்டு. சிலவேளைகளில் ஆசிரியர்கள் இவ்வாறு கூறுவதன்மூலம், அனைவரையும் ஒழுங்காக படிக்க செய்து நல்ல துறைகளுக்கு அனுப்பிவிடலாம் என்ற நப்பாசையும் காரணமாக இருக்கலாம்.

ஆனால் அந்த காலகட்டத்தில் பக்குவப்படாத வயதில் இருக்கும் மாணவர்களுக்கு இவ்வாறான கருத்துக்கள் சில பிழையான மன எண்ண ஓட்டத்தை ஏற்படுத்திவிடுகிறது. அதாவது மிகச்சிறப்பான திறமையை வெளிப்படுத்த இயலாத மாணவன் ஒருவன் இவ்வாறான கருத்துக்களால் தன்னால் என்னதான் படித்தும் இப்படியான நல்ல துறைக்கு போக முடியாது எனவே பேசாம சும்மா சாட்டுக்கு படிச்சிட்டு இருந்திடலாம் என நினைத்து படிப்பில் ஒழுங்காக கரிசனை செலுத்த முடியாமல் போய்விடக்கூடிய சாத்திய கூறுகள் நிறையவே இருக்கின்றது

எனவே மாதா மாதம் வரவுள்ள இத்தொடர் கட்டுரையானது உயர்தரத்தில் உள்ள வேறுபல பிரயோசமான கற்கைநெறிகளையும், அதை கற்க தேவையான அடிப்படை தகுதிகளையும், படிப்பிக்கப்படும் பாடப்பரப்புக்களையும், அதன் எதிர்கால வேலைவாய்ப்புக்களை பற்றியும் சற்று மேலோட்டமாக அலச முற்படுகிறது.

அந்தவகையில் உயாதரத்தில் கணிதபிரிவில் பயிலும் மாணவர்கள் பல்கலைக்கழகத்தில் கற்ககூடிய Transport & Logistics Management கற்கைநெறி பற்றி இந்த மாதம் பார்க்கலாம். உயர்தரத்தில் உள்ள மற்ற துறைகளுடன் ஒப்பிடும்போது கணிததுறையானது பல்லைக்கழகத்திற்கு செல்லக்கூடிய பல கற்கைநெறிகளை கொண்டுள்ளது. இதிலும் முக்கியமாக வேலைவாய்ப்புக்களை இலகுவில் பெற்றுதரக்கூடிய கற்கைநெறிகளை கொண்டிருத்தல் கணிததுறையின் இன்னோர் சிறப்பம்சமாகும்.

Transport & Logistics Management

இந்தமாதம் பார்க்கும் இந்த கற்கை நெறியை போக்குவரத்தும் விநியோக ஒழுங்கமைப்பு முகாமைத்துவம் என்று தூய தமிழிலும் Transport & Logistics Management என்றும், சுருக்கமாக TLM என்றும் ஆங்கிலத்தில் கூறுவார்கள். உயர்தரத்திலிருந்து இந்த கற்கை நெறிக்கு செல்ல அடிப்படையாக கணிததுறையில் உள்ள முக்கிய மூன்று பாடங்களிலேயும் (இணைந்த கணிதம் பௌதீகவியல் இரசாயனவியல்) குறைந்த பட்சம் சாதாரண சித்தி(S) அடைந்திருக்க வேண்டும். அதாவது சுருங்க கூறின் மூன்று பாடங்களிலும் சித்திபெற்ற ஒருவரால்தான் இந்ததுறைக்கு விண்ணப்பிக்க முடியும்..

பின்னர் அந்தந்த மாவட்டங்களுக்கான Z வெட்டுப்புள்ளியின் அடிப்படையிலேயே அவர்களின் தெரிவு உறுதிப்படுத்தபடும். 2006லேயே முதன்முதலாக ஆரம்பிக்கப்பட்ட இந்த கற்கைநெறிக்காக வருடாவருடம் 50பேரளவில் நாடு பூராகவும் இருந்து தேர்வு செய்யப்பட்டு, மொறட்டுவைப் பல்கலைக்கழகத்தில் கற்பிக்கப்படுகின்றனர். மொறட்டுவைப் பல்கலைக்கழகத்தின் பொறியியல் பீடத்தின் ஒரு பிரிவாகவே இந்த கற்கைநெறி இருப்பதால் இந்த பாடநெறிக்கான வரவேற்பு மாணவர்கள் மத்தியில் அதிகரித்து காணப்படுகிறது. நான்கு வருடங்கள் நீடிக்கும் இந்த கற்கைநெறியின் முடிவில் B.Sc.(TLM) Hons பட்டம் கிடக்கபெறும்.

இந்த Transport & Logistics Management பாடநெறியானது 2006ம் ஆண்டிலேயே மாணவர்களுக்காக அறிமுகப்படுத்தப்பட்டது. அதாவது 2005ல் உயர்தரப்பரீட்சைக்கு தோற்றியவர்களுக்கு முதன்முதலில் இந்த வாய்ப்பு கிடைக்கப்பெற்றது. எமது நாட்டில் உள்ள பயணிகள் போக்குவரத்து மற்றும் பொருட்கள் பண்டங்களின் விநியோகம் போன்ற விடயங்கள் சம்பந்தப்பட்ட துறைகளில் முறைப்படி பயிற்றப்பட்ட துறைசார் வல்லுனர்களின் அவசியம் நாளுக்கு நாள் அதிகரித்தமையின் விளைவே இதற்கான தனியான ஒரு துறை ஆரம்பிக்க ஏதுவாயமைந்தது.

தற்போது இந்த பாடநெறியின் துறை தலைவராக (Head of the Department) மதிப்பிற்குரிய கலாநிதி T.சிவகுமார் இருப்பது தமிழர்களாகிய எமக்கும் பெருமை. இவர் எம்மாணவர்களின் கல்வியில் மட்டுமல்லாது தமிழ் மாணவர்கள் ஒழுங்கு செய்யும் கலை நிகழ்ச்சிகளிலும் கலந்து கொண்டு மாணவர்களை ஊக்கப்படுத்துபவர்.

Dr. T. Sivakumar
B.Sc. Eng (Peradeniya), MEng (AIT)PhD (Japan), AMIE (SL)

இந்த பாடநெறியை கல்வி பயில்வதன் மூலம் ஆரம்பத்தில் முகாமைத்துவம் சம்பந்தமான நிறைவேற்று அதிகாரிகளாக பல இடங்களில்; வேலைவாயப்பை பெறும் வாய்ப்புக்கள் உள்ளது. ஆத்தகைய இடங்களாக பயணவர்த்தகதுறைகள், விமானநிலையங்கள், துறைமுகங்கள், பொருட்கள் சரக்குகள் விநியோக கம்பனிகள், கப்பல்போக்குவரத்து கம்பனிகள், பொதுபோக்குவரத்து துறைகள், பொருட்கள் உற்பத்தசெய்யும் கம்பனிகள், ஆராய்ச்சி ஆலோசனை வழங்கும் நிறுவனங்கள், திட்டமிடல் செயற்பாட்டு நிறுவனங்கள், உட்கட்டமைப்பு மேம்பாட்டு நிறுவனங்கள், களஞ்சியப்படுத்தல், பொருட்கள் விநியோக நிறுவனங்கள் போன்றன அமைகின்றது.

பின்னர் அனுபவத்தையும் திறமையையும் பொறுத்து இன்னும் உயர்ந்த பதவிகளுக்கு செல்லும் வாய்ப்பு காத்திருக்கிறது. நான் ஏலவே குறிப்பிட்டவாறு தொழில்துறையில் நிலவிய கேள்வியின் அடிப்படையிலேயே இக்கற்கைநெறி ஆரம்பிக்கப்பட்டமையாலும் மிகவும் அண்மையிலேயே தொடங்கப்பட்ட புதிய பாடதுறையாகவும் இது இருப்பதால், வேலைவாய்ப்பை தற்போது இலகுவாக பெறக்கூடிய துறையாக காணப்படுகிறது. மேலும் Transport & Logistics Managementற்கான மொறட்டுவைப்பல்கலைக்கழகத்தின் உத்தியோகபுர்வ தளத்தில், “இந்த போக்குவரத்து விநியோகம் தொடர்பான துறையில் அனைத்து மட்டங்களில் ஒட்டு மொத்தமாக சேர்த்து ஒரு மில்லியன் அளவில் மக்கள் வேலைவாய்ப்பை பெற்றுள்ளனர்” என்று கூறுகின்றனர். இவற்றில் 2000 வரையிலான முறையாக பயிற்றப்பட்ட நிறைவேற்று அதிகாரிகளுக்கான வேலைவாய்ப்புக்கள் இருப்பதாக கூறுகின்றனர்.

இந்த கற்கைநெறியானது சற்றே பரந்து பட்ட பாடப்பரப்புக்களை உள்ளடக்குகிறது. போக்குவரத்து(Transport) பிரிவில் வீதிப்போக்குவரத்து விமானபோக்குவரத்து கடல்போக்குவரத்து போன்ற அனைத்து பொதுப்போக்குவரத்து முறைகளும் அலசப்படுகிறது. விநியோகமுகாமைத்துவ பிரிவில் (Logistics Management) சரக்குகள் போக்குவரத்து கப்பல் துறைமுக செயற்பாடுகள் போன்றன படிப்பிக்கப்படுகின்றன. முக்கியமாக Supply Chain Managementல் ஒரு பொருளை உற்பத்தி செய்வதிலிருந்து அது இறுதி பயன்பாட்டாளருக்கு செல்லும் வரை நடைபெறும் அனைத்து செயற்பாடுகளும் விரிவாக ஆராயப்படுகிறது.

ஆத்துடன் இந்த துறைக்கு அவசியமான சந்தைப்படுத்தல்(Marketing) நிதிக்கணக்கீடு(Financial Accounting) போன்றன பற்றியும் மேலோட்டமாக சொல்லிக்கொடுக்கப்படுகிறது. இறுதி ஆண்டில் ஒருவர் Aviation, Shipping, Road போன்ற துறைகளில் குறிப்பிட்ட ஒரு துறையை தேர்ந்தெடுத்து சிறப்பு தேர்ச்சியடைய விரும்பினால் அந்ததுறை சார்ந்த பாடங்களை தமது தெரிவிப்பாடங்களாக எடுத்து மேலதிக அறிவை பெற்றுக்ககொள்ளகூடிய வாய்ப்பு இருக்கிறது. இல்லாவிடில் எல்லாதுறைகளிலும் ஒருவர் பரந்த அறிவை பெறவிரும்பின் ஒரு குறிப்பிட்ட துறையை மட்டும் கருத்தில்கொண்டு பாடங்களை தெரியாது பொதுவான பாடங்களை தெரிவுசெய்து பரந்துபட்ட அறிவை பெறமுடியும். ஆனைத்தும் உங்கள் கைகளிலேயே தங்கியுள்ளது.

மேலும் இந்த போக்குவரத்தும் விநியோக ஒழுங்கமைப்பு முகாமைத்துவம் (Transport & Logistics Management) கற்கைநெறி ஆரம்பிக்கப்பட்டு இந்தவருடத்தோடு 5வருடங்கள் பூர்த்தியாகிவிட்டமையால் மிகவிரைவில் மொறட்டுவ பல்கலைக்கழகத்திலேயே இத்துறைக்கு விஞ்ஞான முதுமானி M.Sc தொடங்கப்படுவதற்கான ஆயத்தங்களும் நடைபெறுகின்றது.

மேலதிக தகவல்களுக்கு
மொறட்டுவைபபல்கலைக்கழக Transport &Logistics Management ற்கான உத்தியோக இணையத்தளம்: http://www.tlm.mrt.ac.lk
இக்கற்கைநெறிகற்று வெளியேறிய பட்டதாரி: ர.நோபேர்ட் 0772385784

--------------------------------------------------------

நண்பர்களே எம்மவருக்கு உதவி தேவைப்படுகிறது! தயவு செய்து நண்பர் மதி.சுதாவின் தளத்திற்கு கீழுள்ள இணைப்பின் மூலம் சென்று பாருங்கள்

மனித நேயம் கொண்ட தமிழருக்காக (அரவணைப்போம்- 1)

உலகத்தரத்தில் தமிழர்கள் - NetBall வீராங்கனை தர்ஜினியுடன் நேர்காணல்

2011-08-06T07:30:00.004+09:00

நன்றி : இந்த பதிவு வருவதற்கு முதற்காரணியாக இருந்து நான் கேட்டவுடன் தர்ஜினி அக்காவுடன் தொடர்புகொண்டு, எனது கேள்விகளுக்கு பதில்களை பெற்று தட்டச்சி தந்த மதுரா அக்காவிற்கு எனது கோடான கோடி நன்றிகள். மதுரா அக்காவின் உதவியால் நான் நேரடியாக தொடர்பு கொண்டு மிகுதி கேள்விகளை கேட்ட போது சலிக்காமல் விளக்கமாக பதிலளித்தமைக்கும் வேண்டிய தகவல்களை தந்தமைக்கும் பதிவின் நாயகி தர்ஜினி அக்காவிற்கும் நன்றிகள்.

டிஸ்கி1: கீழே தரப்பட்ட பேட்டி தர்ஜினி அவர்கள் சொன்ன தகவல்களை அடிப்படையாக கொண்டே பதிவேற்றப்படுகிறது. பிழையான மேலதிக சேர்க்கைகள் இல்லை. இந்த பதிவிற்கு உதவி செய்த மதுரா அக்காவும் ஒரு சிறந்த வலைப்பந்து வீராங்கனை. தேசிய சாம்பியனாக வந்த, இலங்கை பல்கலைக்கழக தெரிவு அணியில் இடம்பெற்றிருந்த திறமைசாலி.

டிஸ்கி2: இந்த பேட்டியின் தெளிவான சில பகுதிகள் ஒலிவடிவத்தில் இன்னுமோர் பதிவில் வெளிவரும்.

----------------------------------------------------------------------------

சர்வதேச ரீதியில் புகழ்பெற்ற அபரிமிதமான திறமையுடைய சிறந்த வலைப்பந்தாட்ட (NetBall) வீராங்கனையான, அழுத்தமாக சொல்லப்போனால் தமிழ் வீராங்கனையான தர்ஜினி சிவலிங்கம் அவர்களை பற்றி நாங்கள் அறிய வேண்டிய பல முக்கிய தகவல்களை, விடயங்களை சிறு கேள்வி பதில் பதிவின் மூலம் பொட்டலம் வலைத்தளம் தரமுயல்கிறது. இந்த பேட்டிக்கு செல்ல முன் அவர் தொடர்பான சில விபரங்களை பார்த்துவிடலாம்.

திறமையுள்ள ஆனால் ஆர்ப்பாட்டமேயில்லாத இந்த வீராங்கனையை நீங்கள் வெள்ளவத்தையின் தெருக்கள் பலவற்றில் கண்டிருக்ககூடும். 2.06m உயரமான யாழ்ப்பாணத்தில் பிறந்து தற்போது கொழும்பில் வசிக்கும் இந்த வலைப்பந்து வீராங்கனை கடந்த மாதம் 3ம் திகதியிலிருந்து 10ம் திகதி வரை சிங்கப்பூரில் நடைபெற்ற 13வது உலககிண்ண போட்டியில் கலந்து கொண்டவர்கள் அனைவரிலும் உயரமானவராக விளங்கியதோடு மட்டுமல்லாது, பலம்பொருந்திய பெரிய அணிகளுக்கெல்லாம் பலத்த சவால் நிறைந்த Shooterஆக விளங்கினார். பல அணிகள் இவரின் shoot செய்யும் பலத்தை கட்டுப்படுத்த பல வித்தியாசமான முறைகளையெல்லாம் கையாள வேண்டியிருந்தமை குறிப்பிடத்தக்கது. அதிலும் குறிப்பாக சிங்கப்பூர் அணி, றக்பி போட்டிகளில் கையாளப்படும் Lion Dance நுட்பத்தை (ஒரு வீரர் இன்னோர் வீரரை உயர்த்தி தூக்கி பிடிப்பத்தல்) ஒத்த ஒரு முறையை கையாண்டும் இறுதியில் தோல்வியை தழுவிருந்தது.

இவர் இந்த உலககிண்ண போட்டிகளில் இலங்கை விளையாடிய 6 போட்டிகளிலும் கலந்து கொண்டு, தான் முயற்சித்த(attempt) 297 pointsகளில் 7ஐ மட்டும் தவறவிட்டு 290pointsகளை (98%) பெற்றுக்கொடுத்திருந்தார். இந்த உலக கிண்ண போட்டிகளில் பங்குபெறுவதற்கான தகுதிகாண் போட்டியாக 2009ல் இடம்பெற்ற ஆசியகிண்ண போட்டி இருந்தது. இதில் இலங்கை கிண்ணத்தை கைப்பற்ற இவரது பங்குதான் முதன்மையாக இருந்திருந்தது. அந்த போட்டிதொடரில் மொத்தமாக 380pointsகளை பெற்று இப்போட்டிகளில் அனைத்து அணிகளிலும் கூடிய புள்ளிகளை பெற்றுக்கொடுத்தவரில் முதல் இடத்தை பெற்றார். 2வது இடத்தை பெற்ற மலேசிய வீராங்கனை பெற்றது வெறும் 152புள்ளிகளே.

தமிழரான எங்களுக்கெல்லாம் பெருமை சேர்த்து கொண்டிருக்கும் சர்வதேச வலைப்பந்தாட்ட வீராங்கனையான உங்களை இணையத்தின் மூலமாக சந்திப்பதில் மிக்க மகிழ்ச்சி.

Q: உங்களது குடும்பம் ஊர் பற்றி சிறு அறிமுகத்தை தாருங்கள்?
நான் தர்சினி சிவலிங்கம் புன்னாலைக்கட்டுவன் ஈவினை என்பது எனது ஊர். அப்பாவின் தொழில் விவசாயம். அம்மா வீட்டுத்தலைவி. குடும்பத்தில் 6சகோதரர்கள் நாங்கள். 3 அண்ணாக்கள் ஒரு அக்கா ஒரு தம்பி.

Q: பாடசாலைக்கல்வியை எங்கே கற்றீர்கள்?
வசாவிளான் மத்திய மகா வித்தியாலயத்தில்.

Q: வலைப்பந்தாட்டம் மீதான உங்களின் ஆர்வம் எப்போது உருவானது?
பாடசாலை காலத்தில் போட்டிகளில் விளையாடும் போது.

Q: நீங்கள் விளையாடிய காலத்தில் உங்கள் பாடசாலை அணி எந்தளவு தூரம்வரை சிறந்த வெற்றிகளை பெற்றிருந்தது?
எங்கள் அணி கோட்ட மட்டம் வரை சென்றிருந்தது. ஆனால் வெல்ல முடியவில்லை.

Q: பாடசாலை அணிக்கு தலைவியாக இருந்தீர்களா?

இல்லை. சாதாரண வீரராகவே விளையாடினேன். அப்போது கூடியளவு போட்டிகளில் விளையாடியிருக்கவில்லை. அந்தக் காலம் பிரச்சனையான போர்ச்சூழல் நிறைந்த பாதைகள் பூட்டப்பட்ட காலப்பகுதியாக இருந்தமையால் எனது திறமைகள் மழுங்கடிக்கப்பட்டிருந்தன.

Q: பாடசாலைக்காலத்தில் ஒழுங்காக பயிற்சிகள் வழங்கப்படிருந்தனவா?
பெரிதாக இருக்கவில்லை.

Q: உங்களது பாடசாலைக்காலத்தில் யாழ்மாவட்ட வலைப்பந்தாட்ட அணி இருந்ததா? அதில் பங்கு பற்றியிருந்தீர்களா?
30 வருடங்களாக யாழ் மாவட்ட அணி இருக்கின்றது. ஆனால் அவர்களால் கூட என்னை கண்டுபிடிக்க முடியவில்லை.

Q: பாடசாலைக்காலத்தில் நீங்கள் விளையாடும் போது எதிர்காலத்தில் இப்படி ஒரு பெரிய வீராங்கனையாக வருவீர்கள் என்று உங்கள் பெறுபேறுகளை கொண்டு எதிர்பார்த்தீர்களா?
நிச்சயமாக இல்லாவிடினும், என்னால் மற்றவர்களை விட இலகுவாக சில இலக்குகளை எட்ட முடிவதுண்டு உதாரணமாக உயரம் பாய்தல், ஆனாலும் தகுந்த பயிற்சி, பாதுகாப்பு இல்லாமல் துணிந்து விளையாட்டுகளில் நான் ஈடுபடவில்லை. காரணம் நான் அப்போது தான் விரைவாக வளர்ந்து கொண்டிருந்தேன், என் எலும்புகளுக்கு பலமான பாதுகாப்பு தேவைப்பட்டது.

Q: உங்களை இவ்வாறு உருவாக்கியதில் முதன்மையானவர்கள் யார் யார்?
பெற்றார், சகோதரர்களை தவிர உறவினர்கள் நண்பர்கள் அனைவரும் என்னை முதன்மைப்படுத்தி ஊக்குவித்ததுண்டு. தேசியஅணியில் இடம்பெற்ற காலத்தில், எனது வேலை தளத்தில் இருந்த பயிற்றுனர் விசேடமாக. மற்றும் அவ்வப்போது தேசிய அணியின் பயிற்றுனர்களாக இருந்த அனைவரையும் என்னால் நினைவு படுத்த முடியும். முக்கியமாக என்னை பல்கலைக்கழக அணியிலிருந்து மட்டக்களப்பு மாவட்ட அணிக்கு அழைத்து சென்ற பத்திமா பிரான்சிஸ் என்பவாவும் முக்கியமானவா.

Q: நீங்கள் உங்கள் பட்டபடிப்பை கிழக்கு பல்கலைக்கழகத்தில் பயின்றதாக அறிகிறேன். பல்கலைக்கழக வாழ்க்கை இந்த விளையாட்டு தொடர்பாக உங்களை பட்டை தீட்ட உதவியதா? எவ்வாறான வகையில் உங்களை வளர்த்துக்கொண்டீர்கள்?
நான் பல்கலைக்கழகத்திற்கு சென்றதுமே அங்கிருந்தவர்கள் நான் நிச்சயம் தேசிய அணிக்கு போவேன் என்று எதிர்பார்த்தார்கள். அத்துடன் பல்கலைக்கழக அணியிலிருந்து மட்டக்களப்பு மாவட்ட அணிக்கு விளையாட பாத்திமா பிரான்சிஸ் அவர்களால் சந்தர்ப்பமும் கிடைத்தது பல்கலைக்கழக வாழ்க்கையில்தான். இந்தக்காலப்பகுதியில்தான் மட்டக்களப்பு மாவட்டத்தில் 4வருடங்களாக விளையாடியிருந்தேன். அத்துடன் பல்கலைக்கழக அணிக்கு தலமைதாங்கியுள்ளேன். பல்கலைக்கழகங்களிற்கிடையிலான போட்டியில் முதலாவது முறையாக தமிழ் அணி (எமது அணி) இரண்டாவது இடத்தை பிடித்திருந்தது. அதன்பின் இலங்கை பல்கலைக்கழக அணிக்கு தெரிவு செய்யப்பட்டிருந்தேன் அதில் 2005ல் Vice-Captainஆகவும் 2006ல் Captain ஆகவும் இருந்திருக்கின்றேன்.

பல்கலைக்கழகத்திலிருந்து இருந்து தேசிய அணிக்கு நான் தெரிவாகி 2005ல் ஆசிய கிண்ண போட்டியில் Best Shooter விருது பெற்றமைக்கு பல்கலைக்கழக உப வேந்தர் எனக்கு தங்க பதக்கம் அளித்து கௌரவப் படுத்தியமை, பரீட்சை காலங்களில் நண்பர்களில் உதவி முதலானவை முக்கியமாக நினைவு கூரப்படவேண்டியவை. தேசியஅணியில் விளையாடிக்கொண்டு எனது பட்டப்படிப்பை சீராக தொடர பல்கலைக்கழகம் போதிய உதவியும் வழங்கியிருந்தது.

National Champions - All Universities Team -2007கீழே இருப்பவர்களில் இடமிருந்து வலம் 2வது மதுரா அக்கா பின்வரியில் உயரமாக பதிவின் நாயகி

Q: உங்களுக்கு இலங்கை தேசிய அணியில் வாய்ப்பு எப்போது கிடைத்தது? எவ்வாறு கிடைத்தது?
2004ல். நான் பல்கலைக்கழகத்தில் படித்துக்கொண்டிருந்த நேரம் மட்டக்களப்பு மாவட்ட அணிக்காக விளையாடியபோதுதான் தேசிய அணிக்காக தெரிவுசெய்யப்பட்டேன். எனது பெறுபேற்றையும் உயரத்தையும் அடிப்படையாக வைத்தே இந்த வாய்ப்பு வழங்கப்பட்டது.

Q: முதன் முதலாக சர்வதேச போட்டியில் விளையாடிய போது அனுபவம் எப்பிடி இருந்தது?
2005ல் ஆசிய கோப்பைக்காக விளையாடினேன், இறுதி போட்டியில் எங்களால் வெல்ல முடியாமை அடுத்து வரும் போட்டிகளுக்கு என்னை நன்றாக தயார் படுத்த வேண்டும் என்ற மனநிலையை உருவாக்கியது.

Q: 6ஆண்டு காலமாக சர்வதேச போட்டிகளில் விளையாடிவரும் நீங்கள் விளையாடிய முக்கிய சர்வதேச போட்டிகள் பற்றி சொல்ல முடியுமா? உங்கள் அணி பெற்ற குறிப்பிடத்தக்க வெற்றிகள் பற்றியும் கூறுங்கள்.
ஆசிய கோப்பை வெற்றியாளர்கள் 2009. அவ்வப்போது பிற நாடுகளால் ஒழுங்கு படுத்தப்படும் 5 தேசங்களுக்கிடையிலான, 4 தேசங்களுக்கிடையிலான, சுற்றுப்போட்டிகளும் பிற நாடுகளுடனான சுற்று பயணங்கள் என்பன குறிப்பிடத்தக்கவை.

Q: இதுவரை எத்தனை சர்வதேச போட்டிகளில் விளையாடியுள்ளீர்கள்?
ஏறத்தாழ 35 வரையிலானவை சர்வதேச போட்டிகளில் அடங்கும்.

Q: தற்போது Co-Captain ஆக அணியில் இருப்பதாக தெரிகிறது. Co-Captain என்றால் இன்னொரு வீரருடன் இணைந்து தலைவராக பணியாற்றுவதுதானே?
ஆம்.

Q: July மாதம் சிங்கப்புரில் இடம் பெற்ற உலககிண்ண போட்டி உங்களின் முதல் உலககிண்ண போட்டியென நினைக்கிறேன் அப்பிடிதானே? அதன் அனுபவம் பற்றி கூறுங்களேன்.
ஆம். இலங்கை அணி உலக கோப்பைக்கு தகுதி பெற ஆசிய கோப்பையை வெல்வதோடு, உலக தர பட்டியலில் முன்னிடம் வகிக்க வேண்டும். இந்த உலக கோப்பையின் பின்னர் எங்கள் அணி பதின் நான்காம் இடத்திற்கு முன்னேறியுள்ளது. உலகின் மிக சிறந்த அணிகளுடன் விளையாடி அதிக கோல் போடுவது எனக்கு மிக சவாலாக இருந்தாலும், நான் ஒவ்வொரு போட்டியிலும் மகிழ்ச்சியுடன் பங்கு பற்றினேன்.

Q: இந்த உலக கிண்ண போட்டிகளில் சிறப்பாக ஆடிய உங்களுக்கு சிறப்பு பரிசு எதாவது கிடைத்ததா?
Best Shooter விருது கிடைத்தது.

Q: போட்டி தொடரின் சிறப்பாட்டக்காரர் விருது யாருக்கு கிடைத்தது?
தென்னாபிரிக்க வீராங்கனை ஒரு வருக்கு கிடைத்தது.

Q: மற்றைய விளையாட்டுக்களின் தேசிய வீரர்களுக்கு கிடைக்கும் வரவேற்புபோல் அபரிமிதமான திறமை இருந்தும் உங்களுக்கு கிடைப்பதில்லை என்று உணர்ந்திருக்கிறேன். நீங்கள் என்ன நினைக்கிறீர்கள்? உங்களுக்கு உள்ளுரில் ஆதரவு எப்பிடி இருக்கிறது? ஊடகங்கள் உங்கள் போன்ற திறமையுடைய தமிழ் வீரர்களை சரியாக ஊக்குவிக்கவில்லை என்று சிந்தித்ததுண்டா? எப்படியான பங்களிப்பை அவர்கள் வழங்க வேண்டுமென நினைக்கிறீர்கள்?
தோற்கும் அணியில் இருந்து என்னால், அதிக கோல் சிதறாமல் போடா முடிகிறது எனில், எங்கள் அணி கட்டயாம் வெற்றி பெறும் பகுதியில் இருந்திருக்க வேண்டும். எங்கள் தயார் படுத்தலுக்கு அதிக நேரம் கிடைக்கவில்லை. ஊக்குவிப்பு எங்கள் மனதில் தான் உருவாகவேண்டும். நாம் நினைக்கிற இலக்கை ஒரு போதும் தாழ்த்தகூடாது. ஊடகங்கள் இன்னும் கூடுதலான ஊக்குவிப்பை தரலாம்.

Q: உங்களுக்கு தொடர்ந்து ஆதரவு தந்து ஊக்குவிப்பவர்கள் யார்?
பலர்.

Q:வேலைத்தளத்தில் சிறந்த விளையாட்டு வீரராக உங்களுக்கு மதிப்பு எவ்வாறு இருக்கிறது?
மிகவும் நன்று. அவர்களின் ஆதரவு எல்லை அற்றது.

Q: ரசிகர்களுக்கு என்ன சொல்ல விரும்புகிறீர்கள்?
ஆதரவுக்கு நன்றி.

பிற்குறிப்பு: இப்படியான பல திறமையான தமிழ்பேசும் வீரர்கள் அனைவரையும் நாம் ஊக்குவித்தோமா? என்றால் விடை பெரும்பாலும் இல்லை என்றே வரும். அற்பனுக்கு பவிசு வந்து அர்த்தராத்திரியிலும் குடை பிடிக்கும் இந்தக்காலத்தில் இப்படியான உலகதரம் வாய்ந்தவர்கள் எம்மிடையே இருக்கும்போது நாம் அவர்களுக்கு கொடுக்கவேண்டிய கௌரவத்தை கொடுக்கவேண்டும். அதுதான் அவர்களுக்கு நல்ல உற்சாகத்தை வழங்கி மேலும் சிறப்பாக விளையாட இன்னும் வழி அமைக்கும்.

பல திறமையுள்ள இளையவர்களை ஊக்குவிக்கும் தமிழ் ஊடகங்களே இந்த வீராங்கனைக்கு கொடுக்கவேண்டிய கௌரவம் வழங்கப்படாது இருப்பின் உடனடியாக அதை நிவர்த்தி செய்யுமாறு பணிவுடன் வேண்டுகிறேன்.

மனதை கனக்க வைத்த கிளைமாக்ஸ்கள்

2011-07-31T19:40:00.005+09:00

எப்பூடி வலைத்தளத்திருந்து நண்பர் ஜீவதர்ஷன் இந்த தொடர்பதிவுக்கு 2கிழமைக்கு முன் அழைந்திருந்தார். என்றாலும் அதன்பின்னரான நாட்கள் மிகவும் அலுப்பாக கழிந்தமையால் என்னால் உடனடியாக அவரது வேண்டுகோளை நிறைவு செய்யமுடியவில்லை. என்றாலும் ஒரு மாதிரியாக இப்போ நேரம் எடுத்து பதிவிடுகிறேன். தாமதத்திற்கு மன்னியுங்க சார்!

கடும் தமிழ் சினிமா ரசிகனான நானும் இற்றைவரை பார்த்த தமிழ்சினிமாக்கள் கணக்கிலடங்காதவை. ஆனாலும் பார்த்த ஏராளமான படங்களின் கதைக்கரு மட்டும் நினைவிலிருந்தாலும் காட்சிகளை சொற்ப காலத்திலேயே மறந்து விடுவேன். பார்த்த ஒரு சில படங்களை தவிர மற்றைய படங்களின் காட்சிகள் எல்லாம் மறந்து போய்விட்டேன். (நல்ல படங்களை கூட). எனக்கு நினைவிலிருக்கும் படங்களை கொண்டு இந்த பதிவை எழுத முயற்சிக்கிறேன். இந்த மூன்று படங்களை பற்றி எழுதவே அதிக இடத்தை பிடித்துக்கொண்டமையால் இவற்றுடனேயே நிறுத்தி கொள்கிறேன்.

இத்தொடர்பதிவை எழுத விரும்பினால் நிகழ்வுகள் கந்தசாமியையும், வானம் தாண்டிய சிறகுகள் ஜீ யையும் அழைக்கிறேன்.

அன்பே சிவம்

இதுவரை பார்த்த படங்களில் போற்றக்கூடிய என் மனதில் தாக்கத்தை ஏற்படுத்திய படங்களில் முதல் இடம் இந்தப்படத்திற்குதான் உண்டு. ஒருத்தன் வாழ்க்கை பற்றி நுண்ணறிவை பெறுவதற்கு கட்டாயம் பாக்க வேண்டிய படம். இந்தப்படத்தை படம் என்று சொல்வதிலும் ஒரு பாடம் (lesson) என்று சொன்னால் மிகப்பொருத்தமாகும் என நினைக்கிறேன். நான் A/L படிக்கும் காலத்தில் பார்த்து புல்லரித்த படம் இது. நான் வாழும் வாழ்க்கை சரிதானா என்று என்னையே கேள்வி கேட்க வைத்த படம். இந்த படம் பார்த்த பின்புதான் கொஞ்சமாவது மாறினேன் என்று பெருமை படுவதுண்டு. இந்த படத்தில் சுனாமி பற்றியும் கமலஹாசன் சொல்லியிருப்பார். இந்தப்படத்தின் கதை கமலஹாசனாலும் இயக்கம் சுந்தர்.Cயாலும் மேற்கொள்ளப்பட்டது. கமேர்ஷியல் இயக்குனரான சுந்தர்.C படத்தை சுவாரஸ்யமாக கொண்டு செல்ல உதவியிருந்தார். வித்தியாசகர் இசையாக படத்தில் வாழ்ந்திருப்பார்.

துடிப்பான இளைஞரான மாதவனும் வாழ்க்கையில் பல அடிபட்ட அனுபவசாலியான கமலஹாசனும் ஒரு விமான நிலையத்தில் சந்திப்பதோடு கதை ஆரம்பித்து உயிரோட்டமாக பயணிக்கிறது. ஆரம்பத்தில் கமலஹாசனின் பல தத்துவங்களையும் படிப்பினைகளையும் உதாசினம் செய்யும் மாதவன் பின்னர், கமலஹாசனின் பிளாஸ்பக் மற்றும் அவரின் உயரிய குணத்தை அறிந்து கொண்டு அவரின் அன்பிற்கு அடிமையாகிறார். தனது திருமணத்தில் கலந்து கொள்ளவும் அழைக்கிறார்.

அழைப்பையேற்று அங்கு சென்றபோதுதான் கமலஹாசனுக்கு மாதவன் திருமணம் முடிக்க இருக்கும் பெண் தான் தன்னை காதலித்த பெண் என்றும் அவளின் அப்பாவான வில்லன் நாசரால் ஏமாற்றப்பட்டிருப்பதும் தெரிய வருகிறது. எனினும் கமலஹாசன் அந்த திருமணத்தை குழப்பாது நாசரிடம் வெருட்டி தொழிலாளிகளுக்கு கிடைக்கவேண்டிய ஊதியத்தை பெற்றுக்காடுக்க வழிசெய்து விட்டு மாதவனுக்கு ஒரு கடிதத்தை எழுதிவைத்துவிட்டு புறப்படுகிறார். என்றாலும் கோபம்கொண்ட நாசார் கமலை கொல்ல சந்தான பாரதியை அனுப்புகிறார்.

அப்போ கமலை வெட்ட வந்து மனசு மாறுகிறார் சந்தான பாரதி. அப்போது ”உங்களுக்கு கடவுள் நம்பிக்கை இருக்கோ தெரியாது எனக்கு நிறைய இருக்கு.” என்கிறார். அப்போ கமல் ”எனக்கும் இருக்கு” என்று சொல்லும் தருணத்தில் ”எந்த சாமி?” என்று சந்தான பாரதி கேட்கிறார். அப்ப அவரையே காட்டி சொல்லும் வசனங்கள் மறக்க முடியாதவை. இந்த படம் என்னை வாழ்நாள் முழுவதும் பாதித்ததில் முதல் இடத்தில் உள்ள படம்.

காதல்

2004ல் வெளிவந்த மிகச்சிறந்த யாதார்த்த சினிமாவில் இதுவும் ஒன்று. பல புதுமுகங்களை கொண்டு இயக்குனர் சங்கர் தான் இயக்காமல் தயாரித்த முதல் படம் இது. படம் நல்ல பெயரை பெற்றதோடு மட்டுமில்லாமல் வர்த்தக ரீதியாகவும் மிகவும் சம்பாதித்த படம். நடிகை சந்தியா, வில்லன் நடிகர் தண்டபாணி, இசையமைப்பாளர் ஜோஸ்வா ஸ்ரீதர் என புதுமுகங்கள் அறிமுகமான படமாக இது இருக்கின்றது. படத்தில் ஜோஸ்வா ஸ்ரீதரின் இசையில் படங்கள் அனைத்தும் சூப்பர் ஹிட் எனினும் ”உனக்கென இருப்பேன்” என ஹரிசரன் பாடிய பாடல் மெகா ஹிட் ஆனது. இந்தபடமும் நான் A/L படிக்கின்ற காலத்தில் வந்திருந்தது. அதோடு பல சந்தர்ப்பங்களில் பாக்கவேண்டிய சந்தர்ப்பங்கள் நழுவி இறுதியாக பல்கலைக்கழகத்திற்கு வந்த பின்பே பார்க்க சந்தர்ப்பம் கைகூடி வந்திருந்தது.

படம் முழுக்கவே சோகமே இழையோடும் வகையில் செதுக்கப்பட்டிருந்தாலும் படத்தின் இறுதிக்காட்சிகள் அனைவரின் கண்களிலும் ஈரத்தை வரவழைக்கின்றன. ஏழை பரத்தும் பணக்கார வீட்டு பிள்ளை சந்தியாவும் வீட்டுக்கு தெரியாம சென்னை ஓடி வந்து சரியா கஸ்டப்பட்டு கல்யாணம் முடித்து இருக்கும்போது ஒருவாறு பெண்வீட்டார் கண்டுபிடித்து இருவரையும் கோரமாக பிரித்து விடுகின்றனர். அதன்பின் சந்தியா வேறொரு கல்யாணம் செய்து கொள்கிறார். பரத்தும் எப்பிடியாவது பிழைத்து ஒழுங்கா இருப்பார் என்று நினைத்து கணவனுடன் வாழ்ந்து வருகையில், வீதயில் பரத்தை ஒரு விசரனாக காண்கிறார்.

காதல் படத்தின் தெலுங்கு பதிப்பின் Climax. தமிழ் youtubeல் கிடைக்கவில்லை.

அப்படியே மோட்டார் சைக்கிளிலிருந்து மயங்கி விழுந்து ஆஸ்பத்திரியில் அனுமதிக்கப்படுகிறார். அங்கே ஒருவருக்கும் தெரியாமல் விசர் பரத்தை பார்க்க வீதிக்கு தேடி வருகிறார். பரத்தை கண்டதும் தனக்குதானே தலையிலடித்துக்கொள்கிறார். அப்போது சந்தியாவை தேடிவந்த கணவன் சந்தியாவை தலையில் தடவிக்கொடுத்து அனைத்தையும் உணர்ந்தவராக பரத்தையும் தங்களோடு சேர்த்து கூட்டி செல்கின்றர். இந்தப்படத்தை பொறுத்தவரை இறுதிகாட்சிகளாக முக்கியமாக மேலே குறிப்பிட்ட இரு காட்சிகளை சொல்லலாம். (பரத்தையும் சந்தியாவையும் பிரித்தது, சந்தியா பரத்தை விசரனாக கண்டு கொள்வது). இந்தக்காட்சிகளில் காணப்பட்ட யாதார்த்த தன்மைகளும் கவலை நிறைந்த காட்சிகளும் பலரது மனதில் சுமையை ஏற்படுத்தி விட்டு காதலினால் ஏற்படும் பிரச்சனைகளை உணர்த்தி நிற்கின்றது.

7G Rainbow Colony

நான் இங்கே தெரிவு செய்த இந்த படமும் மேலே குறிப்பிட்ட காலப்பகுதிகளுக்கு அண்மையில் வெளிவந்த படம்தான். 2004 ல் இந்தப்படம் வெளிவந்தது. காதல் கொண்டேன் பட வெற்றிக்கு பின்னர் இயக்குனர் செல்வராகவனால் திரைக்கதை எழுதி இயக்கி வெளிவந்த படம். தனது முதல் படத்தில் அறிமுகப்படுத்திய சோனியா அகர்வாலையே இந்தப்படத்திலும் ஹீரோயினாக பயன்படுத்தியிருந்தார். பின்னர் இவரே செல்வராகனின் காதலியாகவும் மாறி திருமணம் வரை சென்று இப்போது விவாகரத்தும் பெற்றிருக்கார். இந்தப்படத்தில் தயாரிப்பாளர் A.M.ரத்னத்தின் மகன் ரவிக்கிருஷ்ணா ஹீரோவாக அறிமுகமாகி தனது இயல்பான நடிப்பால் அனைவரையும் கவர்ந்து Filmfare விருதையும் பெற்றிருந்தார். இவரது கீச்சிடும் குரல்தான் இவரது முக்கிய சிறப்பம்சமாக எனக்கு படுகிறது.

இந்தப்படமும் காதல் படம்போலவே நடுத்தர குடும்பத்தை சேர்ந்த ஹீரோவுக்கும் பணக்கார ஹீரோயினிக்குமான காதல்கதைதான். ஆரம்பத்தில் கலகலப்பாக இளமை துடிப்புடன் செல்லும் இந்தப்படத்தில் இப்படியொரு serious ஆன சோக காதல் கதை வரும் என்று படம் தொடங்கிய சந்தர்ப்பத்தில் சொல்வது கடினமாக இருந்திருக்ககூடும். ரவிக்கிருஷ்ணாவுக்கும் சோனியா அகர்வாலுக்கும் இடையில் ஆரம்பத்தில் மோதலில் ஆரம்பித்த சந்திப்புக்கள் பின் காதலாக மாறிவிடுகிறது. ஆனால் சோனியா ஏற்கனவே இன்னொருக்கு நிச்சயிக்கபட்டு இருந்திருந்தாள். இவர்களின் காதலை அறிந்து சம்மதிக்காத ஒரே colonyல் இருந்த பெண்வீட்டார் பின் வேறு இடத்திற்கு மாறிவிடுகின்றனர்.

எனினும் அந்த வீட்டிலிருந்து வெளியேறி ரவிக்கிருஷ்ணாவை ஹோட்டல் அறையில் சந்திக்கிறார் சோனியா. இந்த ஒருநாள் ரவிக்கிருஷ்ணாவுடன் கழித்ததே போதும் வீட்டை எதிர்த்து சொல்லாமல் ஒடிசென்று திருமணம் செய்ய முடியாது என்று கூறுகிறார் சோனியா. இவ்வாறு கதைவழிப்பட்டுக்கொண்டு சோனியா வீதியை கடக்கும்போது லாறியுடன் கோர விபத்துக்குள்ளாகிறார். அதை பார்த்த ரவியும் சம்ப இடத்திற்கு போக எத்தனிக்கையில் விபத்துக்குளாளகிறார்.

நினைவு திரும்பி எழும்பி நண்பர்களிடம் சோனியாவை பற்றி கேட்கிறார் ரவிக்கிருஷ்ணா. அவர்கள் நன்றாக இருக்கிறார் என்று பொய் சொன்னபோதும் அவள் இறந்ததை அறிந்து கொள்கிறார். சோனியாவின் தந்தைக்கும் உங்கள் மகளை தானே நண்பியின் கல்யாணம் என்று பொய் சொல்லி வரவழைத்ததாகவும் கூறுகிறார். பின் சோனியாவின் இழப்பை தாங்க முடியாமல் பலமுறை தற்கொலை முயற்சிசெய்தபோதும் அவை வெற்றி தரமால் சோனியாவே ஆவியாக வந்து இப்படியான முயற்சிகளை கைவிடகோருவதாக உணர்ந்து, அவளுடன் தொடர்ந்து சந்தித்து பேசுவதாக நினைத்தே வாழ்ந்து வருகிறார் ரவிகிருஷ்ணா.

இந்த படத்தை செல்வராகவன் எடுத்திருந்த விதமும் யுவன் சங்கர்ராஜவின் பாடல்களும் பின்னணி இசையும் படத்தை சோகத்தின் மறு உருவமாக இறுதி கட்டங்களில் மாற்றியிருந்தது.

தெய்வத்திருமகள் - திரைப்பார்வை

2011-07-16T07:37:00.003+09:00

வழமை போல இந்த திரைப்பார்வையிலும் படத்தின் கதை ஒரு துளியளவேனும் சொல்லப்படவில்லை. விமர்சனம் என்ற பெயரில் படக்தையை திருப்பி சொல்ல எனக்கு தெரியாது. அது விமர்சனமும் ஆகாது. படத்தின் கதை இதில் இல்லையே எனக்குறைபட்டு கொண்டால் அதற்கு நான் பொறுப்பாளி இல்லை. படத்தின் நிறைகுறைகள் எனது பார்வை மட்டுமே எனது விமர்சனத்தில் வருகின்றது.

விக்ரம் Baby Sara

தமிழ் சினிமாவில் வெளிவரும் படங்களில் சில படங்களை பார்க்கும்போதும் அதற்கு விமர்சனம் எழுதும்போதும் அவை எங்களை பெருமைப்பட வைக்கும். அப்படியான ஒரு படம்தான் தெய்வத்திருமகள். இதற்கு விமர்சனம் எழுத கிடைத்ததே ஒரு பாக்கியம் ஒரு பெருமை.

ஆரம்பத்தில் வெளிவந்த ரெயிலர்கள், ஜீவி.பிரகாஸ்குமாரின் இசையில் பாடல்கள், இயக்குனர் விஜய் (மதராசப்பட்டினம் பாதிப்பின் பின்)+ விக்ரம் படம் என்ற காரணங்களால் இந்த படம் பற்றிய பலத்த எதிர்பார்ப்புக்கள் நாளுக்கு நாள் படத்தின் வெளியீடு தள்ளிதள்ளி போயும்கூட ரசிகர்கள் மத்தியில் அதிகரித்துக்கொண்டேயிருந்தது. இயக்குனர் விஜயின் இதற்கு முந்தைய 3படங்களும் போதிய வரவேற்பை பெற்ற போதும் ஆகா ஓகோ என போற்றப்பட்டது மூன்றாவதாக வந்த மதராசப்பட்டினம்தான். எனவே நாலாவது படமான இதற்கு எதிர்பார்ப்பு பெரிதாக கிளம்பியதில் ஆச்சர்யப்பட ஒன்றுமில்லை.

சினிமாவில் முக்கியமாக உள்ள ஒவ்வொரு துறையிலும் சிறப்பு நிபுணத்துவம் பெற்ற ஆட்களை கொண்டே இந்தபடம் நேர்த்தியாக இயக்குனர் விஜயால் தொடங்கப்பட்டது. நடிப்புக்கு விக்ரம், காமடிக்கு சந்தானம், ஒளிப்பதிவுக்கு நீரவ்ஷா, படத்தொகுப்புக்கு அன்ரனி, இசைக்கு ஜீவி.பிரகாஸ்குமார், பாடல்களுக்கு நா.முத்துக்குமார் என்று முன்னிலையில் இருப்பவர்களையும் மேலும் பல நடிகர்களையும் சிறப்பாக ஒருங்கிணைத்து தமிழ்சினிமாவில் வந்த மிகச்சிறந்த படங்களில் ஒன்றாக தெய்வதிருமகளை தந்துள்ளார் இயக்குனர் விஜய். இந்த படத்திற்கு நிச்சயமாக, குறைந்த பட்சம் ஒரு தேசியவிருதாவது கிடைக்கப்போவது உறுதி.

இயக்குனர் சிகரம் கே.பாலச்சந்தர் என்று நினைக்கிறேன் ஒரு பேட்டியி்ல் ”தமிழ்சினிமாவில் தற்போது இயக்குபவர்களில் உங்களுக்கு பிடித்த இயக்குனர்கள் யார்?” என்று கேட்டபோது இயக்குனர் விஜயின் பெயரையும் வேறு சிலரோடு சேர்த்து சொல்லியிருந்தார். மேலும் ”மதராசப்பட்டிணம்” போன்ற படத்தை என்னால் என்ன செய்தும் எடுக்க முடியாது என்றும் கூறியிருந்தார். தெய்வதிருமகளை பார்த்தபின் பாலச்சந்தர் நிச்சயம் அப்படி சொன்னதுக்கு பெருமைப்பட்டு தனது கொலரை தூக்கிவிட்டுக்கொள்வார்.

இயக்குனர் விஜய் விக்ரம்

எழுத்தோட்டம் ஆரம்பிக்கும்முன் ”இந்தப்படத்தில் மிருகங்கள் துன்பப்படுத்தப்படவில்லை” என்றும் அறியதந்து படத்தை ஆரம்பிக்கின்றனர். சிலர் இந்தப்படத்திற்கு ஏன் இப்படி போட்டனர்? அப்படியான காட்சிகள் இல்லைதானே என்று யோசித்திருக்ககூடும். படத்தில் சின்னஞ்சிறு குருவிக்குஞ்சு நிலத்தில் விழுந்து அதை பூனை கடிக்க முயல்வது போலவும் பின் அது காப்பாற்றப்பட்டு கூட்டில் விடப்படுவது போலவும் ஒரு காட்சி வருகின்றதல்லவா அது Graphics துணை கொண்டு உருவாக்கப்பட்ட காட்சியாக இருக்கலாம். யாரவது வழக்கு கிழக்கு போட்டு தங்களை பிரச்சனையில் மாட்டிவிடக்கூடாது என்பதற்கு முன் எச்சரிக்கையாகவே இப்யடியான வாசகத்தை போட்டிருக்கலாம்.

”டாக்டர்” சியான் விக்ரம் என வரும் எழுத்தோட்டத்தை இந்த படத்தில்தான் முதன்முதலில் பாக்கிறேன். (இரவணன் படத்தில் இவ்வாறு போடப்பட்டதா? எனக்கு தெரிந்தவரை இல்லை)

இந்தப்படத்தின் முதல்பாதி மிகவும் அருமையாக நெஞ்சை தொடும் வகையில் sentimental காட்சிகளாக நிறைந்து ஆனால் அலுப்படிக்காது மெதுவாக நகருகின்றது. அடுத்தபாதி சற்று வேகமாக சுவாரஸ்யமாக சென்று மீண்டும் sentimental காட்சிகளுடன் சங்கமிக்கிறது. படத்தில் சில இடங்களில் பெரிய Logic மீறல்கள் இருக்கின்றபோதிலும் யாரும் அதை பெரிது படுத்த முயல்வார்களாயின் சினிமாதான் இது என்று புரியாதவர்கள் முட்டையில் மயிர் புடுங்குபவர்கள் என்றுதான் அர்த்தம்!

ஆங்கில உபதலைப்புக்களுடன் (English Subtitles) படம் வெளிவந்தமையால் இயக்குனர் விஜய் இப்படத்தை வேறு நாட்டு திரைப்பட விழாக்களுக்கும் Oscar Awards Nomination போன்றவற்றிக்கும் அனுப்புவார் என்ற ஊகத்தை கிளப்புகிறது. (Oscar போட்டிக்கு தகுதிபெற அந்தப்படம் English Subtitlesடன் வெளியிடப்பட்டிருக்கவேண்டும். இல்லாவிடில் போட்டியில் கலந்து கொள்ள முடியாது). எனினும் இந்தப்படம் வேறு ஒரு வெளிநாட்டு படத்தின் தழுவல் என்பதால் எவ்வாறாக பாக்கப்படும் என்பது தெரியவில்லை.

நடிப்பில் இருவர் அனைவரின் நெஞ்சத்தையும் தொட்டு நிற்கின்றனர். விக்ரமும் சிறுபிள்ளையாக வரும் Baby சாராவும்தான் அவர்கள். பின்னி பிடலெடுத்து பட்டையை கிளப்பிவிட்டனர். இருவருக்கும் தேசியவிருது கிடைக்கும் வாய்ப்புக்கள் உள்ளது. விக்ரம் மீண்டும் தான் சிறந்த நடிகர் என்பதை உறுதிப்படுத்த, சிறுமி சாரா முகபாவத்தில் காட்டும் சுக துக்கங்கள் வியக்கவைக்கிறது. இந்தளவு சிறு வயதில் இவ்வளவு திறமையா? அழகிய செந்தழிப்பான பால்வடியும் இந்தக்குழந்தையின் முகத்தைபார்த்தாலே துன்பங்கள் பறந்தோடிவிடும் போல தெரிகிறது.

அனுஷ்கா விக்ரம்

படத்தில் இரு நாயகிகள் எனினும் அனுஸ்காவின் வேடம் மட்டுமே கனதியானது. வந்தவேலையை செவ்வனே முடித்து செல்கிறார். அமலாபாலுக்கு முக்கியமற்ற பாத்திரம் என்பதால் சும்மா இடைக்கிடை காட்சிகளில் வந்து போகிறார். இவரின் பாத்திரப்படைப்பு பெரிதாக எடுபடவில்லை. வழமைபோலவே மாப்பிள்ளை வேடத்தில் கார்த்திக்குமார். (ஆனா இந்தமுறை வெளிநாட்டு மாப்பிள்ளை இல்லை). நல்ல நடிகாரான இவருக்கு இப்படி மிகச்சிறிய வேடங்கள் கொடுப்பது எனக்கு சரியாக படவில்லை . (விஜயின் 2வது படமான பொய்சொல்லப்போகிறோமில் இவருக்கு முக்கிய ஹீரோ வேடம் கொடுத்தமையாலோ என்னவோ இதில் இவரை கௌரவ வேடம் போல் பயன்படுத்தியுள்ளார் இயக்குனர் விஜய்).

அமலா பால்

முதல்பாதியில் சந்தானம் வந்த காட்சி மிகச்சிறிய அளவே என்பதால் தனது வழமையான மொக்கைகளை முதலில் ஒழுங்காக போடமுடியாது போயிருந்தாலும் பிற்பாதியில் சரியான Seriousஆன நேரங்களிலும் பலரையும் கலாய்த்து படத்தை கலகலப்பாக கொண்டு செல்ல பெரிதும் உதவியிருக்கிறார். ஆரம்பத்தில் கொஞ்சக்காட்சியில் வந்தாலும் சிரிப்புக்களை வரவைக்கிறார் பிளாக் பாண்டி. MS.பாஸ்கர் மற்ற படங்களில் வருவதைப்போலல்லாது கொஞ்சம் serious ஆக வருகிறார். YG.மகேந்திரனின் பாத்திரத்தில் ஆரம்பத்தில் வசனங்கள் இல்லையே என்று சொல்லுமளவிற்கு இருந்தாலும் முகபாவத்தால் பாத்திரத்தின் குணவியல்பை வெளிப்படுத்துகிறார். இறுதிக்கட்டங்களில் மட்டும் கொஞ்சம் பேசுகிறார். நாசர் வழமைபோல நடிப்பில். அனுஸ்காவின் நண்பியாக வருபவர் பச்சையாக சொன்னால் ”ஒரு நல்ல பிகர்”.

MS.பாஸ்கர் விக்ரம் பாண்டி

பாடல்கள் ஏலவே வெளிவந்து அனைத்தும் மக்கள் மனதில் இடம்பிடித்திருந்து. விக்ரத்தை 2பாடல்கள் பாடச்செய்தது மட்டுமல்லாது அந்த பாடல்களை சூப்பர்ஹிட் ஆக்கிய பெருமை இசையமைப்பாளர் தேவிசிறி பிரசாத்தை (கந்தசாமி படத்தில் DSPன் இசையில் விக்ரம் பாடியது நினைவிருக்கலாம்) போல் GV.பிரகாஸ்குமாரை சாருகின்றது. இந்தப்பாடல்களில் GV.பிரகாஸ் பாடிய ”வெண்ணிலவே” பாடலே எனக்கு மிகவும் பிடித்திருந்து. ”யாத்தே யாத்தே” பாடலுக்கு பின் GV உருகி உருகி பாடிய பாடல்இது. SP. பாலசுப்பிரமணியத்தின் குரலில் ”ஜகிடதோம்” பாடல் பலருக்கு உத்வேகத்தை புதுசக்தியை அளிக்ககூடிய பாடலாக இருக்கிறது. முத்துக்குமாரின் வரிகள் பாடலுக்கு இன்னும் வலுச்சேர்க்கின்றது. பெரும்பாலான இடங்களில் படத்தின் Theme Music, Background scoreஆக வந்து செவிகளை இனிமையாக்குகின்றது.

இந்தப்படதத்தின் காட்சிகள் முழுவதும் உள்நாட்டிலேயே எடுக்கப்பட்டதாலும் பெரிய தொழில்நுட்பரீதியாக காட்சிகள் தேவைப்படாததன் காரணமாகவும் ஒளிப்பதிவாளர் நீரவ்ஷா தனது தனிமுத்திரையை இந்தப்படத்தில் பதிக்கமுடியாமல் போய்விட்டது. Editor அன்ரனி படத்தை சலிப்படையாமல் தொகுத்ததிற்கும் ”ஒரே ஒரு ஊரில” பாடலில் வரும் கிரபிக்ஸ் காட்சிகளிற்கும் ”விழிகளில் ஒரு” பாடலில் வரும் எடிட்டிங்கிலும் பயன்பட்டிருக்கிறார்.

சுருங்ககூறின் தெய்வத்திருமகள் = ONE OF THE ASSETS IN TAMIL CINEMA

வேங்கை - திரைப்பார்வை

2011-07-08T01:36:00.006+09:00

அண்மையில் எதிர்பார்த்து தியேட்டருக்கு போன படங்களில், சொதப்பிய இன்னுமொரு படம்தான் வேங்கை. இயக்குனர் ஹரியின் இயக்கத்தில் வெளிவந்தமையால் பலத்த ஆர்வம் இருந்தது. ஹரியின் கடைசி படமான சிங்கத்தின் வெற்றிக்கு பின்னர் மீண்டும் ஒரு நல்ல படம் கொடுப்பார் என்ற எதிர்பாப்பை குலைத்து விட்டது வேங்கை. பாவம் ”மாப்பிள்ளை” என்ற அலுப்பு படத்தின் பின் எதிர்பாத்திருந்த தனுஷையும் இது ஏமாற்றிவிடும் போல தெரிகிறது.

அருவாள் செயின் கத்தி கம்பு வெட்டு குத்து போன்றவற்றி்க்கு பெயர் போன இயக்குனர்தான் ஹரி. ஆனாலும் இவ்வாறான அம்சங்கள் இவரின் படங்களில் நிச்சயமாக வந்தாலும் படத்தில் இவர் கையாளும் வேகம் சுவாரஸ்யம் அதிரடி காரணமாக இவரின் பெரும்பாலான படங்கள் சொதப்பாது நல்லாகவே இருக்கும். ஏன் அண்மையில் வெளிவந்த சிங்கம் படமும் மேல் சொன்ன பாணியில் வந்து மிகமிக வேகமான திரைகதை ஓட்டத்தின் காரணமாக பெரும்பாலானவர்களிடையே வரவேற்பை பெற்றிருந்தது. (பெண்கள் வயது முதிந்தவர்களை மிகவும் கவரவில்லை என்பது உண்மையானது)

எனவே வேங்கையும் அதே பாணியில்தான் வரும் என்பது படம் பாக்க போன எந்த பயபுள்ளைக்கும் தெரிந்திருந்தது. ஆனாலும் 2 1/2 மணி நேரமும் சலிப்பாக இருக்காதென்ற உத்தரவாதம் ஹரி என்ற பெயருக்கு இருந்திருந்தது. முதல் அரைவாசியில் பெரும்பகுதி வெறும் இழுவை + கஞ்சா கறுப்பின் விசர் காமடி + தமன்னா தனுஷ் இடையே வழமையான தமிழ்சினிமா பாணியிலான காட்சிகளுடன் சென்று இடைவேளைக்கு சற்று முன்னர் நல்ல வேகத்துடன் ஆரம்பிக்க தொடங்குகிறது. பின்னர் அந்த வேகம் எதிர்பார்ப்பை திருப்தி செய்யாம அங்க இங்கயெண்டு நேர்த்தியற்ற திரைக்கதையால் திசை திருப்பப்பட்டு எங்க போனதெண்டு தெரியாம மழுங்கடிக்கப்பட்டுவிட்டது. வீணாக தமன்னாவின் கதையில் டுவிஸ்டு வைக்கிறம் எண்டு புகுத்தப்பட்ட கதை படத்துடன் ஒட்டவில்லை. மாறாக படத்தின் யதார்த்த தன்மையை முற்றிலும் குலைக்கின்றது.

பஸ்ஸில போகேக்க காணுற பொண்ணுக்கு பின்னால போய் தனுஷ் காதலிக்க முயல்வது வழமையான தமிழ் சினிமா. அதுல அதுக்கு ஒரு பிளாஸ்பக். சலிக்க வைக்கிறது. தனுசிற்கு இந்த மாதிரியான முழுமையான ஆக்சன் ஹீரோ சப்ஜெக்ட் பெரிசா ஒத்து வரும்போல தோன்றவில்லை. சில ஆக்ரோசமாக வரவேண்டிய காட்சிகளிலும் மென்மையாக பேசுகிறார். மற்றும்படி வழமைபோல சேவ் செய்யாத அரும்பல் தாடி அதே நடை உடை பாவனையுடன். தமன்னா இடையிடையே சும்மா வந்து போவதால் படத்தில் இருக்கிறார் என்று தெரிகிறார். வடிவேல் இல்லாத ஹரியின் படங்கள் நகைச்சுவையில் தொய்வுதான் என்பதை இந்த படமும் உணர்த்துகிறது. கஞ்சா கறுப்பு கடுமையா கஸ்டப்பட்டு முயன்றாலும் ஒரு சில நகைச்சுவைகளை தவிர மற்றதெல்லாம் பழைய குருடி கதவை திறடி என்கிற கதைதான்.

ராஜ்கிரண் வீரமான வழமைபோல பொறுப்பான அப்பாவாக வந்து போகிறார். பிரகாஸ்ராஜ் கர்ஜிக்கிறார். ஊர்வசி, பறவைமுனியம்மா போன்றோருக்கு கதையில் முக்கியமில்லை என்பதால் போதிய காட்சிகள் இல்லை. ஆனாலும் தனுஷின் தங்கையாக வரும் நடிகை ஸ்றித்திகா ஜொலிக்கிறார் அழகாக தெரிகிறார். இவர் ”மதுரை to தேனி வழி ஆண்டிப்பட்டி” எனும் படத்தில் கதாநாயகியாகவும் நடித்துள்ளாராம்! (ஆனால், இவரை நான் தொலைக்காட்சி நிகழ்ச்சி தொகுப்பாளினி, நடிகை அம்மு என்றே பிழையாக அடையாளங்கண்டு முதலில் பதிவிட்டிருந்தேன். அந்த பிழையை சுட்டிகாட்டி உறுதிப்படுத்தி திருத்திய நண்பர் நிராதன் அவர்களுக்கு மிக்க நன்றிகள்).

ஸ்றீத்திகா

படத்தின் இன்னுமொரு பிளஸ் பொயிண்ட் என்றால் அது பாடல்கள்தான். தேவிசிறிபிரசாத்தின் இசையில் பாடல்கள் முதலேயே நல்ல வரவேற்பை பெற்றிருந்தது. ஆறு, சிங்கம் ஆகிய படங்களை தொடர்ந்து மூன்றாவது தடவையாக ஹரியின் படத்துக்கு இசையமைக்கும் வாய்பை பெற்றிருக்கிறார் தேவிசிறிபிரசாத். (ஒரே பாணியிலேயே DSP இசையமைப்பதால் இவரை எனக்கு பிடிக்காத போதிலும் இவரின் மன்மதன் அம்பு, வேங்கை பாடல்கள் என்னையும் நன்றாகவே கவர்ந்திருக்கின்றது). படத்தின் திரைக்கதை படத்தை தூக்கிவிடாவிட்டாலும் பாடல்கள் அந்த வேலையை செய்ய முனைத்திருக்கிறது. கார்த்திக்கின் குரலில் ”காலங்காத்தால” பாடல் பலரின் விருப்ப பாடலாக தற்போது மாறியுள்ளது.

சுருங்ககூறின் இந்தபடம் Typical ஹரியின் அம்சங்கள் இருந்து கொண்டு சொதப்பிவிட்ட ஒரு படம். இளைஞர்களுக்கு சும்மா கடமைக்கு பாக்கலாம் ரகம் சற்று பெரியவர்களுக்கு ”ஆளைவிடுடாசாமி” என்னும் ரகத்திலான படம்.
பாவம் சீறிப்போட்டு அடங்கிவிட்டது இந்த வேங்கை.

அவன் இவன் - திரைப்பார்வை

2011-06-18T04:33:00.003+09:00

இந்த படத்தை பற்றி பாக்க முதல் தற்போது உள்ள காலகட்டத்தில் (சனல் நான்கு வீடியோ காட்சிகள் வெளிவந்து பலரது மனங்கள் மீண்டும் புண்ணான நேரத்தில்) இந்த நாதாரி இந்த விமர்சனம் எழுதுறது அவசியமா? அதபற்றியும் எம்மக்கள் பட்ட துன்பங்கள் பற்றியும் சொல்லாம பொழுதுபோக்கில் திளைத்திருக்கிறானே என்று யாராவது கேட்டால் அவர்களுக்கு இங்கே அங்கே. கத்தவேண்டிய நேரத்தில் கத்தாம இப்ப கத்தி பிரயோசனம் இல்ல எண்டு நினைக்கிறன். எப்ப கத்தினாலும் முடிவு ஒண்டுதானே என்று நீங்கள் சொல்லுறதும் புரியுது

---------------------------------------------------------------------------------

வழமையாக சில இயக்குனர்களின் படங்கள் வெளிவர முன்பே பெரிய எதிர்பார்ப்பை ஏற்படுத்திவிடும். அந்த வரிசையில் பாலாவின் படங்கள் முன்னிலையில் நிற்கின்றன. வித்தியாசமான கதைக்களங்கள், மாறுபட்ட திரைக்கதைகள், விசித்திரமான பாத்திரப்படைப்புகள் போன்றன மற்றய இயக்குனர்களிடமிருந்து பாலாவை வேறுபடுத்தி காட்டும் அவரின் படங்களின் சிறப்பியல்புகள்.

இலங்கையில் வியாழன் இரவே VIP showற்காக வெளியிடப்பட்டிருக்க வேண்டிய அவன்-இவன் படம் வெள்ளி காலையில்கூட வெளியிடப்படாமல் இரவு7.30 மணியளவிலேயே VIP showஆக தெகிவளை Concord திரையரங்கில் வெளியிடப்பட்டது. (சுங்க அதிகாரிகளிடமிருந்து றீல்ஸை பெற்றுக்கொள்வதில் ஏற்பட்ட சுணக்கம்தான் இந்த தடங்கலுக்கு காரணமென திருகோணமலையிலிருந்து நண்பர் நிறாதன் தியெட்டர் உரிமையாளர் மூலமாக உறுதிப்படுத்தியிருந்தார்). அதன்பின்னர் முதலாவது Normal show இரவு10.30க்கு போடப்பட்டது. அந்தகாட்சியை பாக்கும்வாய்ப்பே எனக்கு கிடைத்தது.

பலர் நேற்றைய காலை, மதிய, மாலை பொழுதுகளில் படத்தை எதிர்பார்த்து தியெட்டர் சென்று ஏமாந்திருந்தமையால் இரவுப்பொழுதில் படம் வெளியிடப்படும் என்று பலர் ஊகித்திருக்கவில்லை. அதோட VIP showவே 7.30கெண்டா அதுக்கு பிறகு படம்போடுவாங்களோ என்று பலருக்கு குழப்பமோ தெரியாது முதலாவது காட்சிக்கு வெறும் 30பேரளவிலேயே வந்திருந்தனர். முதலாவது காட்சியை இவ்வாறு இலகுவாக பாத்தது இதுதான் முதல்தடவை. மொக்கை படங்களுக்கே முதலாவது காட்சி நல்லூரில் ரதோற்சவம் போன்றுதான் இருப்பது இப்ப மட்டும் கேபியு போட்ட வீதி மாதிரி கிடந்தது.

படப்பிடிப்பின்போது ஆர்யா விஷால் பாலா

வித்தியாசமா எடுக்கிறன் வித்தியாசமா எடுக்கிறன் எண்டு பல அருவருக்கதக்க கொடுர காட்சிகளையும், உருக்கமாக இருக்கவேண்டும் என்பதற்காக மிகவும் கவலை தோய்ந்த கதைகளையும், மாறுபட்ட பாத்திரப்படைப்புகளுக்காக சமூகத்தில் உள்ள வித்தியாசமானவர்களையே பாலா தனது படங்களில் தொடர்ச்சியாக பயன்படுத்தி வந்தது எனக்கு அண்மைக்காலதத்தில் சலிப்பை ஏற்படுத்தியிருந்தது. அதோடு கிட்டத்தட்ட பிதாமகன் பாணியிலான அவன் இவன் படத்தின் போஸ்டர்களும் இந்தமுறையும் இவர் தனது அதே பாணியைதான் தரப்போகிறார் என்று சொல்லாமல் சொல்லி இந்த படம் சூப்பரா இருக்கும் என்ற எனது நம்பிக்கையை ஆரம்பத்திலேயே தகர்த்திருந்தது. என்றாலும் பாலா என்ற மாயையால் எதுவும் நடக்காலம் என்ற ஒருசிறு நம்பிக்கையோடுதான் படம் பார்க்க சென்றேன்.

ஆனால் பலரது எதிர்பார்ப்புக்களை பாலா இந்த படம் மூலம் சிதைத்து விட்டார் போலதான் எனக்கு படுகிறது. வழமையான பாலாவின் படங்களில் இருக்கும் முக்கியமான நல்ல கதைக்கருவை இதில் காணவே முடியிவில்லை. இதுதான் இந்த படத்தின் மிக முக்கிய பலவீனம். ஏதொ தன் பாட்டில அது போற போக்கில சும்மா போகுது. என்ன சொல்ல வருவதற்கு (ஒரு சின்னகரு) இப்பிடி கஸ்டப்பட்டார் என்பது எனக்கு புரியாத புதிராகவே உள்ளது. இல்லை பாலா சொல்ல வந்ததை யதார்த்தமாக சொல்லியிருக்கார் சும்மா குறை சொல்லுறது சுலபம் என்று யாரும் சொல்வார்களாயின், அப்படியென்றால் அதற்கெதுக்கு பாலா? இப்ப புதுசா வாற இயக்குனர்களே இலகுவாக சொல்லிவிடுவார்களே என்ற கேள்வியே எழுகிறது.

ஆனால் ஒட்டுமொத்தமாக படத்தை சரியில்லை என்று சொல்ல முடியாது. ஆனால் பரவாயில்லை ரகம்தான். முதல்பாதி கலகலப்பாக செல்கிறது. இரண்டாம்பாதி கொஞ்சம் வேகத்தோடு கலகலப்பாக செல்கிறது. சொல்ல வந்ததை சொல்ல இப்பிடி மினக்கெட்டு படம் எடுக்க தேவையில்லை என்பது ஒரு புறம் இருக்க கடைசியில் வந்த பல காட்சிகள் தேவையற்று வேண்டுமென்றே கதையை சொல்லி முடிக்க உருவாக்கப்பட்டது போல உணர்வை தருகின்றது.

ஜனனி ஐயர்

வழமை போல இந்த படத்திலும் நடிகர்கள் தங்கள் வித்தியாசமான நடிப்பு திறனை பட்டை தீட்ட களம் அமைத்து கொடுத்திருக்கிறார் இயக்குனர் பாலா. விசால் முதல் முறையாக தனது நடிப்பு திறனை காட்ட சந்தர்ப்பம் கிடைத்த படமாக இதைக்கொள்ளலாம். வாக்கு கண்ணுடையவராகவும் வாய் ஒரு மாதிரி இழுத்தவர் போலவும் வந்து தன்னாலும் நடிக்க முடியும் என்று கூறியிருக்கிறார். ஆர்யாவிற்கு அவ்வளவு கடினமில்லாத பாத்திரம்தான் என்றாலும் கலகலப்பாக படம் செல்வதற்கு இவரது பங்கும் மிக முக்கியமானது. பிறவுண் கலரான ஒட்ட முடி வெட்டப்பட்டவராக வருகிறார். (ஒரு கேள்வி ஏன் பாலாவின்ர படத்தில மட்டும் இப்பிடி வித்தியசமான பாத்திரங்கள் ஏன் சும்மா சாதராண ஆள் மாதிரி இருந்தா அது செல்லாதா? ஏன் வித்தியாமா காட்டோணும் எங்கிறதுக்காண்டி கழுத்து இழுத்த மாதிரி கண் இழுத்த மாதிரி பிறவுண் தலைமயிர் etc etc ஏன் ஏன்?)

மது சாலினி

ஆர்யா விஷாலுக்கு அடுத்ததாக முக்கிய பாத்திரமாக ஜமீன்தாராக வருகிறார் GM.குமார். பலபடங்களில் இவர் தோன்றியிருந்தாலும் இந்தப்படத்தில் இவரது பாத்திரம் பேசப்படும்படியாக இருக்கிறது. அம்மணமாக இவர் காட்சியில் காட்டப்பட்டது தேவையற்ற ஒன்று. அதன் அவசியதன்மை அந்த இடத்தில் இல்லவே இல்லை. சும்மா வித்தியாசமா செய்யோணும் எண்டு பாலா செய்தார் போலவே தெரிகிறது. பாத்திரத்திற்கான கனதியில் ஹிரோயின்கள் இருவரும் இல்லாதிருப்பதால் அவர்களின் நடிப்பு திறன் இந்த படத்தில் வெளிப்படவில்லை. ஆனால் சற்று கூடுதலான நேரம் வரும் ஜனனி ஐயரின் நடிப்போ பெரிசாக எடுபடவில்லை. செயற்கைதனம் கூடுதலாக தெரிகிறது. மற்றைய நடிகை மதுசாலினுக்கோ திரையில் தோன்றும் நேரம் மிக குறைவு. ஆனால் ஜனனிஐயரை விட நடிப்பிலும் அழகிலும் இருபடி மேல்தான்.

குண்டுபையன் ஆர்யா GM.குமார் விஷால்

அம்மாவாக வரும் அம்பிகா வீரமான ரவுடி அம்மாவாக வந்து கலக்கியிருக்கிறார். குரலையும் முக வெட்டையும் பார்க்கும்போது அப்பாவாக வருவது Vijay TV Super Singer Voice Expert அனந் வைத்தியநாதன்போல தெரிகிறது. சும்மா கதையோடு ஒட்டாது பயணிப்பது போல வந்து போகிறார். (வேறு நல்ல குணச்சித்திர நடிகர்கள் இல்லையா? ஏன் சும்மா வேறு துறைஆக்களை புதுசா இங்க கொண்டுவந்து வீணாக்கிறீங்க பாலா?). இந்த படத்திலே மிகமுக்கியமான கண்டுபிடிப்பு நண்பனாக வரும் குண்டு பையன்தான். சிறந்த முறையில் காமடியாக இயல்பான நடிப்பை வெளிப்படுத்தி இருக்கும் இவருக்கு இனி வாய்ப்புக்கள் குவியும்.

மது சாலினி

யுவன்சங்கர் ராஜாவின் இசையில் பாடல்கள் வெளிவந்து மெகா கிட் என்றில்லாது விடினும் ஏலவே பிரபல்யம் அடைந்திருந்தது. ”ராசாத்தி போல” பாடல் பலரால் விரும்பிய பாடலாக இருந்திருந்தது. ஆனால் அல்பத்தில் வந்ததை விட சில இடங்களில் மாற்றங்களுடன் திரையில் பாடல் புதுசாக வந்திருந்தது. அத்துடன் அந்த நல்ல பாடலை இரு துண்டுகளாக்கி வழங்கி அந்த பாடலை continuous ஆக கேட்பதில் உள்ள சுகத்தை கெடுத்துவிட்டார் பாலா. மேலும் அல்பத்தில் உள்ள Junior Super Singer பாடிய பாடல் உட்பட இரு பாடல்கள் படத்தில் பயன்படுத்த படவே இல்லை.

மொத்தத்தில் ஒழுங்கான திரைக்கதை இல்லாமல் படம் கன்னா பின்னாவெண்டு சும்மா போனாலும் வழமையான பாலாவின் படங்களை போல பாத்திர படைப்பின்சிறப்பு, திறமையான இயக்கம் போன்றவற்றிற்காக "சும்மா பரவாயில்லை பாக்கலாம்" என்ற ரகத்தை அவன்-இவன் படத்திற்கு கொடுக்கலாம்.

திரைதகவல் பெட்டகம்-VI (பாடகர் பாலக்காடு ஸ்ரீராம் சிறப்பு)

2011-06-12T01:00:00.001+09:00

எனது கடந்த ஸ்ரீராம் பார்த்தசராதி பற்றிய பதிவில் பிழையான குழப்பான தகவலொன்றை தந்திருந்தேன். பாடகர் பாலக்காடு ஸ்ரீராமை பாடகி ஸ்ரீலேகா பார்த்தசாரதியின் கணவர் என்பது போல சொல்லியிருந்தேன். நேரடியாக அவ்வாறு சொல்லாவிடினும் இவர் பாடிய பாடல்கள் மூலமாக நான் சொன்ன தரவுகள் உங்களுக்கு பிழையான விளக்கத்தை பெற்று தந்திருக்க கூடும். பின் அந்த பிழை லோசன் அண்ணாவினால் சுட்டிக்காட்டப்பட்டு திருத்தப்பட்டது. எனவே இந்த பதிவானது தமிழ் திரைஇசையில் உள்ள ஸ்ரீராம் என்ற பெயர் உள்ள இன்னோர் பாடகரான பாலக்காடு ஸ்ரீராம் பற்றிய தெளிவான தரவுகளை தரமுயல்கிறது.

இந்தபதிவு ஆரம்பிக்கும்போது தமிழ் திரைஇசையில் உள்ள ஸ்ரீராம் என்று பெயர் உள்ள அனைவரையும் ஒரு பதிவில் கொணர்ந்து அவர்கள் பற்றிய தனித்துவங்களை தந்து குழப்பங்களை முழுவதுமாக தீர்த்துவிட எண்ணியிருந்தேன். எனினும் பாலக்காடு ஸ்ரீராம்பற்றி எழுதவே நீண்ட நேரம் பிடித்துவிட்டமையினால் இதை ஒரு தனிப்பதிவாகவே ஆக்கிவிட்டேன். அடுத்த பதிவில் அனைவரையும் ஒன்றாக பார்ப்போம்.

பாலக்காடு ஸ்ரீராம்

ஸ்ரீராம் கேரளாவில் பாலக்காடு எனும் மாவட்டத்தில் பிறந்த மலையாளி ஆவார். ஸ்ரீராம் என்று பல பெயர்கள் திரைதுறையில் இருந்தமையாலோ என்னவோ இவர் பின் பாலக்காடு ஸ்ரீராம் என்றும் அழைக்கப்பட்டார். சிறுவயதிலேயே கர்நாடக சங்கீதம் கற்ற இவர் பல இசைக்ருவிகளை வாசிக்க கூடியவர். மிருதங்கம், புல்லாங்குழல், கீபோர்ட் போன்ற இசைக்கருவிகளை திறமையாக வாசிக்கும் திறமை இவரிடம் இருந்தமையால் ஒரு இசைக்கலைஞராக திரைதுறைக்கு அறிமுகமானார். பல இசையமைப்பாளர்களுக்கு புல்லாங்குழல் வாசிக்கும் கலைஞராக தனது பயணத்தை திரைதுறையில் ஆரம்பித்தார் என அறியப்படுகிறது.

புல்லாங்குழலுடன்

எனக்கு தெரிந்தவரை இசைப்புயல் AR.Rahmanஆலேயே பாலக்காடு ஸ்ரீராம் தமிழ் திரையிசைக்கு அறிமுகப்படுத்தப்பட்டார். உண்மையில் இவர் அறிமுகமான பாடல் தாஜ்மகால் படத்தில் இடம்பெற்ற ”திருப்பாச்சி அரிவாள தூக்கிகாண்டு” பாடலாகும். ஆனால் அதற்கு முன்பே வேறுசில பாடல்கள் வெளியாகி உங்களுக்கு இவரின் முதல்பாடல் எது என்ற குழப்பத்தை ஏற்படுத்தியிருக்கலாம். அதன்பின் உயிரே படத்தில் இடம்பெற்ற ”தக தையதைய தையா” பாடலை சுக்வீந்தர்சிங்குடன் சேர்ந்து பாடினார். ஆனாலும் இந்த பாடலை பாலக்காடு ஸ்ரீராம் பாடினாரோ? என்று கேட்டால் பலர் இல்லை என்றே சொல்வார்கள். அத்தோடு பாடல் கசெட்டுகள் வெளியாகிய காலப்பகுதியிலும் இவரது பெயர் தவறுதலாக கசெட்டுகளில் இடம்பெறவில்லையாம்.

பாலக்காடு ஸ்ரீராம் + சுக்வீந்தர்சிங் பாடிய ”தக தையா" பாடல்

இந்த குழப்பத்துக்கு முக்கிய காரணம்; இந்த பாடல் இடம்பெற்ற படம் ”தில்சே” என்ற பெயரில் ஹிந்தியிலேயே ஒறிஜினலாக எடுக்கப்பட்டு பின் டப் செய்யப்பட்டது. ஹிந்தியில் இந்தப்பாடலை சுக்வீந்தர்சிங் பாடியிருந்தார். தமிழில் இந்த பாடல் பாலக்காடு ஸ்ரீராம் + சுக்வீந்தர்சிங் குரலில் வெளிவந்திருந்தது. ஹிந்தியில் சுக்வீந்தர்சிங்கே பாடியிருந்தமையால், தமிழில் ஸ்ரீராமும் உடன் பாடினார் என்பது பேசப்படாமலே போயிருந்தது. அதோடு இந்தபாடலில் 2Vesrsionகள் வேறு. மற்றைய பதிப்பில் ஹரிகரன் மற்றும் ஸ்ரீநிவாஸ் பாடியிருந்தனர். எனவே குழப்பம் மேல் குழப்பம் இருந்தமைக்கு வாய்ப்புக்கள் நிறைய உண்டு.

மனைவியுடன் ஸ்ரீராம்

ஸ்ரீராமின் குரலானது மற்றைய பாடகர்களை போலன்றி வித்தியாசமாக இருக்கின்றமையால் இலகுவாக இவரை மற்ற பாடகர்களிலிருந்து வேறுபிரித்தறியலாம். சற்றே இறுக்கமான குரலமைப்பு கொண்டிருப்பதால் இவருக்கு கிடைக்கும் வாயப்புக்கள் பெரும்பாலும் அதிரடிப்பாடலுக்கான (Fast Beat) வாய்ப்புக்களே. கிடைக்கும் பல வாய்ப்புக்களை அற்புதமாக பயன்படுத்தி அந்தபாடல்களை நல்ல ஹிற் ஆக்கி, டப்பாங்கூத்து, அதிரடி பாடல்களில் தனக்கென தனிமுத்திரையை பதித்துள்ளார் இவர்.

மேலும் இசைப்புயலின் இசையிலே இவர் படையப்பா படத்தில் ”வெற்றிக்கொடிகட்டு”, என்சுவாசக்காற்றே படத்தில் ”காதல் நயாகரா” போன்ற பாடல்களை பாடியுள்ளார். நான் ஏலவே சொன்னது போல இவர் உயிரே மற்றும் தாஜ்மகால் படத்திலே பாடல் பாடியிருந்தாலும் இவர் திரையுலகில் பேசப்பட்ட பாடல் என்னவோ படையப்பா படத்தில் இடம்பெற்ற ”வெற்றிக் கொடிகட்டு” பாடல்தான். சுப்பர் ஸ்ராருக்கான அதிரடிப்பாடல் என்ற கூடுதல் பலத்துடன் இந்தபாடல் அந்தக்காலத்தில் பட்டி தொட்டி எங்கும் ஒலிக்கப்பட்டது. அதன் பின்னரே இவருக்கு வாயப்புக்கள் கூடுதலாக கிடைக்கப்பெற்றது.

சங்கீதகச்சேரி ஒன்றில் ஸ்ரீராம் (இடமிருந்து 5வதாக பச்சை ஜிப்பாவுடன்)

சங்கீத ஞானமுள்ள சில பாடகர்கள் நன்றாக சங்கதி போட்டு பாடுவதில் மற்றும் ஆலாபனை செய்வதில் கைதேர்ந்தவர்கள். பாலக்காடு ஸ்ரீராம் இவர்களிலிருந்து மாறுபட்டு திறமையாக ஜதிகளை பாடக்கூடிய திறமை உள்ளவராக பார்க்கப்படுகிறார். இந்த திறமை காரணமாகவே இவர் பார்த்தாலே பரவசம் படத்தில் "Love Check" என்று தொடங்கும் பாடல், படையப்பாவில் ”மின்சார கண்ணா”, "STAR" படத்தில் ”தோம் கருவில் இருந்தோம்”, சங்கமம் படத்தில் ”மார்கழி திங்களல்லவா” போன்ற பாடல்களில் தனது தனிதிறமையான ஜதிகள் சொற்கட்டுகள் போடும் திறமையை வெளிப்படுத்தி அந்த பாடல்களை மெருகேற்றியுள்ளார்.

இவரது ஜதிகள் சொற்கட்டுகள் போடும் திறமையை (நட்டுவாங்கம் செய்யும் திறமையையும்) உலகம் பூராகவும் பறைசாற்றியது Slumdog Millionaireல் இவரும் மதுமிதாவும் சேர்ந்து பாடிய Background Scoreற்குரிய இசைவடிவாமாகும். (மேலே முதல் பந்தியில் குறிப்பிட்ட சில பாடல்களில் இவர் பிரதான பாடகராக இல்லாது சிறப்பாக ஜதிகளை பாட பயன்படுத்தப்பட்டுள்ளமை குறிப்பிடத்தக்கது)

<p><a href="http://musicmazaa.com/hindi/audiosongs/movie/Slumdog+Millionaire.html?e">Listen to Slumdog Millionaire Audio Songs at MusicMazaa.com</a></p>

Slumdog Millionaireல் ஸ்ரீராம் பாடிய Liquid Dance

இவருக்கு ஹாரிஸ் ஜெயராஜ் மூலமாகவும் நல்ல வாய்ப்புக்கள் கிடைக்கப்பெற்றிருந்தது. ஹாரிஸின் இசையில் பாடியவற்றில் சாமி திரைப்படத்திற்காக ”திருநெல்வேலி அல்வாடா”, கோயில் திரைப்படத்திற்காக ”அரலிவிதையில் முளைத்த”, தொட்டிஜெயா படத்தில் ”யாரிசிங்காரி” போன்ற பாடல்கள் முக்கியமானவை.

யுவன்சங்கர்ராஜாவின் இசையில் மன்மதன் படத்தில் ”பூமியென்னா வீரம் காட்டு” கண்ணாம்பூச்சிஏனடா படத்தில் ”கண்ணாம்பூச்சி ஆட்டம்” சண்டைக்கோழி படத்தில் ”முண்டாசு சூரியனே” போன்ற பாடல்கள் இவர் பாடியன.

G.V.பிரகாஸ்குமார் இசையில் வெயில் படத்தில் ”ஊராந்தோட்டத்தில ஒருத்தன் போட்ட” காளை படத்தில் ”வீரமுள்ள” பாடல்களும் தேவிசிறிபிரசாத் இசையில் மாயாவி படத்தில் ”தமிழ் நாட்டில் எல்லோருக்கும்” பாடல்களும் பாலக்காடு ஸ்ரீராம் பாடிய பாடல்களில் முக்கியமானவையாகும்.

---------------------------------------------------------------------------

கடந்த பதிவில் கேட்கப்பட்ட வினாவிற்கான வெற்றியாளர் அடுத்த பதிவில் அறிவிக்கப்படுவார். விடை: இளங்காற்று வீசுதே பாடலாகும்.

திரைதகவல் பெட்டகம்-V (பாடகர் ஸ்ரீராம் பார்த்தசாரதி சிறப்பு)

2011-06-04T02:00:00.007+09:00

முந்தைய பாகங்களுக்கு I II III IV
இந்த முறையும் இறுதியில் கேட்கப்படும் கேள்விக்கான விடையை சொல்லும் அதிஷ்டசாலி உள்ளூர் வாசகர் (இலங்கை) ஒருவருக்கு இலவசமாக ஒருமாதத்திற்கான அவர்விரும்பும் RingIN Tone பரிசளிக்கப்படும்.

இங்கே பார்க்கபோகும் நபர் ஒரு பாடகர்(ஆண்). சிறந்த கர்நாடக சங்கீத பின்னணி கொண்ட இவர், AR.Rahmanஆல் திரைதுறைக்கு அழைத்து வரப்பட்டார். அதன்பின்னர் முன்னணி இசையமைப்பபாளர்களுக்காக இனிமையான பாடல்களை பாடியிருந்தாலும் இவருக்கான வாய்ப்புகள் என்னவோ குதிரை கொம்பாகதான் இருந்து வருகிறது. 2005ல் தமிழ்நாடு அரசின் சிறந்த ஆண் பாடகருக்கான விருதைப்பெற்ற பெருமையுடைய பாடகர்தான் இவர். கண்டுபிடித்திருப்பீர்கள் இவர்தான் பாடகர் ஸ்ரீராம் பார்த்தசாரதி. இவர் திரை இசையில் பாடிய பாடல்கள் சொற்பமாகதான் இருந்தாலும் பெரும்பாலான இவரது பாடல்கள் பலராலும் ரசிக்கப்பட்ட நல்ல பாடல்கள்.

ஸ்ரீராம் பார்த்தசாரதி

AR.Rahmanன் இசையில் பார்த்தாலே பரவசம் படத்திற்காக ”இதுதான் இதுதான் உச்சக்கட்டம்” என்ற பாடல்மூலமாக ஸ்ரீராம் பார்த்தசாரதியின் திரைஅறிமுகம் ஆரம்பித்தது. என்னதான் இசைப்புயலால் அறிமுகப்படுத்தப்பட்டாலும் இவரின் முதல் பாடலால் இவர் பெரிதாக பேசப்படவில்லை. அதன்பின்னதாக வித்தியாசாகரின் இசையில் பூவெல்லாம் உன்வாசம் படத்தில் ”புதுமலர் தோட்டத்து காற்றை” என்ற பாடலே இவருக்கு நல்ல பிரபல்யத்தை மக்கள் மத்தியில் கொடுத்தது எனலாம். பின்னர் AR.Rahmanஇடத்தும் வித்தியாசகரிடத்தும் ஒருசில நல்ல பாடல்களை பாடும் வாய்ப்பு கிடைத்தது இவருக்கு. 2003ல் இளையராஜாவின் இசையில் வெளிவந்த பிதாமகனில் இவர் பாடிய ”இளங்காற்று வீசுதே” பாடல் காலத்தால் அழியாத ஒரு அற்புதமான மெலடி பாடல். இவர் இதுவரை பாடிய பாடல்களில் நம்பர்1 இடத்தை இந்த பாடலுக்குதான் என்னால் வழங்கமுடியும். இளையராஜா இவருக்கு மேலும் பல வாய்ப்புக்களை தனது சொதப்பல் படங்களில் வழங்கியமையால் இவரால் அவற்றின் மூலமாக பிரபல்யமடைய முடியவில்லை.

இளங்காற்று வீசுதே பாடல்

எனினும் மக்கள் மத்தியில் அமோக அகோர வரவேற்பை பெற்றதென்னவோ கஜினி திரைப்படத்தில் ஹாரிஸ் ஜெயராஜின் இசையில் இவர் முதலாவதாக பாடிய ”சுற்றும் விழி சுடரே” பாடல்தான். இந்தப்பாடலுக்காகதான் இவருக்கு 2005ற்கான தமிழ்நாடு அரசின் சிறந்தபாடகர் விருது கிடைத்தது. இந்த பாடலால் ஹாரிஸ் ஜெயராஜின் புகழ் ஒருபடி மேலே உயர்ந்திருந்தாலும் கூட தனது அடுத்து வந்த படங்களுக்காக ஸ்ரீராம் பார்த்தசாரதியை ஹாரிஸ் உபயோகப்படுத்தவில்லை. ஸ்ரீராம் என்ற இன்னோர் பாடகரையே அதிகம் ஹாரிஸ் உபயோகித்திருந்தார். உண்மையில் இவரின் முழுப்பெயர் பாலக்காடு ஸ்ரீராம் ஆகும். (பாவம் ஸ்ரீராம் பார்த்தசாரதிதான் ஸ்ரீராம் என்று ஹாரிஸ் காண்பியூஸ் ஆகிட்டாரோ தெரியல. சும்மா ஒரு கதைக்கு சொன்னேனுங்க). இதைவிடுத்து ஸ்ரீலேகா பார்த்தசாரதியின் கணவர் ஸ்ரீராம் என்று வேறு ஒரு பாடகரும் இருப்பது குறிப்பிடத்தக்கது.(மிகச் சொற்ப ஓரிரு பாடல்களையே திரையில் பாடியுள்ளார்).

எனது பதிவில் முதலில் பாலக்காடு ஸ்ரீராமை ஸ்ரீலேகா பார்த்தசாரதியின் கணவர் என்ற வகையில் நானும் காண்பியூஸ் ஆகி பிழையாக சொல்லியிருந்தேன். அதை திருத்திய லோசன் அண்ணாவிற்கு மிக்க நன்றிகள்!

ஸ்ரீலேகாவும் அவரது கணவர் ஸ்ரீராமும்

ஆனால் ஏறத்தாழ 5வருடங்களின் பின் அண்மையில் வந்த ”கோ” படத்தில் ”வெண்பனியே” பாடலுக்காக கஜினியில் செய்ததை போலவே பாம்பே ஜெயசிறியுடன் ஸ்ரீராம் பார்த்தசாரதியை கூட்டிவந்தார். இந்த பாடலும் நல்ல வரவேற்பை பெற்றது. என்னதான் நல்ல பாடல்களை பாடினாலும் இவருக்கு கிடைக்கும் வாய்ப்புக்கள் குறைவு.தான் என்பது இசைரசிகர்களுக்கு கண்கூடு. பார்ப்போம் எதிர்வரும் காலங்களில் இவருக்கு வாய்ப்பு எவ்வாறு இருக்கப்போகின்றதென.

--------------------------------------------------------------------------------

திரைதகவல் பெட்டகம்-IV (பாடகி பிரசாந்தினி சிறப்பு) பதிவில் மூன்று கேள்விகள் கேட்கப்பட்டிருந்தன. அதற்குரிய விடைகளை ஏலவே சொல்லியிருந்தாலும் திரைஇசை சம்பந்தப்பட்ட முதலாம் இரண்டாம் கேள்விகளை விளக்கமாக இதில் பார்ப்போம்.

மம்தாமோகன்தாஸ், அண்ட்றியா, வசுந்தராதாஸ்

யுவன்சங்கர்ராஜா பலதரப்பட்ட பாடக பாடகிகளுக்கு தனது பாடல்களில் வாய்ப்பு வழங்கி இருக்கிறார். அந்தவகையில் தற்போதைய தமிழ் இசையமைப்பாளர்களில் திரைப்படங்களில் நாயாகியாக நடித்தவர்களுக்கு பாடகி வாய்ப்பு வழங்கியதில் இவர்தான் முன்னணியில் இருக்கிறார். எனக்கு தெரிந்தவரை 3நாயகிகளுக்கு இவர் வாய்ப்பு வழங்கியுள்ளார். அண்ட்றியா, வசுந்தராதாஸ், மம்தாமோகன்தாஸ் இவர்களே அவர்கள். இதில் மூவருமே நடிகைகளென்று மட்டுமல்லாது திறமையாக பாடக்கூடியவர்கள். அதாவது இவர்களை Professional Actress என்ற Categoryக்குள் மட்டும் சேர்க்கமுடியாது. இவர்களில் யுவனால் கூடுதலான வாய்ப்பு அண்ட்றியாவுக்கு வழங்கப்பட்டிருக்கிறது.
அடுத்தது இசையமைப்பாளர் G.V.PrakashKumarரின் வருங்கால மனைவியான பாடகி சைந்தவிக்கு தனது இசையமைப்பில் ”மதராசபட்டிணம்” படத்தில் "ஆருயிரே” பாடலை முதலாவதாக வழங்கியிருந்தார். இந்த படத்தை இயக்குனர் விஜய் இயக்கியமை குறிப்பிடத்தக்கது!

--------------------------------------------------------------------------------

பரிசுக்கான கேள்வி

இந்த பதிவில் மேலேகுறிப்பிட்ட பாடகர் பாடிய எந்த பாடலுக்கு NO1 இடத்தை வழங்கமுடியும் என சொல்லபட்டிருக்கிறது?

விடையை ஒருகிழமைக்குள் கீழ்வரும் முகவரிக்கு மின்அஞ்சலாகவோ அல்லது உங்கள் மின்அஞ்சல் முகவரியுடன் பின்னனூட்டமாகவோ இடலாம். உங்களது பின்னூட்ட விடைகளை ஒரு கிழமைவரை வலைத்தளத்தில் காணமுடியாது. வெற்றியாளர் தெரிவுசெய்யப்பட்டபின் அவை approve செய்யப்படும்.

அனுப்பவேண்டிய முகவரி: carthi_uom@yahoo.com

டிஸ்கி: கடந்த தடவை, பதிவுகளே வாசிக்காதது கூட ஒடிவந்து கேள்விய பாத்து searchபண்ணி விடையபோட்டு பரிசுகள வாங்கிட்டுது. அதை தவிர்க்கவே காம்பிறிகென்சன் பாணியில் கேள்வி!

சுட்டுடாங்கய்யா சுட்டுடாங்க!

2011-05-29T02:30:00.002+09:00

இப்ப எதை எதையெல்லாம் சுடுவதென்று ஒரு விவஸ்தயே இல்லாமல் போய்விட்டது. ஆளாளுக்கு எதெல்லாம் கொப்பி பண்ணலாமோ அதெல்லாம் கொப்பி பண்ணி Useபண்ணவேண்டியதில் Useபண்ணி பிழைத்துக்கொள்கிறார்கள். அப்பிடிதான் கழண்டது ஒண்டு சுடுறதுக்கு ஒண்டும் இல்லாம என்ர மூஞ்சிப்புத்தகத்தில நான் போட்ட STATUSஐ or அட்டு வரியை அப்பிடியே கவ்வி தனது தளத்தில(newjaffna.com) செய்திக்குறிப்புக்கு தலைப்பாவே வைச்சுட்டார்! அந்த செய்திக்குறிப்பை பாக்க இங்கே கிளிக்குங்கள்.

எனது மூஞ்சிபுத்தகத்தில போட்ட ஒறிஜினல் Status

அதை சுட்டு NEWJAFFNA தளத்தில போட்ட தலைப்பு

காப்பி பண்ணின ஆளுக்கு (என்னோட படிச்சவர்தான்) ஒரு ரசனையே இல்லையா? இப்பிடி ஒரு டுபாக்கூர் தலைப்பா வைச்சா யார்தானய்யா உன்ர Newsஐ வாசிப்பான்? மனுசர் அதை Facebookலயே like பண்ணவைக்க படுற பாட்டில, அதுல யோயி கைய வைச்சிட்டியே கண்ணா! சுடுறதுதான் சுடுறாய், நல்லா வேற மூளையுள்ளதுகள் போடுறதை சுடுறது.. ஆக்களா இல்லை. அதுதான் சொல்லுறது படிக்கேக்கயே EXAMல நம்ம மாதிரி வடிவா copyஅடிச்சு பழகோணுமெண்டு. பரவாயில்ல இனியாவது பிழைச்சுக்கோ!

அய்யோ சொல்லோணும் எண்டு மறந்துட்டன். IPL2011ல் சாம்பியானான எனது விருப்பதிற்குரிய, தமிழர்களுக்கான அணியான சென்னை சுப்பர் கிங்ஸிற்கு மனமார்ந்த வாழத்துக்கள்.

--------------------------------------------------------------------------------

கடந்த திரைதகவல் பெட்டகம்-IV (பாடகி பிரசாந்தினி சிறப்பு) பதிவில், அறிவிக்கப்பட்ட போட்டியிற்கு எதிர்பார்த்ததை விட நல்ல வரவேற்பு கிடைத்திருந்தது. பலர் ஆர்வத்துடன் கலந்துகொண்டு தங்களது விடைகளை கூறியிருந்தனர். சிலர் தெரிந்த கேள்விகளுக்கு மட்டுமே விடை கூறியிருந்தனர் வேறு சிலர் 3கேள்விக்குமே பதில்கூறியிருந்தனர். அனைவருக்கும் மிக்க நன்றிகள்.

அறிவிக்கப்பட்டபடி முதலாவது கேள்விக்கு சரியான பதிலை கூறியவருக்கே பரிசு கிடைக்க வேண்டும். ஆனால் அவர் இந்தியாவில் இருப்பதால் 2வது கேள்விக்கு சரியான விடைகூறிய இருவரில் ஒருவருக்கு பரிசு செல்கின்றது. ஒவ்வோர் கேள்விகளுக்கும் விடையை சரியான விடை கூறியோர் விபரம் கீழே.

1 - இந்தியாவிலிருந்து சு.கி.ஞானம்
ஆனால் இந்த கேள்விக்கு 2பாடகிகளின் சரியான படலை கூறி முயற்சித்தவர்கள். சாலினி சிவதாஸ், முகுந்தன் குமாரசாமி, விநாயகதேவன் சுகீசன்
2- சற்குணசிங்கம் தாசன், சத்தியமூர்த்தி நிறாதன்
3- முகுந்தன் குமாரசாமி, விநாயகதேவன் சுகீசன், கன்கோன்

எனவே முதலாவதிற்கு சரியாக கூறிய சு.கி.ஞானம் பரிசை பெற்றுக்கொள்ள முடியாமையினால் 2வதிற்கு சரியாக கூறிய சற்குணசிங்கம் தாசன் வெற்றியாளராக தெரியப்படுகிறார்.

சரியான விடைகள்

1.அண்ட்றியா - இதுவரை இல்லாத (கோவா) வேறு பாடல்களும் உண்டு

வசுந்தரா தாஸ் - தத்தைய் தத்தைய் (மன்மதன்) வேறு பாடல்களும் உண்டு

மம்தா மோகன்தாஸ் - இடை வெளி (கோவா)

2.டானியல் கிறிஸ்டியன்

3.இயக்குனர் விஜய்

அடுத்த பதிவில் மீண்டும் பரிசுக்கான இலகுவான கேள்வி வரும்.

குட்டை + கல் :'(

2011-05-28T13:45:00.003+09:00

அமைதியாக இருந்த குட்டைகளை நோக்கி வீணாக பலர் கற்களை எறிகின்றனர். இது கடந்த வாரத்தில் பலரும் பதிவுலகத்தில் முணுமுணுத்த வார்த்தையாக இருக்கும்.

ஒரு சில கற்கள் குட்டையை வேணுமென்றே கலக்கி குழப்பும் நோக்கத்துடன் எறியப்பட்டிருக்கலாம். ஒரு சில கற்களோ நடு வீதியில் இடைஞ்சலாக இருந்தமையால் வீதியை சீராக்கும் நோக்கில் குட்டையை நோக்கி சிலரால் எறியப்பட்டிருக்கலாம். ஆனால் இரண்டிற்குமான வித்தியாசத்தை உண்மையாக எறிந்தவனின் மனசாட்சியே அறியும். பார்வையாளராக இருப்பவர்களுக்கு அதன் நோக்கம் சரியாக விளங்கியிருக்காது. உண்மையாக வீதியின் சீர்த்தன்மையை வேண்டி குட்டையை நோக்கி கல் எறிந்தவன் கூட பிழையாக நோக்கப்பட்டிருக்கலாம். நான் எப்போதும் இரண்டாமவதராகவே இருக்க விரும்புகிறேன்.

எல்லோரும் எல்லோரையும் ஊக்குவிக்கவேண்டுமென்றே, விரும்பியிருந்த எனது கருத்து எனது சொல்லாடல் பிழையாலோ, சொன்ன இடத்தின் தவறாலோ பின் உருவ அமைப்புக்கள் தெளிவாக்கப்பட்டு(?) குதர்க்கமாக விளக்கம் கற்பிக்கப்பட்டிருக்கின்றது. இதுவரை ஒரு போதும் பிரபலத்திற்காக ஒருவரையும் நான் குறை கூறியதில்லை. கூறப்போவதுமில்லை. அதற்காக சிலர் சிலரிலுள்ள காழ்ப்புணர்ச்சியை காட்டுவதற்காக பலவற்றை பலவிதமாக பயன்படுத்துவதை நான் வரவேற்கவில்லை. அவர்கள் இன்னும் பக்குவப்படவேண்டும் என்றே கருதுகிறேன்

ஆனால் என்னை மதித்து எனது தளத்திற்கு பின்னூட்டம் இடும் நண்பர்களின் தளத்திற்கு சென்று அவர்களின் பதிவு தொடர்பான எனது ஆதரவானதோ எதிரானதோ கருத்தை கூறுவேன். அதற்கு ஒரு போதும் பின்னிற்கப் போவதில்லை. அதற்காக அந்த பதிவுகளின் கருத்துதான் எனது கருத்து என்று யாராவது வியாக்கியானம் கற்பித்தால் அதற்கு நான் பொறுப்பில்லை.

இறுதியாக பதிவுலகத்தில் இருக்கும் எல்லோரும் (Positive / Negative கருத்துடையோர்) எனக்கு நண்பர்களே. நல்ல பதிவுகளை ஊக்குவிப்பேன். ஒன்றாக சேர்ந்து பயணிப்போம். இங்கே நடக்கும் (?) ஒரு அரசியலும் எனக்கு சத்தியமாக விளங்குவதில்லை!!!

பி.கு: எனது முதல் பதிவில் குறிப்பிட்டது போல வெற்றியாளர் விபரம் இந்த பதிவில் தர முடியவில்லை. நாளைய பதிவில் விபரங்கள் அறிவிக்கப்படும்!
நன்றி.

திரைதகவல் பெட்டகம்-IV (பாடகி பிரசாந்தினி சிறப்பு)

2011-05-22T00:30:00.004+09:00

இந்த பதிவை தொடங்கமுன் ஒரு மகிழ்ச்சியான அறிவித்தல். தமிழ் பதிவுலக வரலாற்றில் முதல்முறையாக இந்தபதிவின் இறுதியில் கேட்கப்படும் கேள்விக்கான விடையை சொல்லும் அதிஷ்டசாலி உள்ளூர் வாசகர் (இலங்கை) ஒருவருக்கு இலவசமாக ஒருமாதத்திற்கான அவர்விரும்பும் RingIN Tone பரிசளிக்கப்படும். எதிர்வரும் காலங்களில் வித்தியாசமான பரிசுகளுடன் சந்திப்போம். வெற்றியாளர் அடுத்த பதிவில் அறிவிக்கப்படுவார். ஒன்றுக்கு மேற்பட்ட சரியான் விடைகள் இருக்கும் பட்சத்தில் வெற்றியாளர் குலுக்கல் முறையில் தெரிவுசெய்யப்படுவார்.

--------------------------------------------------------------------

அண்மைக்காலங்களில் வெளிவரும் படங்களில் இடம்பெறும் நல்ல பாடல்களை புதிய பாடகர்கள் பாடிவருகின்றமை தமிழ் சினிமாவை பொறுத்தவரை நல்ல ஆரோக்கியமான விடயம்தான். முன்னைய காலத்தை போல ஒரு சிலர் மட்டும் தனிக்காட்டு ராஜாக்களாக இல்லாது பல புதுமுகங்கள் இந்தகாலத்தில் பாடகர்களாக அறிமுகமாகி சிறப்பாக பாடிவருவது வரவேற்க்கதக்கது. அப்படியான ஒரு பாடகியை பற்றிதான் நான் இப்போது குறிப்பிடபோகிறேன். மலேசியா வாசுதேவனின் மகளும், பாடகர் + நடிகர் + இசையமைப்பாளர் யுகேந்திரனின் இளைய சகோதரியுமாகிய இவரை பாடகியாக 2001ல் அறிமுகப்படுத்திய பெருமை இசையமைப்பாளர் ஹாரிஸ்ஜெயராஜையே சாரும். இவர்தான் அந்த பாடகி பிரசாந்தினி.

பிரசாந்தினி

12B படத்தில் இடம்பெற்ற ”ஒரு புன்னகை பூவே” என தொடங்கும் நல்ல ஒரு பாடலின் மூலம் இவர் அறிமுகமாகியிருந்தாலும், அந்த பாடலில் ஆண் குரலே முக்கியத்துவம் பெற்றிருந்ததால் இவரால் தனக்கான ஒரு தனிமுத்திரையை அந்த பாடல் மூலமாக பெற முடியவில்லை. அதன் பின் யுவன்சங்கர்ராஜா, வித்தியாசாகர், யுகேந்திரன் போன்ற இசையமைப்பாளர்கள் இவருக்கு வாய்ப்புகளை வழங்கியிருந்தனர். தனது முதல் பாடலுக்கு பிறகு பத்திற்கும் மேற்பட்ட பாடல்களை பாடியிருந்தபோதிலும் அவை ஒன்றும் இவரை நல்ல பாடகி என்ற அந்தஸ்தை ரசிகர்கள் மத்தியில் சேர்க்கவில்லை. எனினும் 2006ல் ”வெயில்” படம் மூலம் இசையமைப்பாளராக அறிமுகமான ஜீ.வி.பிரகாஸ்குமார், அந்த படத்தில் மிகவும் சிறிய பாடலான ”இறைவனே உணர்கிற தருணம்” என்றபாடலில் பிரசாந்தினிக்கு வாய்ப்பை வழங்கியிருந்தார்.

யுகேந்திரன் & மலேசியா வாசுதேவன்

பிரசாந்தினியின் அறிமுகத்திலிருந்த 8வருடத்தின்பின்னர் அதாவது 2009ல் வாரணம் ஆயிரத்தில் தனது இசையில் பாட ஹாரிஸ் ஜெயராஜ் இவரை மீள அழைத்திருந்தார். ”முன் தினம் பார்த்தேனே” என்று ஆரம்பிக்கும் அந்த சூப்பர் ஹிட் பாடல் இவரை சிறந்த பாடகியாக இனங்காட்டியிருந்தது.

GV.PrakashKumar

எது எப்பிடியிருப்பினும் இந்தபாடல் அடைந்த பிரபல்யத்தோடு ஒப்பிடும்போது இந்த பாடலை சிறப்பாக பாடியவரில் ஒருவரான பிரசாந்தினியால் அந்தளவுக்கு பிரபல்யமாக முடியவில்லை. எதிர்பார்த்த அளவிற்கு அவருக்கு நல்ல வாயப்புகளும் கிடைக்கவில்லை. மீண்டும் ஜீ.வி.பிரகாஸ் 2008ல் சேவல்படத்தில் ”நம்ம ஊரு நல்லா இருக்கு” என்ற பலபாடகர்கள் பாடிய பாடலில் இவருக்கும் வாயப்பளித்திருந்தார். பின்னர் தீனா, பரத்வாஜ், சபேஸ்முரளி போன்றோரின் இசையில் பிரபலமேயில்லாத பாடல்கள் ஓரிரெண்டை பாடியிருந்தார்.

பிரசாந்தினி

என்னைபொறுத்தவரை இவரது நல்ல காலம் இந்தவருடத்திலிருந்துதான் ஆரம்பமாகியிருக்கிறது என சொல்ல முடியும். அண்மையில் ஆடுகளம் படத்தில் மீண்டும் ஜீ.வி.பிரகாஸின் இசையில் நல்ல ஹிட்பாடல் ”ஐயையோ நெஞ்சு அலையுதடி” இல் பாட வாய்ப்பு இவருக்கு கிடைத்திருந்தது. அத்துடன் அதே காலத்தில் வெளியான ஹாரிஸ் ஜெயராஜின் மெகாஹிட் அல்பமான ”எங்கேயும் காதல்”இல் ”லோலிட்டா” பாடலில் இவரது குரலுக்கு வாய்ப்பு கிடைத்தது. இதற்கு சில மாதங்களின் பின் வெளியான ”கோ” பாடல்களில் அனைவராலும் ரசிக்கப்பட்ட ”என்னமோ ஏதொ” பாடலில் முக்கிய ஹம்மிங் இவரது குரலுக்குரியது.

எங்கேயும் காதலில் இடம்பெற்ற ”லோலீட்டா” பாடல்

அதைவிட மிக அண்மையில் ஜீ.வி.பிரகாஸின் இசையில் ”நர்த்தகி”யில் ”சின்னஞ்சிறு இதயத்திலே” என்ற பாடலை விஜய்பிரகாசுடன் சேர்ந்து பாடியுள்ளார். இந்தபாடல் இன்னும் பிரபலமாகவில்லை. இந்தபாடல் இருக்கின்றது பலருக்கு தெரியுமோ என்று எனக்கு தெரியாது. மிகவும் இனிமையான மென்மையான மெலடி பாடல். முடிந்தால் கேட்டுப்பாருங்கள். கீழே அதன் ஒலி வடிவத்தை .ணைத்துள்ளேன். இப்படியான நல்ல பாடல்களுக்கான வாய்ப்புக்கள் இந்தவருடத்தில்தான் இவருக்கு தொடர்ந்து கிடைக்கின்றது.

<p><a href="http://musicmazaa.com/tamil/audiosongs/movie/Narthagi.html?e">Listen to Narthagi Audio Songs at MusicMazaa.com</a></p>

இறுக்கமான குரல்வளமுள்ள மலேசியா வாசுதேவனோடும் கரடுமுரடான குரல் வளமுள்ள யுகேந்திரனோடும் ஒப்பிடும்போது அந்த குடும்பத்திலிருந்துதான் இவர் வந்தவர் என்று சொல்லவே முடியாது. அந்தளவு இனிமையான சிறந்த குரல்வளம் பிரசாந்தினிக்கு இருக்கிறது. இவர் மேலும் இனிமையான பல பாடல்களை பாடி தமிழ் இசை ரசிகர்களை பரவசப்படுத்துவார் என நம்புகிறேன்.

பரிசுக்கான கேள்வி

1. இசையமைப்பாளர் யுவன்சங்கர்ராஜா தமிழ் திரைப்படத்தில் கதாநாயகியாக நடித்த நடிகைகளை பாடகிகளாக பயன்படுத்தியுள்ளார். அவ்வாறு அவர் பயன்படுத்திய 3நடிகைளின் பெயரையும் அவர்கள் யுவனின் இசையில் பாடிய ஒவ்வொரு பாடலையும் சொல்லுங்கள் பார்ப்போம்.

முதல்கேள்விக்கான விடை யாரும் சொல்லாவிடின்

2. இந்த ஆண்டிற்கான IPLபோட்டியில் 68வது போட்டிவரை கூடுதலான அகலப்பந்துகளை மொத்தமாக வீசியவர் பெயர் என்ன? (ஒரு போட்டியில் மட்டுமல்ல இந்தவருடம் விளையாடிய போட்டிகள் அனைத்திலும் மொத்தமாக பார்க்கவேண்டும்)

இரண்டாவது கேள்விக்கான விடை யாரும் சொல்லாவிடின்

3. இசையமைப்பாளர் ஜீ.வி.பிரகாஸ்குமாரின் இசையில், அவரின் வருங்கால மனைவி பாடிய முதல் தமிழ்பாடல் இடம்பெற்ற திரைப்படத்தின் இயக்குனர் பெயர் என்ன?

விடைகளை ஒருகிழமைக்குள் கீழ்வரும் முகவரிக்கு மின்அஞ்சலாகவோ அல்லது உங்கள் மின்அஞ்சல் முகவரியுடன் பின்னனூட்டமாகவோ இடலாம். உங்களது பின்னூட்ட விடைகளை ஒரு கிழமைவரை வலைத்தளத்தில் காணமுடியாது. வெற்றியாளர் தெரிவுசெய்யப்பட்டபின் அவை approve செய்யப்படும். உங்களது வெற்றியை உறுதிசெய்ய 3வினாக்களுக்கான விடைகளையும் அனுப்புதல் சிறந்தது. ஆனால் முதல் கேள்விக்கான விடை சரியாக யாரேனும் சொன்னால் அடுத்த கேள்விகள் கருத்திலெடுக்கப்படாது!

அனுப்பவேண்டிய முகவரி: carthi_uom@yahoo.com

கோ= அசராத கோன் - திரைப்பார்வை

2011-04-24T06:48:00.002+09:00

சில படங்கள் வெளிவர முன்பே பெரிய எதிர்பார்ப்பை சினிமா ரசிகர்கள் மத்தியில் ஏற்படுத்திவிட்டிருக்கும் சில படங்கள் எதுவித எதிர்பார்ப்பும் இல்லாமல் அமைதியாக வெளிவரும். இவற்றில் நான் குறிப்பிட்ட முதல் வகை படங்கள் மக்கள் மத்தியில் வெற்றி பெறுவதற்கு அப்படம் தரமானதாக இருப்பது மட்டுமன்றி ரசிகர்களை வெகுவாக கவர கூடியதாகவும் இருக்க வேண்டும். ஏனெனில் ஏற்படுத்திய எதிர்பார்ப்புகளை ஒரு சில தவறுகள் முற்றிலுமாக மாற்றி அதன் போக்கை தோல்விப்படமாக்கிவிடும் வாய்ப்பு கூட உண்டு. அதாவது ரசிகர்களின் அதிகரித்த எதிர்பார்ப்பை அவ்வாறான படங்களால் கொடுக்க முடியாது போன சந்தர்ப்பங்களே அதிகம் உள்ளது. அண்மைக்காலத்தில் இராவணன் படத்தை அதற்கு ஓர் உதாரணமாக கூறலாம்.

அந்தவகையில் பெரிய எதிர்பார்ப்போடு வந்து, எதிர்பார்ப்புக்கும் மேலாக ரசிகர்களை திருப்திபடுத்தி இருக்கிறது ”கோ” திரைப்படம். ”கனாகண்டேன்” என்ற வித்தியாசமான படம் மூலம் இயக்குனராக அறிமுகமான ஒளிப்பதிவாளர் K.V.ஆனந்தின், அயனுக்கு அடுத்த மூன்றாவது படம்தான் கோ”. இயக்குனராக மூன்றாவது தடவையும் வென்றுவிட்டார் இவர். ஆரம்பகாலத்தில் புகைப்பட செய்தியாளராக தான் இருந்த அனுபவத்தின் விளைவாகவே, இந்த படத்தில் ஹீரோவின் பாத்திரம் செதுக்கப்பட்டிருக்கிறது. அத்துடன் படத்தின் எழுத்தோட்டத்தை, மற்றவர்களால் எடுக்கப்பட்ட அழகிய புகைப்படங்களை பயன்படுத்தி சிறிது வித்தியாசமாக அமைத்திருந்தார். இதில் இடம்பெறும் புகைப்படங்களில் நம் இலங்கையர் ஒருவரினதும் இருக்கிறது. அவர் பெயர் பகீரதன். அவரும் ஒரு பதிவர்தான். ஏன் சம்பந்தமில்லாமல் எழுத்தோட்டத்தில் Photos வருகின்றது? என்பதற்கான விடை படம் தொடங்கிய 10நிமிடங்களிலேயே விளங்கிவிடும்.

இந்த படத்திற்கு ஹிரோவாக சிம்பு ஒப்பந்தமாகி சில பிரச்சனைகளால் அவராகவே விலகிகொண்டதால் ஜீவாவிற்கு கிடைத்த வாயப்புதான் இது. கிடைத்த வாய்ப்பை சரியாக பயன்படுத்தி பட்டையை கிளப்பியுள்ளார் ஜீவா. பெரும்பாலும் பெரிய பட்ஜெட் படங்களில் நடிப்பதில்லை என்ற குறையை இப்படம் மூலம் தீர்த்துவிட்டார் ஜீவா. Never Mind Style (அலட்சிய பாணி)ஆன நகைச்சுவையாக நடிக்ககூடியவாரன இவர், இதில் கலகலப்பாகவும் அதிரடியாகவும் படம் முழுவதும் தோன்றி படத்திற்கு உயிரூட்டியுள்ளார். வழமைபோலவே ஜீவாவின் நடிப்பு ஜொலிப்பு! வித்தியாசமான வேடங்களில் பல படங்களில் ஜீவா கலக்கியிருந்தபோதிலும் பலரால் நல்ல ஹீரோவாக ஏற்றுக்கொள்ளப்படாதிருந்த இவருக்கு இந்தபடம் நட்சத்திர அந்தஸ்தை வழங்ககூடும்.

கார்த்திகா ஜீவா பியா

படத்தில் ஒன்றிற்கு இரண்டு ஹிரோயின்கள். பியா மற்றும் புதுமுகம் கார்த்திகா (பழைய நடிகை ராதாவின் மகள்). இவர்களில் துடுக்கான வெகுளித்தனமான நடிப்பாலும் கவர்ச்சிகரமான உடையலங்காரம் முடியலங்காரத்திலும் கார்த்திகாவைவிட பலபடி முன்னே நின்று பிரகாசிப்பவர் பியாதான். பெரிதும் பேசப்படாத படங்களிலும் இருநடிகைளில் ஒருவராகவோ நடித்துவரும் பியாவிற்கு இப்படம் நல்ல வாய்ப்புக்களை பெற்று தரகூடும்.

பியா

கார்த்திகாவை பொறுத்தவரை அவரது பிளஸ்பொயின்ட் அவரது அழகான பெரிய கண்கள்தான். அதைவிடுத்து பெரிதாக சொல்லும்படியாக சிறப்பு எதுவுமில்லை. அவரில் ஏதோ ஒன்று இல்லாதது போல ஒரு குறை. பெரிதாக அவரின் அழகு ரசிகர்களை கவரவில்லை எனலாம். சிம்ரனையும் அசினையும் சேர்த்து Photoshopல் ஒழுங்கற்று எடிட் பண்ணி ஒருவரை கொண்டுவந்தால் எப்பிடியிருக்குமோ அப்படிதான் திரையில் தெரிகிறார். அம்மா ராதாவோ இவரின் அழகுடன் ஒப்பிடும்போது உச்சத்தில் இருக்கிறார்.

கார்த்திகா

அஜ்மல் துடிப்பான இளைஞராக நடித்திருக்கிறார். படத்தில் இரண்டாவது பெரிய காத்திரமான பாத்திரம் இவருக்கு. அலட்டலில்லாத அளவான சிறப்பான நடிப்பால், அஞ்சாதே படத்திற்கு பின்னர் பலரும் தன்னை திரும்பிபார்க்க வைத்துள்ளார். Vijay TV புகழ் ஜெகனிற்கு அயனில் போலல்லாது இதில் சிறிய பாத்திரம்தான். முதலமைச்சராக சிறு கட்டங்களிலேயே வரும் பிரகாஸ்ராஜ் நடிப்பில் தான் ராஜாதான் என்பதை மீண்டும் நிருபித்துள்ளார். காரில் பேட்டிகொடுக்கும் சந்தர்ப்பத்தில் அவரது நடிப்பிற்கு அவர்தான் ஈடாக முடியும். Body Language மற்றும் Dialog delivery அசத்துகிறது.

அஜ்மால்

இந்த படத்திற்கான எதிர்பார்ப்பு அதிகமானதில் இசையமைப்பாளர் ஹாரிஸ் ஜெயராஜின் பங்கும் முக்கியமானது. பாடல்கள் ஏலவே வந்து பலரையும் கொள்ளை கொண்டிருந்தது. குறிப்பாக ”என்னமோ ஏதோ” பாடல் பலராலும் தற்போது முணுமுணுக்கப்படுகிறது. பெரும்பாலான பாடல்கள் காட்சியமைப்பில் coloutful ஆக இருந்தாலும் ”அமளி துமளி” பாடல் அதில் முதலிடத்தில் இருக்கிறது. அந்தப்பாடலில் வரும் Scenariesம் மலைவிளிம்புகளில் பாடல் படமாக்கப்பட்டவிதமும் ரசிக்க கூடியவாறு இருக்கிறது. ஆயினும் ”அக நக” பாடலில் தேவையில்லாது நிறைய நடிகர்களை புகுத்தி அந்த பாடலின் காட்சியிமைப்பை வீணாக குழப்பிவிட்டார் K.V.Anand. ஹாரிஸின் பின்னணி இசையும் வழமைபோல்.

மலைவிளிம்பில் எடுக்கப்பட்ட காட்சி ஒன்று

K.V.Anand ஒரு ஒளிப்பதிவாளராக இருந்தமையாலோ என்னவோ படத்தின் காட்சிகளில் ஒளிப்பதிவாளர் றிச்சாட்டின் பங்கும் சிறப்பாக வித்தியாசமாக ஆங்கிலபடத்திற்கு ஒப்பாக சில இடங்களில் தெரிகிறது. கிளைமாக்ஸ் துப்பாக்கி சண்டையின்போது எடுக்கபட்ட Ultra Slow Motion Video காட்சிகள் மிகவும் நன்றாக இருக்கிறது. அத்துடன் வெடிகுண்டு விபத்தின்போது காட்டப்பட்ட நிஜகாட்சிகள் போன்றமைந்த காட்சிகளில் Editor அன்ரனியின் உழைப்பும் தெளிவாக தெரிகிறது. அத்துடன் படத்தில் சிறு காட்சியில் Editor அன்ரனி நடித்திருப்பதும் குறிப்பிடத்தக்கது!

சுருங்க கூறின் கோ = அசராத கோன்(சக்கரவர்த்தி)!

பி.கு: தயவுசெய்து படம்பார்த்தோர் கதையின் முக்கிய கருவை பார்க்காதோருக்கு சொல்லிவிட வேண்டாம். இந்தபடத்தின் சுவாராஸ்யமே அதன்பின் கெட்டுவிடும்.

விமர்சனம் என்ற பெயரில் படக்தையை திருப்பி சொல்ல எனக்கு தெரியாது. படத்தின் கதை இதில் இல்லையே எனக்குறைபட்டு கொண்டால் அதற்கு நான் பொறுப்பாளி இல்லை.

WorldCupCricket2011 Special - II

2011-03-31T01:30:00.006+09:00

இந்த உலகக்கிண்ணத்தை ஒட்டி பெரும்பாலான பதிவுகள் அணிகள் பற்றிய வீரர்கள் பற்றிய அலசல்களையே தந்திருந்தன. எனவே நான் சற்று வித்தியாசமாக மற்றவர்கள் பெரிதாக கவனிக்காது விட்ட ஒருசில விடயங்களை பற்றி இங்கே குறிப்பிட முயலுகின்றேன்.

அதற்கு முன் உலககிண்ண இறுதிப்போட்டிக்கு தெரிவான இலங்கை மற்றும் இந்திய அணிக்கு வாழ்த்துக்கள்!!

ஒவ்வொரு முறையும் கிரிக்கெட் போட்டிகளை தொலைக்காட்சிகளில் பார்க்கும் போது போட்டியின் சுவாரஸ்யத்துடன் நேர்முக வர்ணனையாளர்களின் அலட்டல்களையும் விரும்பி கேட்பதுண்டு. அவ்வாறான பல நேர்முக வர்ணனையாளர்களில் சிலரை எனக்கு மிகவும் பிடிக்கும். சிலர் பழைய வரலாறுகளையும் சம்பவங்களையும் சுவையாக அந்தந்த தருணங்களில் நினைவு கூறக்கூடியவர்கள். மற்றைய சிலர் நேர்த்தியான அதிரடியான ஆக்ரோசமான விதத்தில் போட்டிகளை பற்றி வர்ணனை செய்வதில் பெயர் பெற்றவர்கள். பொதுவாக ஒரு சிறந்த வர்ணனையாளருக்கு இந்த இரண்டும் அளவாக இருந்தால் தான் அவர்களால் அத்துறையில் வெற்றியடைய முடியும். ஆனால் சிலர் அந்தந்த பாணிகளில் பிரபலமாக தமக்கென தனிமுத்திரையை பதித்திருப்பார்கள்.

Mike Haysman

அந்த வகையில் எனக்கு பிடித்த அவுஸ்திரேலியாவில் பிறந்து தென்னாபிரிக்காவில் குடியேறிய சிறந்த, நல்ல குரல்வளமுள்ள, நான் இங்கே குறிப்பிட்டதில் இரண்டாவது பாணியில் தனிமுத்திரை பெற்ற நேர்முகவர்ணனையாளர் மைக்கேஸ்மன்(Michael Haysman) இந்தபோட்டிகளில் வர்ணனையாளராக உள்வாங்கப்படாது இருந்தது எனக்கு பலத்த ஏமாற்றம். அவரின் வர்ணனையை மிகவும் எதிர்பார்த்தேன் இந்த முக்கியமான உலகக்கோப்பை போட்டிகளில். இவர் Ten Sportsற்காக நேர்முகவர்ணனையாளாராக இருப்பதாலோ ESPN Star தொலைக்காட்சியின் அனுசரணையில் உலகம் பூராவும் ஒளிபரப்பாகும் இப்போட்டியில் இல்லை போலிருக்கிறது!

----------------------------------------------------------------------------------

இந்த தடவை உலககிண்ண போட்டிகளில் Umpire Decision Review System (UDRS)ல் மிகவும் குறைவான Success rateஐ அதாவது 0% கொண்ட அணியாக அயர்லாந்து இருந்துவிட்டது. அவர்கள் எடுத்த 13Reviewல் (எண்ணிக்கையில் தவறு இருக்கலாம்) ஒரு முறை கூட அவர்களுக்கு சார்பாக தீர்ப்பு வரவில்லை.

----------------------------------------------------------------------------------

Imran Tahir

இந்தமுறை உலகக்கிண்ணத்திலேயே தனது 31வயதில் ODI அறிமுகத்தை மேற்கொண்டார் பாகிஸ்தானில் பிறந்து பின்னர் தென்னாபிரிக்காவில் குடிபெயர்ந்த ஏலவே முதல்தர போட்டிகளில் ஒரு கலக்கு கலக்கிய இம்ரான் தாகீர் (Imran Tahir). தனது முதல் போட்டியிலிருந்தே ரண்மெசின் ஹாசிம் அம்லாவை போல் விக்கெட் மெசின் என்ற பெயரை தனக்கு சொந்தமாக்க உழைக்க தொடங்கிவிட்டார்! இவர் தனது முதல்தர போட்டிகளில் 500ற்கு மேற்பட் விக்கெட்டுகளை வீழ்த்தியவர் என்பது குறிப்பிடத்தக்கது. இவரின் குடியுரிமை பற்றிய பிரச்சனையால் இவரால் அணிக்குள் நீண்ட காலமாக வரமுடியாமல் போனது.

----------------------------------------------------------------------------------

Sanjay Manjrekar

எனக்கு பிடித்த இன்னுமொரு Commentator சஞ்சே மஞ்ஜேர்கர் (SanjayManjrekar), இந்த உலகக்கிண்ண நேரத்தில் நகைச்சுவையான அடிக்கடி பல தடவை அவர் சொல்லிக்கொண்ட ஒரு விடயம் ”சில கிரிக்கெட் வீரர்களுக்குதான் அவர்களின் பெயரும் செயலும் ஒத்துப்போகும் அந்த வகையில் ஒரு வீரர்தான் யுசுப் பதான். அவரின் பெயரை பாருங்கள். படான் படான் என்று சொல்லும்போதே ஒரு ஆக்ரோசம் தெரிகின்றதல்லவா? அதைபோலதான் அவர் பெயரும் அவரது அடியும். அவரது அடிகள் எல்லைக்கோட்டை கடந்து செல்லும்போதெல்லாம் படான் என்ற சொல்லின் தொனியுடன் ஒத்துப்போகின்றது". இதை காமடியாக மொக்கையாக நேர்முகவர்ணனையின் போது சொன்னார். நான் இரு தடைவைகள் இவ்வாறு இவர் சொல்லும்போது கேட்டேன். ரசித்து சிரித்தேன்.

----------------------------------------------------------------------------------

கடந்த பதிவில் LBWற்கான Out side the leg stump விதி பற்றி சொன்னேன். அந்த விதியையாவது ஒரு சிலர் அறிந்திருந்தாலும் நான் இப்போது சொல்லப்போகும் Out side the Off stump விதியை அறிந்துகொண்டு போட்டிகளை கண்டுகளிப்போர் மிகக்குறைவெனலாம்.

1.Ball Pitching out side the off stump and made impact out side the off stump line

பந்துவீச்சாளர் வீசிய பந்து Out side the off stumpல் pitch செய்து (அதாவது Off stumpற்கு வெளியே) துடுப்பாட்டவீரரின் கால்காப்பில் (pad) படுகின்ற போது விக்கெட்டை தகர்க்கின்ற வாய்ப்பு இருப்பினும் சிலவேளைகளில் அது ஆட்டமிழப்பாகாது. ஏனெனில் கால்காப்பில் படும்வேளையில் வேறுசில Checkingகள் செய்து அதற்கேற்பவே நடுவர் தீர்ப்பு வழங்குவார்.

அதாவது பந்தானது Padல் படுகின்ற தருணத்தில் (at the time of impact) பந்தானது எங்கு நிலை கொண்டிருக்கின்றது என பார்ப்பார்கள். பந்து Off stump lineற்கு உள்ளெனில் மறு பேச்சே கிடையாது அவர் ஆட்டமிழந்தாக அறிவிக்கப்படுவார். பந்து Off stumpற்கு வெளியில் எனில் இன்னும் ஒரு Checking பண்ணப்படும். அவர் அந்த பந்தை அடிக்க (Shot attempt) முயன்றுதான் அவ்வாறு பட்டது எனின் அது ஆட்டமிழப்பாகாது. இல்லை அவர் அதை அடிக்கவே முயலவில்லை எனின் அது ஆட்டமிழப்பு ஆகும்.

இங்கே மேலே காட்டப்பட்ட 1வது படத்தில் Out sideல் pitchசெய்து அவர் அடிக்கமுயலும்போது பந்து படும் வேளையில் off stumpற்கு வெளியே பந்து இருப்பதால் இது ஆட்டமிழப்பாகாது.


2.Ball Pitching out side the off stump and made impact within the off stump line & leg stump

இந்த இரண்டாவது படத்தில் Off stump lineல் போடப்படும் பந்து படும்போது off stump lineற்குள்ளேயே இருப்பதால் மறு பேச்சு கிடையாது நேராக ஆட்டமிழப்புதான்.

----------------------------------------------------------------------------------

இந்த உலககிண்ணத்தில்தான் போட்டி தொடங்க முன்பே கிண்ணத்தை வெல்ல கூடிய பலமான அணிகள் என்று கருதிய அணிகள் இரண்டும் இறுதிப்போட்டிக்கு நுழைந்திருக்கின்றன. நானும் தொடங்க முன் இதேகருத்தை ஆமோதித்த மாதிரி இருந்தாலும் பின் போட்டிகள் ஆரம்பமானவுடன் கூறிய எதிர்வுகூறல் அப்படியே 100%ம் பொய்த்துப்போனது. எனவே இறுதிபோட்டி பற்றி கூற எனக்கொரு தகுதியும் இல்லை. ஆனால் விறுவிறுப்பான இறுதிப்போட்டியை எதிர்பார்த்திருக்கின்றேன்.

WorldCupCricket2011-Special

2011-03-01T01:02:00.000+09:00

உலகக்கிண்ண கிரிக்கெட் நேரத்தில் Pepsi நிறுவனம் வெளியிட்டிருக்கும் ஒரே Conceptஇலான Advertisementகள், பிரபல கிரிக்கெட் வீரர்களின் தனித்துவமான ஆட்டநுணுக்கங்கள் or Actionகளை Imitate செய்து அமைக்கப்பட்டிருக்கிறது. இவை பலர் மத்தியிலும் அமோக வரவேற்பை பெற்றுள்ளது.
இந்த Adல் எனக்கு ஞாபகமுள்ள வீரர்களும் அவர்களிற்குரிய Action பெயர்களும்
Dhoni - Helicopter Shot
Malinga - Slinging Bowling Action
Dilshan - Dillscoop
Kevin Peterson - Switch Hit
Virender Shewag - Uppercut shot
Harnbhajan Singh - Doosra
கீழே உள்ள Videoல் அனைத்து Adகளும் ஒன்று சேர்க்கப்பட்டிருக்கிறது. பாருங்கள். உண்மையில் வித்தியாசமான சிந்தனைதான்.

இதில் HarnhajanSinghற்கு Doosraபந்துவீச்சுமுறை சொல்லியிருப்பது அதை அவர்தான் அறிமுகப்படுத்தியது போல் பலரையும் நினைக்க தூண்டியிருந்தது. ஆனால் தூஸ்ரா பாணியை உலக அரங்கில் அறிமுகப்படுத்தியவர் உண்மையில் பாக்கிஸ்தான் முன்னால்வீரர் "சக்லையின் முஸ்டாக்" ஆவார். அதேபோல் UpperCut shotம் சேவாக்கிற்கு முன்னரே பலவீரர்கள் அதே பாணியில் துடுப்பாடியுள்ளனர்.

----------------------------------------------------------------------------------

Again Afridi giving Advices to Razzaq

Pakistan அணி தலைவர் சாஹிட் அப்றிடி ஒவ்வொரு பந்துவீச்சின் பின்பும் பந்துவீச்சாளர்களுக்கு Idea or Instructions வழங்க அவர்களுக்கு கிட்டே சென்று அடிக்கடி கதைப்பதை, பாகிஸ்தான் அணியின் முன்னால் அணித்தலைவர் WasimAkram கடுமையாக சாடியுள்ளார். இவ்வாறான செயற்பாடுகள் அந்த பந்துவீச்சாளர்களுக்கு வீணான Pressureஐ கொடுத்து அவர்களை குழப்பக் கூடியதென்றும் அத்துடன் அப்றிடியும் 10 முழு ஓவர்களையும் வீசவேண்டி இருப்பதால் அது அவருக்கு மேலதிக சக்தி இழப்பை ஏற்படுத்தி அவரால் ஒழுங்காக பந்துவீச முடியாது போய்விடும் என்றும் நகைச்சுவைபாணி கலந்து கடுமையாக கூறியுள்ளார். மேலும் தனக்கு bowling போடும்போது இப்பிடி யாரும் Instructions கூறுவது பிடிக்காமல் இருந்ததாகவும் தனக்கு, தான் என்ன செய்யவேண்டும் என்பது தெரியும் என்றும் கூறியுள்ளார்.

----------------------------------------------------------------------------------

SanjayManjrekar மற்றும் NassierHussain

நெதர்லாந்து இங்கிலாந்து அணிகளிற்கிடையிலான போட்டியில் முதலில் துடுப்பாடி நெதர்லாந்து அணியினர் அனைவரது கவனத்தையும் ஈர்த்து 294எனும் நல்ல ஓட்டஎண்ணிக்கையை பெற்றது அனைவரும் அறிந்ததே. இங்கிலாந்து மட்டைவீசும் ஒரு சந்தர்ப்பத்தில் Commentators ஆக பழைய இந்திய வீரர் SanjayManjrekar மற்றும் பழைய இங்கிலாந்து வீரர் NassierHussain கடமையாற்றிக்கொண்டிருந்தனர். அப்போது இங்கிலாந்து மெதுமெதுவாக ஆரவாரமின்றி பொறுமையாகவும் பொறுப்பாகவும் ஓட்டங்களை சேர்த்துக்கொண்டிருந்தது. இங்கிலாந்து 2விக்கெட் இழப்பில் இருந்த அந்த நேரத்தில் SanjayManjerkar சொன்னார் Dutch அணியினர் இன்னும் Attacking fielding setசெய்து 2விக்கெட்டுக்களை quick periodல் எடுப்பார்களெனின் அவர்கள் இந்த போட்டியில் வெற்றிபெற வாய்ப்புள்ளதென சொல்லிவிட்டார். பக்கத்தில் இருந்தவர் (NassierHussain) இங்கிலாந்துகாரர் ஆச்சே சும்மா இருப்பாரா? அவரும் கடுப்பாகி அது தென்னாபிரிக்கா இலங்கை போன்ற பந்துவீ்ச்சு, களத்தடுப்பு சிறப்பாக உள்ள அணிகளால்தான் மூடியும் இவர்களால் (நெதர்லாந்து) முடியாது என்று அவரின் மூகத்திலடித்து போல் கூறிவிட்டார். இது பெரிய சச்சரவாக இல்லாது அமைதியான கருத்தாடல் போல காணப்பட்டாலும் Commentator இருவரும் சற்று மூறுகல்நிலையில் இருந்தது போல் அது எனக்கு பட்டது.

----------------------------------------------------------------------------------

Ball pitching Outside the leg stump

கிரிக்கெட் போட்டிகள் பார்க்கும் பலர் இன்னும் சில அடிப்படையான போட்டிவிதிமுறுகள் கூட தெரியாமல் பார்ப்பது மட்டுமல்லாது மத்தியஸ்தரின் தீர்ப்புகளை தேவையில்லாமல் கேலி செய்து, விதிமுறைகள் தெரிந்தவர்கள் போல காட்டமுயன்று தங்களை தாங்களே மற்றவர்கள் முன் கேவலமாக்கி கொள்கின்றனர். பந்து Out side the leg stumpல் pitchபண்ணி எவ்வாறாக வந்து கால்காப்பை (Pad) தாக்கினாலும் அது ஆட்டமிழப்பாகாது. ஆனால் எம்மில் பலரோ விக்கெட்டுக்கு நேரா பந்துபோனது அவுட் குடுக்கேல எண்டு கத்திக்கொண்டு இருப்பார்கள். இது கூட தெரியாமல் போட்டிகளை பார்ப்பது கேவலம். தெரியாதவர்கள் இப்பவாவது தெரிந்து கொள்ளுங்கள்.
இதை Animationல் பார்க்க இங்கே கிளிக்குங்கள்!

----------------------------------------------------------------------------------

அடுத்தது இந்தமுறை உலககிண்ணத்தை வெல்லப்போவது ஆவுஸ்திரேலியா/ தென்னாபிரிக்கா/ பாகிஸ்தான் மூன்றில் ஒன்றுதான் இருந்து பாருங்கள். ஹிஹிஹி........